JERRY OLEA
Non-linear ang pagkakalatag ng kuwento ng Loyalista: The Untold Story of Imelda Papin.
Nag-premiere ang two-hour movie sa tatlong sinehan ng SM Megamall nitong Nobyembre 29, 2023, Miyerkules ng gabi.
Read: Imelda Papin, magpoprodyus ng pelikula tungkol sa buhay niya
Ayon kay Imelda Papin, sa dami ng gustong manood ay hindi talaga kasya ang isa o dalawang sinehan lamang. Nag-request daw sila na apat sana ang pelikulang pagpalabasan, pero wala nang maibigay ang pamunuan ng SM.
Sa dami ng dumalo ay mabilis na nagkaubusan ng pagkain sa likod at gilid ng entablado.
Nag-umpisa ang kuwento nang dalawin ni Maffi Papin Carrion (na siya mismo ang gumanap) ang amang si Bong Carrion (Gary Estrada) na Stage 4 na ang kanser.
Nag-flashback kapagkuwan sa Pebrero 1986 na kapanahunan ng EDSA People Power Revolution, hanggang sa sumunod si La Papin (Claudine Barreto) sa kanyang Ninong Ferdie (Jeorge “ER Ejercito” Estregan) at Ninang (Alice Dixson) sa Hawaii at nanirahan doon ng tatlo at kalahating taon.
Ang Ninong Ferdie ay si President Ferdinand E. Marcos Sr., at ang Ninang ay si First Lady Imelda Romualdez Marcos.
Read: Mga alaalang hindi dapat makalimutan tungkol sa EDSA People Power
Nag-flashback kay La Papin ang buhay sa Bikol bago pa siya lumuwas ng Maynila at i-manage ni Junne Quintana (Rey “PJ” Abellana).
May sariling flashback scenes si Ninong Ferdie sa deklarasyon ng martial law noong Setyembre 1972.
Read: 10 things that were banned in the Philippines during Martial Law
Napakarami ng cast members ng Loyalista: The Untold Story of Imelda Papin. Ang iba ay hindi na namin napansin.
Kabilang sa mga characters diyan sina Young Atty. Millora (Rez Cortez), Atty. George Nuguchi (Jeffrey Santos), Dulce Romualdez (Maita Javier Ejercito), Young Amay Bisaya (Hero Bautista), Young Alona Alegre (Angelica Jones), Young Elizabeth Oropesa (Katrina Paula), Young Rio Diaz (Hannah Jean Villame), Young Annie Ferrer (Demi Erica Junio), at Young Rita Gaddi (Gretta Jiwon).
Si John Nite ay billed as TV host.
Nandiyan din sa characters sina Joe Lazo (Rhene Imperial), Gen. Thomas Lantion (Marlon Mance), Gemo Trinidad (Dennis Coronel), Marcos helper (Whitney Tyson), at Family driver (Bayani Casimiro Jr.).
Kabilang sa party guests sina Divina Valencia, Marissa Delgado, Janice Jurado, Baby Go, Amay Bisaya, Marcos Mamay, Girlie Guillen Baltazar, Andy Que, David Tiu, Rolando Paculaba, Dr. Eloisa Lat, Ramon Antonio, Manny Chua, at marami pang iba.
Kasama rin sa cast sina Aileen Papin, Kanisha Santos, Ruby Arcilla, Pantene Palanca, Julian Roxas, Zac Papin, Jericho Ejercito, Eric Ejercito, Jhassy Busran, Jethro Ramirez, Eunice Lagusad, Ricardo Cepeda, Carlo Maceda, Bok Enciong, Archi Adamos, Blumark Sepe, et al.
Ang nagsulat at nagdirek ng movie ay si Gabby Ramos.
Maraming kanta sa pelikula. Ni-remake ng mag-inang Imelda at Mappi ang "Bakit" bilang duet. Siyempre, andiyan din ang "Isang Linggong Pag-ibig."
Anong say ng mga Marcos sa pelikulang Loyalista?
“Natuwa naman. Actually nung nabalitaan ni President Bongbong, e, siyempre tuwang-tuwa siya!” bulalas ni La Papin.
“In fact tinaas pa niya yung Loyalista, at sabi niya, kakatuwa. Tapos, sabi niya, ‘O, si Mel ang nakakaalam, ha? Sa Hawaii. Siya ang may alam. Siya ang andoon.’
“Ako at si Maffi noon. So, si Glo naman ang kasa-kasama ko sa Hawaii before.”
Mel ang palayaw ni La Papin. Elder sister niya si Gloria Papin, na Glo naman ang nickname.
Inimbitahan siyempre ni La Papin si President Bongbong Marcos sa premiere ng Loyalista.
“In-invite ko pero alam ko namang hindi siya puwedeng pumunta ngayon dahil busy siya ngayon,” sey ni La Papin.
“Kararating lang niya galing Amerika. At maraming mga engagements. Siguro sa Malacañang na lang mapapanood ni Presidente.”
GORGY RULA
Next year pa ang target playdate ng Loyalista: The Untold Story of Imelda Papin.
May mga block screening muna sa Resorts World (December 16), La Union (December 17), December 23 (Naga City), Samar (December 26), at Bohol (December 28).
Inaayos na ni Manay Aster Amoyo ang pagpapalabas ng Loyalista sa Japan.
“Andami! Andami na hong request po. Meron nang Hong Kong, meron nang Macau, meron nang Vegas, San Diego, of course Hawaii,” sey ni Imelda Papin.
“Andami po! Kaya this is all over before we put this in the theaters. Andami pong requests so abangan niyo po.”
Happy ba siya sa kinalabasan ng movie?
“Very happy! Grabe! Overwhelming ang response. In fact we cannot accommodate yung mga request ng tao that is why on December 16 we’ll have another block screening at Resorts World.”
Kumusta ang pagganap ni Claudine Barretto bilang Imelda Papin?
“Ay naku, naku! Saludo ako kay Claudine. At saka tuwang-tuwa siya na i-portray ako ang character ko,” sambit ni La Papin.
Kumusta naman si Alice Dixson bilang First Lady Imelda Marcos?
“Ay, naku! Masu-surprise kayo! Baka pumalakpak kayo pag nakita nyo siya. Grabe!” sambit ni La Papin.
NOEL FERRER
Good luck na lang sa produksiyong ito na Loyalista: The Untold Story of Imelda Papin.
Kung bakit kailangang ikuwento ang buhay ni Imleda Papin ay isa nang kagulat-gulat nang proyekto.
Sana ay magsilbing aral ito sa mga nagnanais gumawa ng bioflick. At sana, tunay ngang gusto ng maraming tao na panoorin.