JERRY OLEA
Apat na pelikulang Pinoy ang nasa listahan ng Top 10 Movies in the Philippines Today sa Netflix — Mamasapano: Now It Can Be Told, The Hows Of Us, Hello, Love, Goodbye, at Can We Still Be Friends?.
First time ito nangyari ngayong 2023.
This year, apat na beses pa lamang na may tatlong Pinoy movies sa talaan ng Top 10 Movies in the Philippines Today sa Netflix. Nangyari iyon noong Oktubre 22, 23 at 25, at Disyembre 4.
Ngayong Disyembre 5, Martes, ay may bagong number 1 movie sa Netflix PH, ang MMFF 2022 entry na Mamasapano: Now It Can Be Told.
Bida rito sina Edu Manzano, Aljur Abrenica, Paolo Gumabao, at Alan Paule.
Read: "Mamasapano: Now It Can Be Told" producer, sinagot ang "premiere night" issue
Isang araw lang sa top spot ang 2018 KathNiel movie na The Hows Of Us. Pangalawa na lang uli ito ngayon.
Read: 2018 KathNiel movie The Hows Of Us No. 1 na sa Netflix
Nasa pangwalong puwesto ang Hello, Love, Goodbye nina Kathryn Bernardo at Alden Richards. Ito ang pinakamalakas ng pelikulang Pinoy sa kasaysayan, pero hindi iyon adjusted sa inflation.
Noong Disyembre 2020 nag-umpisa ang Netflix streaming ng KathDen movie. Interesting subaybayan kung sa mga susunod na araw ay tataas ang ranking ng KathDen movie, na hanggang Disyembre 23 na lamang mapapanood sa Netflix.
Ano kaya kung habang tumataas ang ranking ng one and only KathDen movie ay ispageting pababa naman ang last KathNiel movie? If ever, meron ba iyong ipinapahiwatig sa kahihinatnan ng career ni Daniel Padilla?
Mainit pa ring pinag-uusapan ang cheating issue kay Daniel, at kakabit doon sa tuwi-tuwina si Andrea Brillantes.
Read: Andrea Brillantes kinuyog ng bashers matapos makumpirma ang KathNiel breakup
Kaabang-abang din kung saan pupulutin ang career ni Andrea, lalo pa’t idinadawit din ito sa hiwalayan nina Elijah Canlas at Miles Ocampo.
Read: Elijah Canlas confirms breakup with Miles Ocampo
Patuloy bang susuportahan si Andrea ng mga kumpanyang kumuha sa kanya bilang endorser ng kanilang mga produkto kahit bugbog na bugbog ito sa bashing ng netizens?
At any rate, more and more Filipino films ang mapapanood sa Netflix sa mga susunod na araw — Kidnap for Romance nina Cristine Reyes at Empoy Marquez umpisa Disyembre 6, I Love Lizzy nina Carlo Aquino at Barbie Imperial umpisa Disyembre 15, Video City nina Ruru Madrid at Yassi Pressman umpisa Disyembre 20, at A Very Good Girl nina Kathryn Bernardo at Dolly de Leon umpisa Disyembre 27.
Ang Top 10 Movies in the Philippines Today ng Netflix — Mamasapano: Now It Can Be Told, The Hows Of Us, Family Switch, Insidious The Red Door, Leo, Catering Christmas, Escape Room, Hello, Love, Goodbye, Breaking Dawn Part 2, at Can We Still Be Friends?.
Ang Top 10 TV Shows in the Philippines Today ng Netflix — My Demon, Sweet Home, Replacing Chef Chico, Welcome to Samdal-ri, Obliterated, Can’t Buy Me Love, Squid Game: The Challenge, Castaway Diva, Spy x Family, at The Apothecary Diaries.
Sa Disyembre 10 ay streaming na sa Netflix ang limited series nina Barbie Forteza at David Licauco na Maging Sino Ka Man.
Hindi nakaporma sa TV ratings game ang BarDa series. Taob ito sa FPJ’s Batang Quiapo. Tingnan natin kung aarangkada sa Netflix ang BarDaserye.
NOEL FERRER
Hit ang anything and everything KathNiel hanggang ngayon. Tabon na tabon nila ang iba pang couples na napabalitang hiwalay rin — Kim Chiu and Xian Lim, Paulo Avelino and Janine Gutierrez, Elijah Canlas and Miles Ocampo, Liza Soberano at Enrique Gil (na may lumabas muling parts ng unpublished breakup confirmation), at ang napapabalitang controversial ding Richard Gutierrez and Sarah Lahbati separation.
Read: PEP OUTTAKES: KathNiel, KimXi, Richard-Sarah rumored breakups
Le-level ba rito ang Mavy Legaspi at Kyline Alcantara break up din?
Aba, trending sa X ang Sean, Raven at Gelo.
Pasabog ang posts ni Sean Tristan sa X, na binura kapagkuwan pero kumakalat ang screenshots.
Ang ka-“love team” ni Sean ay si Raven Rigor, at ang third wheel dito ay si Gelo ng BGYO.
“my heart hurts” ang naiwang post ni Sean sa X kaugnay sa pinagdadaanan niya.
Ang kaibahan ng KathNiel, ang loyal supporters nila ay may mga pelikula at iba pang significant projects na puwedeng balik-balikan. Kaya aabangan pa rin ang kanilang bawa’t hakbang.
Pati na ang kay Andrea Brillantes na itinuturing ngayong pinaka-in demand na sahog ng kung anumang relasyon.
GORGY RULA
Sa tindi ng mga maiinit na isyu ng love affair ng mga love team, kagaya nitong KathNiel, nakakaloka na trending din itong BGYO sa namumuong magandang pagtitinginan nina Raven at Sean, na pumapasok sa eksena si Gelo.
Ang cute kasi nila at interesting ding subaybayan kung ano ba talaga ang kanilang love story.
Pagkatapos ng on screen love team o tandem nina Cairo (Elijah Canlas) at Gavreel (Kokoy de Santos) sa Gameboys, ito na kayang sa BGYO ang mas matindi na naikukumpara sa isyu ng KathNiel dawit si Andrea Brillantes?
Sa panahon ngayon ng patuloy na pagtaas ng mga bilihin, kakapiranggot na pagbaba ng gas, bombahan, lindol, at confidential funds, nababaling ang atensiyon natin sa hiwalayan ng KathNiel.
Pampapagaan sa bigat ng nararamdaman ang maiinit na isyu sa showbiz, at ang kinakikiligang love teams.
Sabi nga ni Sharon Cuneta sa nakaraang mediacon ng Family of Two (A Mother and Son Story), nabubuhay pa rin talaga tayo sa pantasya ng love teams na sana, maging sila o magkakatuluyan na sana ang kinikiligan nating love teams o ang magkakarelasyong artista.
"That's unique to our culture. And we should accept it and embrace it. Because since it started, parte na natin yan.
"Yung ano ba naman yung pakiligin mo yung audience na nagdi-dream na o they might end up together. There's nothing wrong with that. Because our business is a fantasy... business of fantasy.
"We make dreams. We make magic on screen. That's part of it," bahagi ng pahayag ni Sharon.
Kaya ang laki ng pasasalamat ni Alden Richards sa nagawa ng love teams sa kanyang showbiz career.
"Ako po kasi, of course I've been a product of love teams, and I'm not ashamed. Hindi ko po ikinakahiya na marami po akong naka-love team before. And hindi ko po ikinakahiya na dun ako nagsimula.
"But I'm very much grateful to the love team concept here in the Philippines," sabi naman ni Alden.
Kaya patuloy pa nating subaybayan ang mga relasyon ng mga minahal nating love teams. Di ba, nandiyan pa rin ang kilig natin sa mga kinakalakihan nating love teams kagaya nina Sharon Cuneta at Gabby Concepcion?
How true na may binabalak namang P.S. I Love You pagkatapos ng Dear Heart concert? Hindi ko alam kung pelikula, concert o ano mang project ito.
Ang isa pang babalikan nating perennial love team ay ang kina Vilma Santos at Christopher de Leon sa pelikulang When I Met You In Tokyo na official entry sa MMFF 2023.
Sahog din diyan ang tandem nina Cassy Legaspi at Darren Espanto. Kaya mabuhay na tayo sa love teams at sa kahit ano mang uri iyan nang pagmamahalan.