JERRY OLEA
First time makatrabaho ni Sharon Cuneta si Alden Richards sa pelikulang Family Of Two (A Mother And Son Story).
“One of the happiest experiences of my working life!” bulalas ng 57-anyos na Megastar sa mediacon noong Disyembre 3, 2023, Linggo sa Novotel hotel, Quezon City.
“In my 45 years. Super! I understand why Alden is Alden now that I’ve worked with him.
“I understand why the biggest stars are really the humblest. I understand that better now.
“I’ve worked with the biggest, you know. I mean the older ones, some are not even with us anymore — they were always the humblest. And Alden is one of those…
“Alam mo it’s not just becoming sikat. It’s about staying power. And Alden for sure will have that. For sure will have that.
“He’s handsome. He’s a good actor. A great co-worker. Ang face niya, made for the screen. His eyes are more expressive on screen.”
Read: Dabarkads Alden Richards maggi-guest sa It's Showtime for the first time
Pagdidiin ni Sharon, anak talaga ang tingin niya kay Alden.
Sabi pa ni Shawie, “When we had scenes together, they were all effortless. They were all so automatic, na na-feel ko talaga, anak ko siya.
“So, talagang hundred fifty percent ang bigay ko sa eksenang kasama ko siya. Nakasama ko silang lahat pero siyempre, siya ang anak ko dito.
“Hundred fifty percent, wala, no inhibitions, so nothing. Anak ko ito. Automatic talaga, sobrang automatic. Talagang feeling ko, anak ko siya.
“Ganun din ang ibinalik niya sa akin. Mommy'ng-mommy ang turing niya sa akin. Aampunin ko na nga ito, e!”
Ang Family Of Two (A Mother And Son Story) ay isa sa sampung official entries ng 49th Metro Manila Film Festival (MMFF).
Read: MMFF 2023 Top 10 official entries: Pinaghalu-halong romance, drama, horror, comedy, fantasy, action
Kuwento ito ng mag-inang Maricar (karakter ni Sharon) at Mateo (karakter ni Alden). Take note na sa totoong buhay, ang full name ng 14-anyos na bunsong anak nina Sharon at Kiko Pangilinan ay Miguel Samuel Mateo Pangilinan.
Prinodyus ang Sharon-Alden movie ng Cineko Productions, na nagprodyus ng Family Matters na entry sa MMFF last year.
Kagaya ng Family Matters, idinirek ito ni Nuel Crisostomo Naval mula sa panulat ni Mel Mendoza-del Rosario.
Nasa cast din ng Family Of Two (A Mother And Son Story) sina Miles Ocampo, Pepe Herrera, Jackielou BLanco, Tonton Gutierrez, Soliman Cruz, Donna Cariaga, Carla Guevarra, Adriana So, Chris Tan, at Justine Luzares.
NOEL FERRER
Noong 2008 pa pumanaw ang ina ni Alden Richards.
Naaalala ba niya ang kanyang ina kapag kaeksena niya si Sharon Cuneta sa Family Of Two (A Mother And Son Story)?
Naiisip ba niyang wala na siyang loving mother in real life?
“In every scene, in every scene,” tugon ni Alden.
“Pero the thing about right now po kasi, since pag umaarte na po ako ngayon — of course nandiyan pa rin yung inspiration ng nanay ko — pero ambilis ko lang na-attach talaga dun sa karakter ni Mateo.
“Kasi parang basically, in real life, my mom is absent. But this time, my father is absent naman.
“So, parang ganun, whenever we do scenes, kaming dalawa ni Mama, parang like what she said, madali.
“Kasi po, parang instantaneous yung dating ng emotion and at the same time it’s like not acting at all whenever we do those scenes.
“Ang gaganda kasi ng linya, e!”
Dagdag ni Sharon, “Sobra yung bonding namin ni Alden. Sobra yung naging bonding namin.
“I didn’t expect. Sabi ko… parang napapanood lang kita. Yung di ko naman akalain na dadating sa buhay ko yung isang Alden Richards na mamahalin ko nang ganito. Ganun.
“Kasi I wrote him and Miles, and Direk.”
Pakli ni Alden, “Mahilig si Mama sa letters talaga, long handwritten letters.”
Lahat tayo, mga anak, lalo na iyung mga maka-nanay na tulad nating Troika ay makaka-relate talaga!
GORGY RULA
Anak na ang turing ni Megastar sa Asia’s Multimedia Star.
Kung pipili si Shawie ng manugang, taglay ba ni Alden ang mga katangian ng gusto niyang maging son-in-law?
“Oh yes! Lahat, na kay Alden!” bulalas ni Sharon.
“Lahat na kay Alden. Kung ganyan ang magiging asawa ng kahit sino sa mga anak ko… kahit si Miguel pa! Ha! Ha! Ha! Ha! Ha! Ha! Ha! OK lang sa akin!
“Alam niyo naman ako — kung saan maligaya ang mga anak ko, doon ako! Support lang ako. Wala akong ganyan.
“No… but you know, kasi kuyang-kuya nila, e. Iyong panganay [KC Concepcion] ko naman, may buhay nang sarili rin. E, may honey na rin siya, so…
“Naku! Kung pupuwede lang, gusto ko ng isa pa para sa yo, di ba?! Ha! Ha! Ha! E may kanya-kanyang buhay sila.
“So… but oh my God! Any mother I think would be just so blessed to have this boy as a son-in-law.
“No, really, from the bottom of my heart. Because he’s so responsible. He’s like me! He’s like me, so he’s responsible.
“He works hard. He knows his priorities. He’s God-fearing. He is honest. He’s authentic. And look at the face! Ha! Ha! Ha! Ha!”