GORGY RULA
Kumalat ang video ng interview ni Mr. Fu sa legal counsel nina Tito Sotto, Vic Sotto, at Joey de Leon na si Atty. Enrique "Buko" dela Cruz sa programang Abante TeleTabloid.
Dito ay nabanggit ni Atty. Dela Cruz ang pagpa-file nila ng injunction laban sa TAPE, Inc. na hindi nila puwedeng gamitin ang titulong Eat Bulaga! sa noontime show na umeere sa GMA-7.
Read: TVJ wins Eat Bulaga! trademark case; IPO cancels Eat Bulaga!/EB trademark of TAPE
Sabi ni Atty. Dela Cruz, “Nag-file na po kami ng injunction sa RTC Marikina.
"Yung kaso na yun, hinihiling sa korte na pigilan sila sa paggamit nila ng trademark na Eat Bulaga!.
"Hinihintay namin na lumabas yun. So, most likely, baka mga January [2024]."
Read: Joey de Leon takes a swipe at TAPE for using Eat Bulaga!: "Pakapalan na lang."
Ang pagkakaintindi ng ibang netizens ay nai-file na ang injunction at automatic nang hindi puwedeng gamitin ng TAPE ang titulong Eat Bulaga!.
Inusisa namin ang legal counsel ng TAPE na si Atty. Maggie Abraham-Garduque. Ayon sa kanya, wala naman silang natatanggap na kopya tungkol sa kasong iyon, at wala raw siyang ideya.
Napanood daw ni Atty. Garduque ang bahagi ng interview ni Atty. Dela Cruz na nai-share sa Tiktok.
Reaksiyon niya, "Yes, I watched that interview of Atty. Buko kay Mr. Fu.
"I'm glad that he understands that the case is not yet final with IPO and TAPE, Inc. has the right to appeal the decision of the adjudication officer of BLA to cancel their trademark.
"If we are talking of respect, I hope TVJ will also respect this right of TAPE, Inc. to appeal and thereby not use Eat Bulaga! while the case is on appeal.
“Pero mas concerned or should I say bothered ako sa last statement niya na alam niya na January magre-release ng decision ang RTC Marikina sa copyright case at maglalabas din daw ito ng injunction laban sa TAPE, Inc.
"Sinabi niya na ito ang hinihintay niya para magamit na nila ang Eat Bulaga! sa January.
"He is putting RTC Marikina in a compromising situation na parang alam na niya ang decision ng court."
Read: TAPE will continue to use Eat Bulaga! for its noontime show
Nagtanung-tanong din kami sa ilang taga-Eat Bulaga!, pero ayaw na nilang magbigay ng pahayag.
Nagtanong kami kung nag-iisip na ba sila ng fallback sakaling hindi umayon sa kanila ang desisyon kaugnay sa kasong ito. Pero hindi na kami sinagot.
JERRY OLEA
Ongoing ang Battle of the Noontime Shows, at kapana-panabik pa rin ang mga susunod na kabanata.
May mga nakakagulantang na twists and turns sa E.A.T., Eat Bulaga!, at It’s Showtime.
Sa Game of Ratings at pabonggahan ng commercial load, aling programa ang mananaig eventually?
Read: Ratings war explained: how are noontime shows faring amid new TV landscape?
NOEL FERRER
March 1 nang ma-blind item natin dito ang malaking pagbabago sa isang noontime show.
Nabago ang TV landscape dahil sa Battle of Noontime Shows. Natuldukan eventually ang Network War sa pagitan ng ABS-CBN at GMA, at nag-collab sila.
Ang sanga-sangang usapin kaugnay sa E.A.T., Eat Bulaga!, at It’s Showtime ang Showbiz Newsmaker of the Year.
Interesting kung paano mareresolba ang mga bagay-bagay.
Read: Long-running show, magkakaroon ng malaking pagbabago sa pag-alis ng isang well-loved personality