JERRY OLEA
Tapos na ang principal photography ng launching movie ni Geraldine Jennings na Isla Babuyan, na kinunan sa Batangas.
Ayon sa manager-discoverer ni Geraldine na si Leo Dominguez, na nag-conceptualize ng nasabing project, ang Isla Babuyan ay inspired ng mga pelikula ng yumaong direktor na si Joey Gosiengfiao whose pet name is "Peking Duck."
Read: Movie director Joey Gosiengfiao dies
Si Direk Joey ang nagdirek ng launching film ni Dina Bonnevie na Katorse (1980), kung saan leading men ni Dina sina Gabby Concepcion at Alfie Anido.
Idinirek din ni Peking Duck ang mga pelikula ni Alma Moreno na Bomba Star (1978), Nympha (1980), Diary of Cristina Gaston (1982), Virginia P. (1989) na ang original title ay Rape of Virginia P., at Secrets of Pura (1991) na ang original title ay Secrets of Pura Kikinang.
Kikinang kaya ang bituin ni Geraldine sa Isla Babuyan, kung saan kasama rin sa cast sina Lotlot de Leon, Jameson Blake, Paolo Gumabao, Dave Bornea, James Blanco, Nathalie Hart, at Samantha da Roza?
Read: Jameson Blake level up ang ipapakita sa pelikulang Isla Babuyan
Singing ang first love ni Geraldine. Inspirasyon niya sina Miley Cyrus, Dua Lipa, Gal Gadot, at Margot Robbie.
Sa local artists, bet niya sina Solenn Heussaff, Liza Soberano at Lovi Poe. Naku-cute-an siya kay Zanjoe Marudo.
Marunong siyang mag-Tagalog pero hindi matatas.
Libangan niya ang mangabayo, mag-exercise, maglaro ng polo, at mag-clay pidgeon shooting.
Noong katorse si Geraldine, lumahok siya Teenstar UK singing competition. Taong 2018 iyon, at umabot siya sa final round.
Nag-join din siya sa prestigious future music development award in the Open Mic UK singing competition, kung saan nagwagi siya.
Nag-perform siya sa O2 Arena sa London.
“From my young age, I love singing,” pagtatapat ni Geraldine sa mediacon noong Enero 5, Biyernes, sa Fish and Claw Grill, Timog Avenue, Quezon City.
“My mom enrolled me at singing classes and guitar classes.”
Unti-unting napamahal sa kanya ang pagkanta at pag-arte, at naging passion niya ang mga ito.
Two years ago pa raw siya kinukulit ni Leo Dominguez na subukan na ang pag-aartista at pagkanta sa Pinoy showbiz.
Kumusta ang pagsyusyuting ng Isla Babuyan?
Sabi ni Geraldine, “It was an amazing experience… It was challenging initially because it’s very different from studying it butAeveryone was so helpful, so friendly.
“And it was really natural to me. It was natural and felt normal. It felt great, I love it!”
Willing ba siyang makipag-love team?
“Yeah, I’m pretty flexible. I would be willing. I’m easy naman to like do what is needed. So I think I would be willing, yeah, if needed,” tugon ni Geraldine.
Kaya ba niya ang sexy roles?
“OK, kaya ko, pero more classic, not too much, you know. I’m still a bit conservative, but classy. Classy sexy. Dapat classy,” sey ni Geraldine.
Ibig sabihin, hindi siya magbibihadhad ng boobey o bermuda triangle. Hindi siya pam-Vivamax.
GORGY RULA
Sa Pilipinas isinilang si Geraldine Jennings.
Ang kanyang amang si Frank Jennings ay Northern Irish/British, samantalang ang kanyang ina ay Pinay, si Gina Cariaga Jennings na tubong-Pasuquin, Ilocos Norte.
May tatlo siyang sisters na pawang talentado. Pangalawa siya sa panganay.
“Nursery to Year 2, I went to a private school, British School Manila in BGC,” salaysay ni Geraldine.
“When I moved to UK in 2009, I moved to Edinburgh, and I attended both private schools Fettes College, and in my last year of high school, I attended Loretto School.”
“I returned to the Philippines three times a year during my vacation. We have a second home in Manila.
“After high school, I went to Loyola Marymount University in Los Angeles, California for one year, and took Business Management with Music And Acting.
“Now, I am currently studying in the University of London.”
Sa istorya ng Isla Babuyan, ang karakter ni Geraldine na si Anastassia ay hindi nalalayo sa tunay na buhay.
Si Anastassia ay half-Filipina at half-European na nagtungo sa Pilipinas upang makasama ang Pinay mother niyang si Rose (Lotlot de Leon).
Magkakagustuhan sila ni Jordan (Jameson Blake) na tagapagmana ng isang mayamang pamilya.
Hadlang sa kanilang pag-iibigan ang madrasta ni Jordan na si Margot (Nathalie Hart). Gagawin ni Margot ang lahat upang magkahiwalay sina Jordan at Anastassia.
NOEL FERRER
Ang pag-asa ng ating industriya ay nasa pagtuklas ng mga bagong dugo na magpapatuloy ng magandang nasimulan ng mga hinahangaan natin sa pinilakang tabing.
Sana nga, taglay ni Geraldine Jennings ang mga katangian at prinsipyo na gusto natin sa sarili natin at sa iba pa nating kababayan.
Siya na kaya ang bagong iidolohin ng mga Pilipino? Good luck!