JERRY OLEA
Sa Abril nakatakdang ipalabas ang pelikulang Under Parallel Skies kung saan bida sina Janella Salvador at Win Metawin, sa direksiyon ni Sigrid Andrea Bernardo.
Read: Janella Salvador paired with Thai actor Win Metawin in 'Under Parallel Skies'
Kumusta ang shooting nila sa Hong Kong?
“It was very challenging,” sambit ni Direk Sigrid sa mediacon ng inaugural Puregold CinePanalo Film Festival nitong Enero 22, 2024, Lunes, sa Art Son Events Place, Roces Avenue, Quezon City.
“Kasi, parang merong time limits si Win because he’s an international star. And he’s very, very busy. Pero yun, OK naman, yeah.”
Bakit sa HK sila nag-shoot at hindi sa Thailand?
“First, supported ito ng Hong Kong Tourism Board. So ayun, and the producers just told me to shoot in Hong Kong. So, yeah.”
Love story ang Under Parallel Skies. Kinakitaan ba niya ng chemistry sina Win at Janella?
Mabilis na tugon ni Direk Sigrid, “Yeah. Yeah, oo. And it was very challenging kasi first time kong magme-make na naman ng love team. Parang lagi akong gumagawa ng love team.
“So, si Win is siyempre foreigner, Thai actor. Si Janella is a Filipina. So it’s also very challenging for me na magkaroon sila ng chemistry. We did workshops also.”
Kumustang katrabaho si Win?
“OK naman. At first siyempre, lahat naman ng kailangan na… He’s very quiet but he is very, very professional on set,” sey ni Direk Sigrid.
“He knows his lines. In character siya, and he listens.”
Janella Salvador and Win Metawin in Under Parallel Skies
Batid ni Direk Sigrid na sumikat si Win, katambal si Bright Vachirawit, sa Thai BL series na 2gether (2020) noong lumaganap ang COVID-19 pandemic.
Read: Thai stars Bright Vachirawit, Win Metawin hope to visit Boracay, Cebu
“I was surprised na magiging artista ko siya. Kasi sobra siyang sumikat,” sabi ni Direk Sigrid.
“Kaya nagkaroon ng mga BL series dito sa Philippines. And I did a GL series sa Vivamax because of that.”
Ang GL series na tinutukoy ni Direk Sigrid ay ang Lulu (2022) na pinagbidahan nina Rita Escaño at Rita Martinez.
Read: Rhen Escano ayaw maging lalaki ang lesbian screen partner na si Rita Martinez
Kabilang sa mga pelikula ni Direk Sigrid ang Kita Kita (2017) at Walang KaParis (2023) nina Alessandra de Rossi at Empoy Marquez, Ang Huling Cha-cha ni Anita (2013) nina Angel Aquino at Therese Malvar, Mr. & Mrs. Cruz (2018) nina Ryza Cenon at JC Santos, at UnTrue nina Cristine Reyes at Xian Lim.
Natawa si Direk Sigrid nang uriratin ko kung straight ba talaga si Win.
“Siyempre hindi ko naman tinanong. Because, you know, it’s not part naman ng ano namin because we’re doing a love story,” pagmamatuwid ni Direk Sigrid.
Nakakakilig ba sina Win at Janella?
“Ahh, yes, yes. Kung minsan nga, nakangiti lang ako. Uy! Uy!”
Malaking hamon iyon dahil sumikat si Win na lalaki ang ka-love team.
“Exactly… dati, di ba, meron tayong Mario Maurer? So, parang sa akin, oh my gosh! This has to work! Galing siyang BL, e!” saad ni Direk Sigrid.
“So, ang hirap but I don’t mind. Basta ako, ang importante, gawin natin ang kuwento. Yun naman, image yon, e.”
Kumusta ang tandem nina Win at Janella?
“OK, OK silang dalawa. Akala ko nga, kasi siyempre, baka may language barrier,” sagot ni Direk Sigrid.
“Pero si Win kasi is learning English. Every after our shoot, meron siyang coach on English.”
May kissing scene sila?
“Abangan niyo na lang sa teaser. May teaser naman, e. One minute-teaser. February 1 ata ire-release.”
NOEL FERRER
Excited si Direk Sigrid na makasali sa unang Puregold CinePanalo Film Festival sa Marso 15-17 sa Gateway cinemas sa Cubao, Quezon City.
Ang pelikula niyang Ang Huling Cha-cha ni Anita ay isa sa walong kalahok sa unang CineFilipino Film Festival noong 2013.
Ang short film niyang Babae ay kabilang sa limang short films ng unang Cinemalaya filmfest noong 2005.
Pushcart Tales ang title ng entry ni Direk Sigrid sa Puregold filmfest. Ngayong Enero 23, Martes, ang first shooting day nito.
Nasa cast ng Pushcart Tales sina Therese Malvar, Nonie Buencamino, Shamaine Centenera-Buencamino, Elora Españo, Harvey Bautista, at Carlos Siguion-Reyna.
Ang lima pang full-length film finalists ng CinePanalo ay A Lab Story ni Carlo Obispo, Road to Happy ni Joel Ferrer, Boys at the Back ni Raynier Brizuela, Under the Piaya Moon ni Kurt Soberano, at One Day League: Dead Mother, Dead All ni Eugene Torres.
Bawat full-length finalist ay may PHP2.5M grant mula sa Puregold. Mula sa 235 na nagsumite ay nag-shortlist ng 15 full-length finalists.
Ang selection committe ay kinabilangan nina Direk Jeffrey Jeturian, Direk Victor Villanueva, film critic Tito Valuente, Puregold senior marketing manager Ivy Hayagan-Piedad, Lyle Gonzales ng Republic Creative, at CinePanalo festival director Chris Cahilig.
Meron ding kalahok na 25 short films ng mga estudyante mula sa NCR, Luzon, Visayas, at Mindanao.
Tig-PHP100K an grant ang bawa’t maikling pelikula.
GORGY RULA
Nag-cameo si Direk Sigrid sa MMFF 2023 official entry na Becky & Badette.
“Oh my God! Grabe! Andaming nagme-message sa akin! Sana, ok yung akting ko dun, Diyos ko po, Lord!” natatawang bulalas ni Direk Sigrid.
Nasa script daw ang dialogue niya sa movie, kung saan ipinagmalaki niya ang pagiging direktor ng blockbuster na Kita Kita. Sinunod lang niya ang direktor na si Jun Robles Lana.
“I was shooting in Hong Kong at that time. I was shooting for my next film, yung kay Janella at kay Win Metawin when I did that,” pagtatapat ni Direk Sigrid.
Blockbuster director na siya. Bakit naisipan pa niyang sumali sa Puregold CinePanalo filmfest?
“To be honest, kontesera talaga ako. I don’t mind kung anumang competition yon,” pahayag ni Direk Sigrid.
“I really want to tell stories. Ang main challenge talaga is the budget, to be honest. Siyempre, di ba, nasanay ka na kahit papaano.
“Hindi naman kalakihan yung budget namin sa iba kong films, but this is really one of the medyo na-challenge din ako.”
Hindi sapat ang PHP2.5M grant para mabuo ang Pushcart Tales.
“We are very lucky to get some sponsors. And yun nga, ang maganda lang siguro, kasi kahit papaano, may ROI na ako dun sa mga pinagtrabahuhan ko.
“Yung mga equipment, yung mga ganyan. So they’re willing to help me. Kaya napagkasya namin.”
Passion project niya itong Pushcart Tales?
“Yeah, yeah, yes. Lahat naman ng pelikula ko, passion project ko, sa totoo lang talaga,” pagsisiwalat ni Direk Sigrid.
“But this one I really made this for Puregold talaga.”