Matagal napapikit si Lovi Poe nang mag-wish bago hinipan ang kandila sa birthday cake na inihanda sa kanya nang humarap siya sa ilang entertainment press sa Super Sam restaurant, sa Quezon City, nung Martes, February 27, 2024.
Kinarir daw niya talaga ang birthday wish niya.
Read: Lovi Poe, umuwi ng Pinas para makasama sa huling sandali ang alagang aso
Nung February 11 pa ang 35th birthday ni Lovi, pero nasa Amerika siya noon, at ngayon lamang siya nakabalik ng bansa at nakahalubilo ang ilang taga-entertainment media.
Tinanong namin kung ano ngayon ang kanyang birthday wish.
“I guess my birthday wish is to be able to balance life perfectly. I know it’s gonna be hard but then, to balance, you know, personal life and then work life as well.
“I think that’s my major… and to achieve my goals, and still nurture my relationship,” pakli ng Kapamilya actress.
Wala pa ba sa wish niyang magka-baby na sila this year ni Monty Blencowe?
Read: Lovi Poe is now married to Monty Blencowe
“Of course, it could happen, that’s definitely something that I will work in the future.
“Right now, marami pa kasing kaming gustong gawin. We wanna enjoy our married life.
"But of course, if that happens soon, I’ll be very happy,” napangiti niyang sagot.
Hindi pa raw niya masasabing handa na siyang magka-baby.
Kapag dumating yun, kung talagang ibibigay sa kanila ng Panginoon, siyempre magiging masaya raw silang mag-asawa.
“It’s hard to say, di ba? Kasi parang it’s something na… my friends would usually say na they’re never prepared until it’s there.
“So, I cannot fully say I’m ready. When it happens, I will make sure that I’ll be ready,” dagdag niyang pahayag.
Read: Lovi Poe to Monty Blencowe: "I want this life with you and I'm going to make it work"
NOEL FERRER
Bumalik na ng Amerika si Lovi, pero babalik daw siya ng bansa kapag magsisimula na ang dalawa niyang proyektong naka-lineup.
Sisimulan na raw niya ang pelikulang The Untamed sa Regal Entertainment na ididirek ni Richard Somes. Wala pa raw siyang sisimulang drama series.
“Right now, I just wanna focus on the movies that are in line for me,” sambit ni Lovi.
Na-enjoy raw niya nang husto ang experience niya nang ginawa ang Hollywood indie film na Bad Man.
Read: Confirmed: Lovi Poe joins cast of Hollywood indie film Bad Man
“I had the best time filming Bad Man,” bulalas ni Lovi.
“Nung una sa lahat, when I got the script, nung binasa ko I was laughing.
“It was such a beautiful script and just to be part of this talagang sobrang… I can’t believe, I’m just so grateful.
“Plus, such an amazing cast, you know… when I entered the set, hiyang-hiya ako, I’m so intimidated. Kasi siyempre, these are the people that, you know, I’ve watched, and, you know, just to be in this kind of environment, nakaka-intimidate. But then they make me feel so comfortable.
“Everyone is so professional, ang saya! When I was there, you know, hanggang ngayon I was still on the high. Kasi, nung ginagawa ko yung project na yun, I really enjoyed,” pahayag ni Lovi.
Kasama ni Lovi sa Bad Man sina Seann William Scott (American Pie), Johnny Simmons (The Perks of Being a Wallflower), Rob Riggle (21 Jump Street), Chance Perdomo (After We Fell), at Andre Hyland (Barry).
JERRY OLEA
Thirty-five years old na si Lovi. Her biological click is ticking, ika nga. Kaya inaasam nating makabuo na sila ni Monty ng baby sa lalong madaling panahon.
Napatunayan na ang husay ni Lovi noon pa man, kaya kahit mag-focus muna siya sa pamilya for a while ay may babalikan pa siyang career.