JERRY OLEA
Nakakintal sa isip ni Jomari Angeles ang glorious moment ni Jaclyn Jose nang tanghalin itong best actress sa Cannes noong Mayo 2016 para sa pelikulang Ma’ Rosa.
Read: Jaclyn Jose wins Best Actress at Cannes for Ma' Rosa
“Pinaka-core memory ko kay Ma’am Jaclyn, yung gabi ng awards night, yung sa Cannes film festival,” paggunita ni Jomari sa lamay kay Jaclyn nitong Marso 5, 2024, Martes ng gabi, sa Arlington Memorial Chapels sa Araneta Avenue, Quezon City.
Read: Ma'Rosa star Jomari Angeles defends Maria Isabel Lopez's Cannes moment
Si Jomari ay gumanap bilang Erwin, ang bunsong anak nina Rosa (Jaclyn) at Nestor (Julio Diaz) sa nasabing pelikula. Nakipagtalik si Erwin sa bakla (Alan Paule) upang makaipon ng pantubos sa amang nakulong dahil sa pagbebenta ng droga.
Jaclyn Jose and Jomari Angeles in a scene from Ma' Rosa
Pagpapatuloy ni Jomari, “Kasi, bago kami pumunta dun sa awards night, natunugan na namin na mananalo yung pelikula.
“Pero hindi namin alam na best actress award. Ang akala namin, best screenplay. So, iba yung reaction.
“Si Miss Jane [totoong pangalan ni Jaclyn] talaga, wala siyang idea. At saka kami nun, parang kumbaga, tinatamad nang pumunta sa awards night. For the experience lang.
“Tapos nung tinawag yung pangalan, Jaclyn Jo-se… Dyo-sey pa ang pagkaka-pronounce, hindi Ho-se.
“So, parang nalingat pa siya. Parang… ‘Ako ba yon?!’ Kasi nga, ibang experience. Lahat kami, sumisigaw sa kanya!
“Tapos siya din, hindi makapaniwala. Umiiyak siya sa upuan. Hindi na kasi ito kita sa mga clips sa YouTube, e. Nasa stage na siya.
“Nung talagang nangyari yun, talagang hindi niya alam ang gagawin niya, kung tatayo ba siya sa upuan niya, tapos naiiyak na siya, niyayakap niya si Direk Brillante [Mendoza], ‘Ano bang gagawin ko? Aakyat ba ako dun?’ ganun-ganun.
“Tapos nagpapasama siya kay Direk Brillante, ‘Samahan mo ako, ano! Samahan mo ako dun sa stage, hindi ko kayang mag-isa!’
“So, ayun ang pinaka-core memory ko sa kanya na talagang hindi makakalimutan.
"Pati nung after ng awards night, na nag-bonding pa kami sa villa kung saan kami nag-i-stay.
“Sobrang proud Pinoy moment yun, e!”
Read: Why Jaclyn Jose beat Charlize Theron, Marion Cotillard as Cannes Best Actress
Nasa cast din ng Ma’ Rosa sina Felix Roco, Andi Eigenmann, Baron Geisler, Neil Ryan Sese, Maria Isabel Lopez, Mercedes Cabral, Mark Anthony Fernandez, Mon Confiado, Kristofer King, Mark Dionisio, Vince Rillon, at Ruby Ruiz.
Read: Cannes Festival, ginunita ang pagkapanalo ni Jaclyn Jose bilang best actress
GORGY RULA
Kumusta ang pakikipagtrabaho kay Jaclyn sa Ma’ Rosa?
Pahayag ni Jomari, “Nung time na yon, kasi bago ko maka-work si Miss Jane, ang tsismis, mataray siya, ganyan sa set.
“Pero sa amin po sa Ma’ Rosa… siguro po, dahil close sila ni Direk Brillante, dahil magkaibigan sila… mabait po siya sa amin, sa aming lahat, lalo na kay Direk.
“So, sa experience ko, working with her, normal lang po. Hindi niya po ako tinarayan.
“Pero hindi rin niya ako shinowbiz na, ‘Ganito ang gawin mo, Anak.’ ‘Ganito dapat.’ Hindi niya ako ginanun.
“Hindi niya ako bineybi. Normal lang. Normal na katrabaho. Hindi rin niya ako minaliit, lalo na’t wala pa akong nagagawang pelikula nung mga time na yon.”
Read: REVIEW: Jaclyn Jose offers heart-wrenching ending for Ma' Rosa
Ano ang natutunan niya kay Jaclyn?
“Yung respeto po. Respeto sa mga katrabaho. Kasi, Jaclyn Jose na yun nung time na nagsu-shoot kami ng Ma’ Rosa,” lahad ni Jomari.
“Relatively young po yung team ni Direk Brillante. Kumbaga, si Direk Brillante lang yung talagang haligi.
“Yung ibang staff niya, bata-bata po… Respeto lang po. Kahit matagal na siya sa industriya, nirerespeto niya ang mga nakakasalamuha niya kahit baguhan.
“Hindi lang artista, yung sa mga staff po, pati crew — mabait po siya. At kakaiba po yung acting style niya talaga.”
NOEL FERRER
Mapalad talaga ang mga nakatrabaho ni Jaclyn Jose na magiliw sa mga taong gusto niya talaga.
Maganda ang taguri na ibinigay sa kanya ni National Artist Ricky Lee — na siya ang Queen of Underacting!
Hindi nagpapapansin. Tahimik o banayad lang sa kanyang mga linya at pag-arte. Ngunit malalim at magaling ang hugot.
Iyan ang tatak-Jaclyn Jose. Salamat!
Related Stories:
- Jaclyn Jose: A life lived like in the movies
- Andi Eigenmann reveals mom Jaclyn Jose died of heart attack
- Phillip Salvador, Alfred Vargas, Adolf Alix Jr. nagluluksa sa pagpanaw ni Jaclyn Jose
- Angel Locsin, Barbie Forteza, Kylie Padilla, Andrea Torres, more celebs mourn death of Jaclyn Jose
- Andi Eigenmann, nilinaw ang isyu sa edad at petsa ng kamatayan ni Jaclyn Jose
- Stella Suarez Jr. nagdadalamhati sa pagpanaw ng kaibigan at kasabayang si Jaclyn Jose
- aclyn Jose’s close friend posts last conversation with late actress: “I waited at the Cinema but you never came.”
- Alden Richards, Vilma Santos, Iza Calzado, Charo Santos pay tribute to Jaclyn Jose
- Claudine Barretto "in unbearable pain" over Mula Sa Puso co-star Jaclyn Jose's death
- Andi Eigenmann, Jake Ejercito magkasama sa pagdating ng labi ni Jaclyn Jose
- Andi Eigenmann pens tribute to late mom Jaclyn Jose: “Wala na ang sakit. Wala na ang takot.”
- Nora Aunor, Lorna Tolentino, Gladys Reyes nagluluksa sa pagpanaw ni Jaclyn Jose
- Katrina Halili posts convo with Jaclyn Jose comforting her after boyfriend's death
- Claudine Barretto breaks down at Jaclyn Jose's wake
- Gina Alajar, Vina Morales, Jean Garcia, more celebs pay homage to showbiz icon Jaclyn Jose
- Jake Ejercito pays homage to late Jaclyn Jose: "I surely wouldn't have survived those years of fatherhood without your guidance.
- Vice Ganda fondly recalls working with late Jaclyn Jose in two projects
- Bunny Paras, inalala ang pakikipagtrabaho kay Jaclyn Jose sa isang telesine
- Julio Diaz, nagulat na "naunahan" pa siya ni Jaclyn Jose
- Kylie Verzosa on most memorable line she got from late Jaclyn Jose: "May future ka."
- Andi Eigenmann moved to tears by Coco Martin's eulogy for Jaclyn Jose
- Max Eigenmann recalls spending weekends with half-sister Andi, stepmom Jaclyn Jose
- Coco Martin says he had premonition about Jaclyn Jose’s death
- Bunny Paras, inalala ang pakikipagtrabaho kay Jaclyn Jose sa telesine version ng Ligaya Ang Itawag Mo Sa Akin