JERRY OLEA
Mapangahas si Enzo Pineda sa Cinemalaya 2019 film na Malamaya with Sunshine Cruz, ganundin sa Pista ng Pelikulang Pilipino 2020 entry na He Who Is Without Sin with Elijah Canlas.
Read: Enzo Pineda-Elijah Canlas daring scenes send netizens into tweeting frenzy
Sa barkada movie na G! LU ay hanggang pa-abs lang si Enzo, maging ang co-stars niyang sina Ruru Madrid, Kiko Estrada, Derrick Monasterio, David Licauco, at Teejay Marquez.
“Ito, it’s not daring pero it’s more of mga barkada film na pa-hunk,” sambit ni Enzo sa mediacon ng G! LU nitong Abril 17, 2024, Miyerkules, sa Kao Manila, Newport World Resorts, Pasay City.
“Pa-sexy. Sexy in terms of pa-yummy lang po. Hindi yung out-of-the-box na daring na I did before.”
Enzo Pineda (extreme left) ith G! LU co stars (from left) David Licauco, Katarina Rodriguez, Derrick Monasterio, and Teejay Marquez
NO MORE DARING ROLES?
Hindi pa girlfriend ni Enzo si Michelle Vito nang sumabak siya sa daring films. Hindi na siya puwedeng maging daring ngayon?
“Hindi na muna,” nakangiting tugon ni Enzo.
“Siguro para sa akin, I want to explore different roles and characters na, kumbaga, ako kasi very experimental as an actor.
“So, gusto ko magawa siya at least once in my life. Kasi ayokong magsisi someday na, ‘Ahh sana ginawa ko ito when I was younger.’
“Or, ‘I wish I did these types of roles when I was more experimental.’ At least ngayon, nagta-transition na yung mga projects ko into…
“I can’t say hindi naman meaningful, kasi lahat naman ng projects, meaningful. Pero iba naman ang goals and lessons na ipinapalabas ng pelikula at projects na ginagawa ko ngayon.”
Read: Enzo Pineda, pinayuhan ni Michelle Vito na maghinay-hinay sa sexy roles
Nagwagi ng award si Enzo para sa He Who Is Without Sin na idinirek ni Jason Paul Laxamana. Personal decision ba niyang umiwas sa daring movies? Walang nagbabawal sa kanya?
Tumango si Enzo, “Yes, personal decision ko yun. Nung time na yun, I was craving for a… again, out-of-the-box na role.
“My friend na co-actor sa Nang Ngumiti Ang Langit, si Vance Larena, siya ang nag-recommend sa akin, ‘Bakit hindi ka mag-audition for Direk JP’s film, He Who Is Without Sin? Give it a try.’
“So nakita ko yung synopsis, interesting siya. So nag-audition ako with reporter-looking image during that audition.
“And I’m very thankful na nakuha po ako. And it was an interesting film because we shot it in five days lang.
“Pero before that, nag-training po kami sa studio with Elijah for all the scenes. Kasi may isang scene siya, we did for 10 minutes to 15 minutes na one take lang.
“So, maraming mga ganung shots na ginawa si Direk JP for the movie. And I’m very thankful na naging OK siya, at it was also one of the movies of Elijah na lalo siyang sumikat.”
Naunang nagkatrabaho sina Enzo at Elijah sa Cinemalaya 2014 film na Sundalong Kanin.
NOEL FERRER
Tahasang sinabi ni Enzo Pineda na tapos na siya sa paggawa ng daring movie. Dahil ba naiisip na niyang mag-settle down?
“Definitely nag-iiba na yung mga goals in life ko.”
Apat na taon na ang relasyon nila ni Michelle Vito. Si Michelle na ba talaga ang the one para sa kanya?
“Of course, of course. Me and Michelle, we do talk about it, pero as of the moment, we’re focused on our careers, business,” lahad ni Enzo.
“May mga sarili pa siyang goals na gustong i-achieve also in her career. Pero definitely, we’re on a good path, and happy na we’re going strong.”
Read: Enzo Pineda gets cheesy about relationship with Michelle Vito: “Thank you for being my happiness.”
Parang smooth-sailing ang relasyon nila. Hindi naiintriga.
“We just show kung sino talaga kami sa aming mga fans, sa viewers. Hindi naman po kami yung nagiging secretive with everything,” saad ni Enzo.
“Kaya siguro hindi kami masyadong naaano.”
IDEAL MARRYING AGE
Inamin ni Enzo na nabago siya ni Michelle, pero nilinaw niyang hindi siya naging babaero. Ano ang ideal marrying age para sa kanya?
“Siguro anytime soon,” sabi ng 33-anyos na si Enzo.
“This is the right age, between 30 to late 30s.”
Tila nauso ang hiwalayan sa showbiz. Kinabahan ba siya na baka maghiwalay rin sila ni Michelle?
“Hindi po, hindi po. Well, definitely andami kasing issues na nangyayari lately with the breakups,” sambit ni Enzo.
“It’s sad pero ako naman, as long as kami ni Michelle have good communication, and andun yung pagmamahal siyempre, wala namang makakatibag po sa amin.
“So I’m really happy with where we are right now, saka low key lang. Ayaw namin na masyadong nasa spotlight.”
GORGY RULA
Nasa GMA-7 na ang It’s Showtime, at bali-balitang may mga susunod pang pagsasanib-puwersa ang ABS-CBN at GMA-7.
“Para sa akin, it’s exciting. Kasi alam niyo naman po, nanggaling ako sa GMA, Kapuso,” pahayag ni Enzo, na First Prince sa fifth season ng StarStruck (Nobyembre 2009-Pebrero 2010).
“And now the doors are opening, nagkakaroon na ng barrierless type of entertainment.
“Meaning, yung mga actors, puwedeng mag-cross over to collaborate, to give our viewers a different type of project, different type of chemistry, bonding.
“And exciting. Exciting times, and I do hope that mabigyan din ako ng opportunity with that, either or network.”
FROM KAPUSTO TO KAPAMILYA
Maayos ang paglipat niya noon sa Kapamilya Network. Walang isyu.
Read: Former GMA actor Enzo Pineda joins JaDine series Till I Met You
Take note na sa mga bidang lalaki ng G! LU ay si Enzo lamang ang Kapamilya. Kapuso sina Ruru, David, Derrick, at Teejay.
Kapatid si Kiko Estrada na nasa afternoon drama series ng TV5 na Carlo J. Caparas’ Lumuhod Ka Sa Lupa.
Noong isang araw ay kasabay sana ni Enzo na magge-guest sa Family Feud si Rocco Nacino, kaso, na-postpone iyon. Kasabayan ni Enzo si Rocco sa StarStruck.
“Matutuloy yata siya next week, so I’m excited to see him!” sabi ni Enzo.
Siyanga pala, showing na ang G! LU sa mga sinehan umpisa Abril 24, Miyerkules.
Idinirek ito ni Philip King, at tampok din dito sina Pinky Amador, Michelle Dee, Katarina Rodriguez, Chanel Morales, Maureen Montagne, Sophia Senoron, Ali Forbes, Carl Guevarra, Ken Anderson, at Denver Hernandez.