JERRY OLEA
Limang bahagi ang Pure Energy: One Last Time concert ni Gary Valenciano na itinanghal noong Abril 26 at 27, 2024, Biyernes at Sabado ng gabi, sa SM MoA Arena, Pasay City.
Read: Gary Valenciano not yet retiring, but limiting big-venue concerts
Mula umpisa hanggang wakas ay may religious undertone ang performance ni Mr. Pure Energy.
Ang limang bahagi ng palabas — Energy, Hope, Revival, Legacy, at One Last Time (encore).
Sa parehong gabi ay tampok sina Martin Nievera (“Hang On”), BGYO (“Everybody Get Down”), Gloc-9 (“Walang Pumapalakpak”), Ebe Dencel (“Saranggola,” “Wag Ka Nang Umiyak”), at mga anak na sina Gab at Kiana (Jackson 5 medley, “Hataw Na,” “Di Bale Na Lang”).
Gary Valenciano with children Gab (seocnd from left) and Kiana (center) PHOTO: Marvin Chua
Noong Abril 26, Biyernes, ay nandiyan din sina Karylle, Ben & Ben, Julie Anne San Jose, Rayver Cruz, at Erik Santos.
Gary Valenciano with Erik Santos and Julie Anne San Jose PHOTO: Marvin Chua
Noong Abril 27, Sabado ay nakisaya naman sina Zsa Zsa Padilla, Ice Seguerra, Jona, Darren Espanto, at AC Bonifacio.
Read: Gary Valenciano, pumirma sa Star Magic sa kanyang 40th year in showbiz
Gary Valenciano and Ice Seguerra PHOTO: Yna Oabel
GARY V-GLOC-9 COLLAB
Naikuwento ni Gary V iyong collab nila ni Gloc-9 matapos naming mapanood ang concert niya sa Music Museum noong Oktubre 20, 2023.
Kumurot sa puso ko nang mapanood ko ang pag-awit nina Gary V at Gloc 9 last Saturday.
Pag-intro ni Gary V, “The world is constantly changing, not just in technology but in the way it thinks.
“It seems to dictate what is appreciated, acceptable, appropriate, what is right.
“You know, my friend, you are someone with a role that is meant for only you to play.
“At kahit walang nakakakita or it seems like nobody notices you, believe me — someone always does.”
Naghihayawan at nagpalakpakan nang masigabo ang audience, saka nagpatuloy si Gary V, “My next guest wrote this amazing song. It was in celebration of his anniversary as well.
“He is none other than Gloc 9, and I’m honored to have been chosen to sing this message, to record it with him.
“A message that I think is perfect for everyone today. It goes like this…”
Ang extension ng Pure Energy: One Last Time concert ay nakatakda sa Mayo 10, Biyernes, doon pa rin sa SM MoA Arena.
Read: Gary Valenciano kumpiyansang magiging hit ang collab song nila ni Gloc-9
GORGY RULA
Binanggit na nga ni Gary V noong Sabado ang repeat nito sa May 10, na nagno-no-no daw ang asawa niyang si Angeli Pangilinan-Valenciano.
Maaaring mas gugustuhin ni Angeli na ipahinga na muna ni Gary V. Pero nandiyan pa rin ang "pure energy" ng singer, kaya gusto pa rin niya itong gawin.
Kapag Gary V concert naman talaga, world class ang quality ng show.
Pasabog na ang opening number na ang tantiya namin, halos 80 ang back-up dancers nito. Kaya ang ganda ng visuals nito sa stage.
Read: Gary Valenciano on ABS-CBN and GMA-7's collabs: "Alam mo na bilog talaga ang mundo."
Talagang kinarir ng anak niyang si Paolo Valenciano ang stage na nakikita mong pinag-isipan, pinlano nang husto.
Sa Instagram account ni Paolo ay nagpasalamat siya sa lahat na production people ng naturang concert, lalo na sa technical crew.
Aniya, “I need to credit all the people that I gave headches to. I love you all (heart emoji).”
Binanggit na rin niya ang repeat nito sa May 10.
“Warning: Spoilers!!” sabi pa niya.
View this post on Instagram
Pero kailangan kong banggitin na ang pinakagusto ko sa lahat ay ang "Spain (I Can Recall)" ni Al Jarreau.
Kinanta na ito ni Gary sa napakarami niyang concerts, at ilang beses ko nang narinig sa kanya. Pero ang ganda pa rin, at sobrang galing pa rin niya talaga!
Kaya super clap clap clap talaga ako rito.
NOEL FERRER
Napanood ko ang concert at talaga namang todo-bigay si Gary V sa lahat ng ginagawa niya!!! Bravo!!!
Gary V undoubtedly gave the performance of his life sa One Last Time. Magaling siya talaga.
Paborito kong number yung number nila ni Ebe Dancel. Ramdam ko at tagos sa puso yung moment na iyun.
Gary Valenciano and Ebe Dancel PHOTO: Marvin Chua
Nabitin lang ako sa moment nila ni Martin Nievera na "Hang On" — at kahit joke, medyo may konting pitik yung parinig about Martin na hindi kayang gawin ang next number na "Spain" (which Gary did so well, I agree with Tito Gorgy).
Martin Nievera and Gary Valenciano PHOTO: Marvin Chua
OK na OK ang idea na paakyatin ang guests-celebs para mapasalamatan, pero sana, kung gagawin yun, ilawan naman sila at bigyan din ng moment at hindi parang pampakapal na backup ng may spotlight na GV.
Of course, I like "Lead Me Lord," pero mas masaya siguro kung sa "Di Bale Na Lang" na lang pinaakyat ang mga celeb guests in attendance. Para parang jamming na lang.
As I said, there’s no one who can pull that concert off except for Gary V who was able to effectively show his art and evangelize.
As I said in my posts, excited ako on the next chapter of Gary V ‘s career… and his legacy will just live on and on…