JERRY OLEA
No. 1 ang pelikulang Pula sa Top 10 Movies in the Philippines Today sa Netflix.
Noong Mayo 3, 2024, Biyernes, nag-umpisa ang worldwide streaming nito. Bida sina Coco Martin at Julia Montes, sa direksyon ni Brillante Mendoza.
Tampok din dito sina Christine Bermas at Vince Rillon. Ginawa nila ang Pula bago pa sila umariba sa Vivamax.
Ang rating ng nabanggit na pelikula ay 16+ dahil sa Violence at Sexual Violence. May butt exposure si Coco, at may pa-boobey si Christine.
Noong Hulyo 2021 pa ito syinuting sa Pola, Oriental Mindoro, kung saan mayor si Ina Alegre, na kasama sa cast.
Read: Coco Martin at Julia Montes nagsu-shooting ng pelikula sa Pola, Oriental Mindoro
Nasa cast din sina Raymart Santiago, Alan Paule, Lotlot de Leon, Elizabeth Oropesa, Cataleya Surio, Erlinda Villalobos, at Angelica Cervantes.
Ang logline ng Pula, “When the brutal murder of a teenage girl devastates this sleepy town, a troubled police officer begins an investigation that tests his limits.”
Maliban sa Pula ay may dalawa pang pelikulang Pinoy sa Top 10 Movies ng Netflix PH ngayong Mayo 5, Linggo.
Panlima ang My Zombabe nina Kim Molina at Empoy Marquez. Pansiyam ang A Journey nina Paolo Contis, Kaye Abad, at Patrick Garcia.
Sa Mayo 7, Martes naman ang streaming ng pelikulang Ikaw Pa Rin Ang Pipiliin Ko nina Aga Muhlach at Julia Barretto.
Mayo 14 ang streaming ng pelikulang Roadtrip nina Carmina Villaroel, Candy Pangilinan, Janice de Belen, at Gelli de Belen.
Mayo 21 ang streaming ng pelikulang I Am Not Big Bird nina Enrique Gil, Pepe Herrera, Nikko Natividad, at Red Ollero.
Mayo 30 ang streaming ng Family of Two (A Mother and Son Story) nina Sharon Cuneta at Alden Richards.
Ang Top 10 Movies in the Philippines Today sa Netflix — Pula, City Hunter, Contagion, The Zookeeper’s Wife, My Zombabe, Mercury Rising, 13 Bombs, Jurassic World Dominion, A Journey, at Don’t Breathe 2.
Ang Top 10 TV Shows in the Philippines Today sa Netflix — Queen of Tears, Baby Reindeer, Frankly Speaking, Good Bye Earth, The Demon Sword Master of Excalibur Academy, Kaiju No. 8, The Asunta Case, Parasyte The Grey, Can’t Buy Me Love, at A Man in Full.
NOEL FERRER
At least, nakahanap na ng platform na paglalabasan ang movie nina Coco Martin at Julia Montes, at number 1 na sa Netflix PH.
This achievement is highlighted now kahit na parang hindi pinapaboran si Coco at Julia sa box-office.
Bakit kaya?
In fact, sa Box Office Entertainment Awards, nagtataka ako kung bakit si Alden Richards ang Box Office King, then si Kathryn Bernardo naman ang Queen, gayong sina Alden at Julia ang magkasama sa ikinunsidera na pelikulang 5 Breakups and A Romance.
Anyare kaya dun?
Read: Direk Brillante Mendoza, sinagot kung package deal sina Coco Martin at Julia Montes sa pelikula
GORGY RULA
Mas nagustuhan ko itong Pula kesa sa Apag nina Coco at Direk Brillante. Magagaling lang talaga ang mga artista sa Apag.
May pagka-horror ang dating nitong Pula, at nakatulong ang location na Pola, Oriental Mindoro, na may pagka-mystic ang dating ng lugar.
Natuwa si Mayor Ina Alegre dahil ang dami raw tuloy na-curious sa bayan niya na pinaglilingkuran niya. Dumadami raw ang mga turista na nagbabakasyon sa Pola.
Maganda na ring hindi na sila nangahas na hanapan ito ng playdate sa sinehan, dahil gagastos pa sila sa promo.
Itong sa Netflix ay nagulat na lang tayo na nag-streaming na at number one kaagad.
Samantala, sinusubaybayan ko pa rin ang Can’t Buy Me Love na malapit nang matapos. Pero nakakapagtaka at bumaba ito sa number 9 sa top ten trending.
Ang ganda pa naman ng Batanes na pinag-taping-an, pero tila lalo nilang pinapabigat ang kuwento.
Meron na silang angulo na may sakit si Bingo (Donny Pangilinan), mala-Queen of Tears na rin ba ang gusto nilang gawin sa seryeng ito?
Nakakapagod na ang sobrang pahirap sa mga bida. Kaya siguro nabibigatan na rin ang mga manonood at bumaba na ito sa top ten.
Noong isang araw nga ay naligwak pa ito. Pero tumaas naman ang rating nito at lumalaban sa rating ng Asawa ng Asawa Ko sa GMA-7.
Ang Episode 146 ng Can’t Buy Me Love ay mag-i-streaming ngayong Sunday night.
Ang penultimate episode ay bukas ang streaming, at ang finale ay sa Martes matutunghayan sa Netflix.