GORGY RULA
Pawang “hahaha!” ang palitan ng text namin ni Gladys Reyes nang kinantiyawan ko siya sa role na ginagampanan niya sa Abot-Kamay Na Pangarap.
May guest appearance ang aktres sa naturang afternoon drama ng GMA-7, pero sa tingin ko, magtatagal pa siya dahil malaki rin ang role niya.
Read: Gladys Reyes, nag-hula hoop sa London tourist spots
Gumaganap si Gladys bilang si Nushi G, ang half-sister ni Moira (Pinky Amador) na namatay na sa kuwento.
Pagkatapos mamatay ni Moira ay lumabas ang karakter ni Pilar Pilapil bilang Madam Chantal, na nanay pala ni Moira. Anak niya si Nushi G (Gladys Reyes) sa isang mayamang Chinese businessman.
Magaling sa wushu si Nushi G. Nag-training pa si Gladys ng naturang martial arts para tama ang moves at position niya.
View this post on Instagram
GLADYS REYES'S CHARACTER INSPIRED BY ALICE GUO?
Natawa si Gladys nang tinanong ko kung lumaki ba sa farm ang karakter niya sa Abot-Kamay Ang Pangarap (AKNP) kaya ngayon lang ito lumabas.
Parang sinakyan kasi ng AKNP ang kasikatan ng kontrobersiyal na mayor ng Bamban, Tarlac, na si Alice Guo kaya inilabas nila ang half-Chinese character na ginampanan ni Gladys.
“Basta may twist ang character ko diyan, kuya,” text uli ni Gladys.
Basta makikita raw sa seryeng ito ang wagas na pagkakontrabida niya.
Madalas na kasama ni Gladys sa mga eksena si Mark Herras, na gumaganap namang tauhan niya.
Sa takbo ng mga pangyayari, mukhang mahaba-haba pa ang tatakbuhin nitong Abot-Kamay Na Pangarap, kahit may ilang nagrereklamong nagsasawa na raw sila sa kuwento.
Nanganak na kasi nang nanganak ang mga bagong karakter na ang iba ay talagang nagpapahirap kay Dra. Annalyn na si Jillian Ward.
At ang latest, nagbabalik si Pinky Amador—hindi bilang Moira kundi bilang Morgana Go!
Ipinakilala siya ni Madam Chantal bilang anak din nito.
CONSISTENT TOPRATER
Pero kahit may ilang bashing na silang natatanggap, patuloy pa ring pinapanood ang Abot-Kamay Na Pangarap.
Consistent pa ring mataas ang rating nito at ito pa rin ang nangungunang afternoon drama ng GMA-7.
Noong nakaraang Lunes, July 1, 2024, ay naka-9.1% ito.
Nung Martes, July 2, naman ay 8.9%, at umakyat sa 10% noong Miyerkules, July 3.
JERRY OLEA
Mataas pa rin talaga ang ratings ng afternoon slot ng GMA-7.
Pinu-promote na nila ngayon ang bagong aabangan sa panghapon, kung saan simula pa lang ng Abot-Kamay Na Pangarap ay may pa-game na ang Family Feud, at malalaman na agad ang mananalo pagdating ng naturang game show ni Dingdong Dantes.
Read: Family Feud, tatapatan ang malaking papremyo ng Wil To Win
JULY 2 & 3 RATINGS
Narito ang ratings ng ilang programa sa panghapon simula nung Martes, July 2:
It’s Showtime, 7.5% vs. Eat Bulaga!, 4%
Lilet Matias: Attorney-At-Law, 9.1%; Fast Talk With Boy Abunda, 5.7%; Voltes V: Legacy, 4.3%; Eclipse to the Heart, 3.1%.
Tumaas din ang Family Feud na naka-9.7%.
Tatlong programa sa TV5 ang katapat nito — Mga Kuwento ni Marc Logan na naka-1%, BUdol Alert na naka-1.4%, at sumunod ang Goin’ Bulilit na naka-1.2%.
Noong Miyerkules, July 3, ay lalong tumaas ang It’s Showtime na naka-8.7%.
Ang Lilet Matias naman ay 9.7%; at ang sumunod na Fast Talk With Boy Abunda ay 5.8%.
Ang Voltes V: Legacy naman ay 4.4%, at ang Eclipse of the Heart ay 3.1%.
Medyo bumaba naman sa 8% ang Family Feud.
NOEL FERRER
Sa primetime, pataas nang pataas ang ratings ng Widows' War nina Bea Alonzo at Carla Abellana.
Read: Widows' War, kumusta ang rating ng pilot episode?
Kung naka-8.9% ang pilot episode nito noong Lunes, July 1, tumaas ito noong Martes sa 9.3%, at 7.1% naman ang kapatapat nitong Pamilya Sagrado.
Noong Miyerkules, July 3, ay umakyat pa sa 9.8% ang Widows' War, at ang Pamilya Sagrado ay naka-7.7%.
Tingnan natin kung ma-achieve nito ang double digit kapag lalong naging intense ang mga eksena nina Bea at Carla.
Go go go, parang ispagheting pataas nang pataas lang iyan!!! All the best!!!