JERRY OLEA:
Swak ang schedule nina “Marites” (Cherry Pie Picache), “Lena” (Mercedes Cabral) at “Roda” (Joel Lamangan) sa shooting ng pelikulang Fatherland.
Co-actors sila sa Kapamilya teleseryeng FPJ’s Batang Quiapo.
Kapag wala silang taping, puwede silang mag-shooting ng Fatherland kung saan direktor nina Cherry Pie at Mercedes si Direk Joel.
"Kasi M-W-F kami sa Batang Quiapo. So siguro ang shooting, T-Th-S, parang ganun,” sey ni Cherry Pie sa storycon ng Fatherland noong Agosto 10, 2024, Sabado, sa Manila Hotel.
Kahit hindi pa niya nababasa ang script, umoo agad si Cherry Pie sa project.
Ipinaliwanag sa kanya ni Direk Joel na ang papel niya ay mayor na Chinese, na lumaki sa fishpen.
Batid ni Cherry Pie na hindi siya pababayaan ni Direk Joel, na direktor niya sa Oras de Peligro (2023).
"Saka si frenny yan, e! Ha! Ha! Ha!" pagtawa ni Cherry Pie.
"Hindi ko matanggihan… At saka dinescribe naman ni Direk Joel yung role, so yon. I’m happy that I’m always on his mind, di ba?
"Marami na akong nagawang projects sa kanya. In fact, di ba, I always say that Direk Joel is one of the few na actor’s director.
"If not ngayon, parang siya… di ba, among the senior directors na meron tayo? Sa mga kinalakihan ko, yung ganun.”
Iba siyempre ang turingan nila ni Direk Joel bilang co-actors sa FPJ’s Batang Quiapo, kumpara sa set na artista siyang idinidirek ni Direk Joel.
Pag-ayon ni Cherry Pie, "Iba rin ang dynamics namin. At saka si Direk Joel naman, di ba, nag-umpisa bilang aktor sa PETA.
"Kaya nga siya actor’s director, kasi he’s an actor, first and foremost. He’s a theater actor."
Ano ang maipapayo niya sa mga artistang first time makakatrabaho si Direk Joel?
"Bilisan niyo!" mabilis na tugon ni Cherry Pie.
"Si Direk kasi, fast worker saka fast thinker. He knows what he wants. Kung medyo mabagal ka or whatever, di ba… medyo umiinit ang ulo. Ha! Ha! Ha! Ha!"
Magsu-shoot na sina Mercedes at Cherry Pie para sa Fatherland bukas, Agosto 17, Sabado, sa Cavite City.
Nasa cast din ng movie sina Allen Dizon, Iñigo Pascual, Ara Mina, Angel Aquino, Max Eigenmann, Jim Pebanco, Richard Yap, Rico Barrera, Yasser Marta, Jeric Gonzales, Abed Green, Bo Bautista, at Ara Davao.
Tatlong vignettes ang kabuuang kuwento ng Fatherland, kung saan ipapakita ang mga kaganapan sa ating lipunan.
Parang updated version ito ng period drama film na Aguila (1980), sa direksyon ng National Artist na si Eddie Romero, at pinagbidahan ng National Artist na si Fernando Poe Jr.
Read: Aljur Abrenica, AJ Raval spotted at an event with a young girl
GORGY RULA:
Aminadong old school ang premyadong aktres na si Cherry Pie Picache.
Aniya, "Siguro lang, di ba, dala ng old school kasi yung kinagisnan ko, e, di ba? Ang mga nakagisnan kong direktor, sina Direk Laurice (Guillen), Direk Peque (Gallaga), Direk Joel (Lamangan), Si Direk Chito (Roño).
"So, yan ang mga nakagisnan ko. Para sa kanila, you have to always come on the set prepared, alam mo yung script mo, you know what you’re doing.
"You know your role, you know your job. So, ganun ako lumaki. Ganun yung disiplina.
"So yun din ang inaasahan ko siguro sa mga bata ngayon. Dapat, di ba? Dapat ganun din.
"You should come on the set prepared, di ba? You know your role, you know your job. Di ba?
"Not everything will come from the director, that’s why you’re a creator, di ba?"
Read: Jeric Raval addresses persistent rumor that AJ Raval has a baby with Aljur Abrenica
NOEL FERRER:
Kilala sina Mercedes Cabral at Cherry Pie Picache bilang mahuhusay na character actress.
Sa FPJ’s Batang Quiapo, gigil na gigil ang mga manonood sa jumper na si Lena (karakter ni Mercedes).
Kamping-kampi ang mga tao kay Marites, ang legal wife ni Rigor (John Estrada).
Kumusta sila ni Mercedes off camera?
Sagot ni Cherry Pie, “Actually sa Batang Quiapo, lahat kami nagtutulungan. I mean, we always work for the scene.
"Like kami ni Ched [nickname ni Mercedes], lagi kaming nag-uusap. Tapos yun, alam niyo naman na, like with Direk CM (Coco Martin), as much as may bullet points yung script and dialogue namin, di ba, ganun…
"So nagtutulungan kami. ‘Uy! Anong maganda dito? Ganyan-ganyan. Ched, OK lang ba, ganito yung hirit mo? Ganyan-ganyan, para mas ano…'
"So nag-aadlib kami, nag-i-improvise. OK, OK lahat kami."