JERRY OLEA
Hindi natinag ang Lolo and the Kid sa top spot ng Top 10 Movies sa Netflix Philippines, kahit dalawang Pinoy movies na ang sumunod na nag-streaming sa nasabing platform.
Agosto 7, 2024, Miyerkules, nag-umpisang mag-streaming sa Netflix PH ang Lolo and the Kid nina Joel Torre at Euwenn Mikaell.
Read: Euwenn Mikaell, may controversial scene sa Lolo And The Kid
Nang sumunod na araw, Agosto 8, Huwebes, ay nag-streaming na ang pelikulang Fuchsia Libre nina Paolo Contis at John Arcilla.
Makalipas ang isang linggo, nag-streaming umpisa Agosto 15, Huwebes, ang pelikulang Isang Gabi nina Diego Loyzaga at Coleen Garcia.
Number 1 ang Lolo and the Kid sa talaan ng Top 10 Movies ng Netflix PH mula Agosto 9, Biyernes, hanggang ngayon.
Nag-debut sa number 10 ang Fuchsia Libre.
So far, nag-peak ito sa fifth place, at noong isang araw ay naligwak sa Top 10.
Ngayong Agosto 17, Sabado, ay sa number 2 pumuwesto ang Isang Gabi.
Hanggang kailan kaya mananatili sa number 1 ang Lolo and the Kid?
Sa Agosto 21, Miyerkules, ay streaming na sa Netflix PH ang pelikulang Elevator nina Paulo Avelino at Kylie Verzosa.
Agosto 23, Biyernes, ang streaming ng Litrato nina Ai Ai de las Alas, Ara Mina, Liza Lorena, Bodjie Pascua, at Quinn Carrillo.
Setyembre 12 ang streaming ng The Mall, The Merrier! nina Vice Ganda at Anne Curtis, pati ng Thai film na How To Make Millions Before Grandma Dies.
Iyong Pulang Araw nina Alden Richards, Sanya Lopez, Barbie Forteza, David Licauco at Dennis Trillo ay nasa top position ng Top 10 TV Shows ng Netflix for two weeks, mula Hulyo 28, Sabado hanggang Agosto 10, Sabado.
Nang sumunod na tatlong araw, Agosto 11 hanggang 13, bumaba sa number 2 ang Pulang Araw.
Tinalo ito ng The Umbrella Academy, na kapapalabas lang ng fourth and final season.
Six episodes lang ang final season ng The Umbrella Academy, unlike the first three seasons na tigsa-sampung episodes.
SPOILER ALERT! Maraming Brellies ang na-disappoint sa tragic ending ng magkakapatid na Hargreeves.
Sa tarot reading ni Klause sa Episode 2 ng Season 4, lumabas ang The Lovers, The Tower, at Ten of Swords. Pahiwatig iyon ng kahihinatnan ng Cleanse.
Bumalik sa top spot ang Pulang Araw for three more consecutive days, Agosto 14, Miyerkules hanggang Agosto 16, Biyernes. Kapagkuwan ay bumaba ito sa third place nang umarangkada ang part one ng fourth season ng Emily in Paris.
Read: Pulang Araw boasts of ensemble cast, impressive storytelling
Take note na sa Agosto 30, Biyernes, ay mag-i-streaming na sa Netflix PH ang Kapamilya series na Lavender Fields nina Jodi Sta. Maria, Janine Gutierrez, at Jericho Rosales.
Babalik pa kaya sa number 1 ang Pulang Araw? Magbabardagulan kaya ang Pulang Araw at Lavender Fields?
Top 10 Movies in the Philippines Today on Netflix
- Lolo and the Kid
- Isang Gabi
- Ghostbusters
- Frozen Empire
- Mission Cross
- Kingsman: The Secret Service
- Kingsman: The Golden Circle
- Ticket to Paradise, Fuchsia Libre
- The Meg
- Dancing Village: The Curse Begins
Top 10 TV Shows in the Philippines Today on Netflix
- Emily in Paris
- Romance in the House
- Pulang Araw
- The Umbrella Academy
- American Murder: Laci Peterson
- Lovely Runner
- Lost
- 7th Time Loop
- Alya Sometimes Hides Her Feelings in Russian
- Oshinoko
GORGY RULA
Napapag-usapan pa rin sa X paminsan-minsan ang Lolo and The Kid, at nagustuhan talaga ng mga Pinoy, pati ang mga Netflix viewers ang ganitong tearjerker movie.
Kaya mukhang matatagalan pa siya bago malaglag sa Top 10.
Nakikita ko nga sa TikTok ang komento ng ilang mahilig ding magbabad sa mga streaming service, nagustuhan nila itong pelikula nina Joel Torre at Euwenn Mikaell.
Samantala, hindi man magtagal sa number one trending ang Pulang Araw, posible pa rin siyang bumalik at matatagalan ding malaglag iyan sa top ten.
Maa-appreciate mo talaga ang effort ng GMA-7 para maging pulido at maganda ang seryeng ito.
Lalong lumalakas ang karakter ni Angelu de Leon bilang si Señora Carmela. Kaiinisan mo siya talaga!
Pero consistent pa ring magaling si Barbie Forteza at parang siya talaga ang nagdadala sa mga eksena nito kasama sina Alden Richards, Sanya Lopez at David Licauco.
Pero hintayin na rin natin ang pagpasok ni Dennis Trillo bilang mabagsik na Japanese official na si Col. Yutah Saitoh.
Siyanga pala, patuloy sa pagpo-promote ang Pulang Araw, at sa Linggo, August 18, ay magiging bahagi ng pagdiriwang ng Kadayawan Festival sina Barbie at David.
Kasama sila sa mga Kapuso stars na magpapasaya sa mga Dabawenyo sa SM City Davao ng 4:00 ng hapon.
NOEL FERRER
Nakakatuwa na ang Top 2 Movies sa Netflix today ay parehong gawang Pinoy, at may isa pang pelikulang Pilipino sa Top 10.
Ngayong 2024, nasa Top 2 ang A Very Good Girl at Monday First Screening for three consecutive days, mula Enero 3 hanggang 5.
Noong Pebrero 13, ang nasa Top 2 ay Trip Ubusan: The Lolas vs Zombies at Apag.
Noong Abril 11-14, ang nasa Top 2 ay GomBurZa at Becky & Badette.
At noong Abril 20, nasa Top 2 ang Kampon at A Journey.