GORGY RULA
Ipinakiusap ng bumubuo ng media conference ni JK Labajo na kung maari’y huwag na naming ungkatin ang matagal nang isyu nito kay Darren Espanto.
Read: Darren Espanto, JK Labajo engage in word war over "gayness" tweet
Ang mediacon ni JK ngayong Martes, October 15, 2024, ay ginanap sa Sentro Artista Art Hub sa The Arton Strip Rockwell, Quezon City.
Ito’y para sa promo ng first major solo concert niyang juan karlos LIVE na gaganapin sa SM MOA Arena sa November 29.
Ang Nathan Studios ng pamilya Atayde ang producer nito.
Sabi ni Sylvia Sanchez, matagal na niyang kinukulit si JK na mag-major concert na.
Napamura lang daw si JK nang sinabi sa kanyang sa SM MOA Arena ito gagawin.
Okay naman daw sa kanya sa maliit na lugar o intimate na show, kaya kakaibang paghahanda ito para sa singer-actor.
Read: JK Labajo recalls "wild and crazy" encounters with fans: "Nawala yung underwear ko..."
LEGAL BATTLE WITH DARREN ESPANTO
Pagkatapos ng question-and-answer portion, pinagbigyan ni JK ang PEP Troika na makapanayam siya uli para linawin ang nasagap naming balita tungkol sa kaso niya noon kay Darren.
Nabalitaan kasi ng PEP Troika na na-dismiss daw ang kasong isinampa noon ng ina ni Darren laban kay JK.
Walang nagkumpirma nito sa amin kaya tinanong namin si JK tungkol dito.
Ang safe lang ng sagot niya at hindi malinaw kung totoo o hindi.
Read: JK Labajo, sinampahan ng kasong cyber libel ng ina ni Darren Espanto
Aniya, “A lot of things are definitely blown out of proportion. A lot of things are unnecessarily expounded into this massive thing that it shouldn’t have been in the first place.
“So, there’s a huge aspect of assumption and also this huge aspect of people publicly just buying and biting whatever they see first online without knowing the whole story, the whole context.
“Ako naman, in this point in my life, again, it wasn't like I've been also talking about the whole time. I can focus my energy on the things that I can control.
“Kung ano ang paniwalaan ng mga tao, or kung ano ang gustong isipin ng mga tao, I mean, I don’t care.
“Kasi, like, it’s out of my control. People’s opinions and emotions in whatever they wanna believe in is out of my control.”
Sinundan ng tanong si JK kung kumusta na ba talaga sila ni Darren.
“That’s something that I don’t wanna talk about, definitely. It’s not something that’s part of my day-to-day thoughts.
“Ako naman, on my end, without mentioning anybody, it’s really… we’re all grown-ups here.
"E, ako, more than anything, love is what matters most.
“So, alam mo yun, my door is open wide in terms of… dyusko naman! Talagang mag-stress pa tayo sa mga ganyan-ganyan na mga… ang dami kong drama sa buhay,” sabi ni JK.
Read: Darren Espanto camp not open to settlement in cyber libel case vs JK Labajo
JERRY OLEA
Ayaw na ni JK Labajo ng negativity, kaya bukas siya sa posibilidad na maging okay na ang lahat.
Bukas ba siya sa posibleng collaboration o mag-back-to-back concert sila ni Darren?
“I’ve always been fine, actually. I’ve always been open. I’ve always been kind, right?
"I will not speak on other people and other people’s behalf. From my end… ako, there’s nothing negative,” pakli ni JK.
Dagdag niya, “Ako, I’m open to collaborating with anybody. Again, not talking about somebody’s mentioning specific… we have amazing artists here. We have amazing performances.
“All of these issues and things on the side won’t take away that kind of talent and skill that this people have,” safe pa ring pahayag ni JK.
Samantala, nagulat si Sylvia Sanchez nang ibinalita sa kanya ng kanyang staff na sold out na ang SSVIP at VIP tickets ng concert ni JK.
Naghahanap pa siya ng 30 tickets, pero wala na raw talaga silang makuhanan. Ngayon pa lang ay halos paubos na ang tickets nito.
Read: Darren Espanto, tinuldukan na ang pagkakaibigan nila ni JK Labajo?
NOEL FERRER
Para sa magaling na singer, hindi na kailangan ng kung anong kanegahan. Mas bukas daw si JK sa "healing" — na yun naman ang hangad ng lahat, di ba?
Sabi ni JK, “That is always there, but then again, more than anything, it’s really time that heals all wounds. It’s really time and growth that heals all wounds.
“Again, in relation to this topic, anything from my end, I’m open. And I am way past all of those things.
"And, yeah! Now, I’m just really focused on the concert, and really being able to focus my energy more on the people who are really there, and the people who really support and believe on the music that I make.
“So, dun na lang. Ako, positive energy and vibes lang as much as possible. Yun lang naman ang life.
“Yeah! As individuals, sa dami nating mga pinagdaanan sa mga personal nating buhay, dyusko naman! Pati mga ganyang bagay-bagay.
“All of these negative thoughts ang things don’t deserve our energy. Because walang magandang maibabalik sa atin yun,” napangiting pahayag ni JK.