JERRY OLEA
ISANG MILYONG PASASALAMAT SA INYO, MGA KA-BATANG QUIAPO!!!
Ito ang pasabog ng Dreamscape Entertainment sa social media accounts nito kagabi, Pebrero 21, 2025, matapos magtala ang FPJ’s Batang Quiapo ng 1,004,554 peak concurrent viewers sa Kapamilya Online Live channel sa YouTube.
Pagmamalaki pa ng Dreamscape, “Dahil sa inyong RECORD-BREAKING na suporta at pagmamahal, panibagong ALL-TIME HIGH viewership record na naman ang ating nakamit!”
Kasunod nito ang isang announcement (published as is):
“Sa pagsasanib-pwersa ng tunay na mag-ama na sina Tanggol at Ramon, ang bumangga ay siguradong magigiba! Ito ang dapat mong abangan simula Lunes, February 24 sa FPJ’s Batang Quiapo.”
Read: Batang Quiapo, unbeatable sa ratings at online views
Napapanood ang FPJ’s Batang Quiapo Lunes hanggang Biyernes ng 8:00 p.m. sa TV5, Kapamilya Channel, Kapamilya Online Live, Cinemo, at A2Z.
Read: Rigodon de Amor: From KathDen to KathDon and DonBelle to RoBelle?
MATHON MOVIE, MAY LABAN BA SA KATHDEN MOVIE
Ikinatutuwa rin ng mga Kapamilya na ang pelikulang Hello, Love, Again nina Kathryn Bernarrdo at Alden Richards ay namamayagpag pa rin sa streaming platform.
Nine consecutive days nang number 1 sa Netflix Philippines ang reunion movie ng KathDen, mula Pebrero 14, Biyernes, hanggang ngayon, Pebrero 22, Sabado.
Ilang araw pa kaya sa top spot ang Hello, Love, Again?
Sa Pebrero 27, Huwebes, ay mag-i-streaming na sa Netflix ang pelikulang Sosyal Climbers nina Maris Racal at Anthony Jennings.
Ipapaubaya na kaya ng KathDen fandom ang first place sa MaThon?
Sa Marso 12 naman nakatakda ang Netflix streaming ng pelikulang Guilty Pleasure ni Lovi Poe, kung saan may butt exposure ang dalawang lead actor dito na sina Jameson Blake at JM de Guzman.
Read: KathDen follow-up project, pinag-uusapan ng GMA at ABS-CBN
Top 10 Movies in the Philippines Today sa Netflix (FEBRUARY 22, 2025)
1. Hello, Love, Again
2. The Super Mario Bros. Movies
3. Dominion of Darkness
4. Sumala
5. The Most Beautiful Girl in the World
6. Brightburn
7. Don’t Look Back… I Know Your Origin
8. Balota
9. Legion
10. Escape from Alcatraz.
NOEL FERRER
Isang araw lamang, Pebrero 18, 2025, Martes, na parehong number 1 sa Netflix Philippines ang pelikulang Hello, Love, Again at ang TV series na Incognito.
Sa talaan ng Top 10 TV Shows ng Netflix PH, number one ang comedy special ni Alex Calleja na Tamang Panahon for nine consecutive days, from February 9 to 17.
During that time ay pumangalawa ang Incognito nina Daniel Padilla, Maris Racal, Anthony Jennings, et al.
Noong Pebrero 18, bumalik sa number 1 ang Incognito, at pumangalawa na ang Tamang Panahon.
Mula Pebrero 19, Miyerkules, hanggang ngayon, Pebrero 22, Sabado, ay number 1 TV show ang docuseries na American Murder: Gabby Petito.
Pangalawa ang Incognito mula Pebrero 19 hanggang 21, at for the first time ay bumaba sa third place ngayong Sabado.
Ang nasa second place today ay ang political drama ni Robert De Niro na Zero Day.
Ang logline ng Zero Day:
“'Power offline. Planes crashing. Thousands dead. And a message: This will happen again.'
"Amid nationwide chaos, can a former President uncover the truth?”
Babalik kaya sa top spot ang Incognito? May araw kaya na kapwa number one ang Incognito at Sosyal Climbers na parehong tampok ang MaThon?
Top 10 TV Shows in the Philippines Today sa Netflix (FEBRUARY 22, 2025)
1. American Murder: Gabby Petito
2. Zero Day
3. Incognito
4. Court of Gold
5. Tamang Panahon
6. The First Frost
7. The Search for Instagram’s Worst Con Artist
8. Melo-Movie
9. The Trauma Code: Heroes on Call
10. Sakamoto Days
GORGY RULA
Hindi na gaanong maaksiyon ngayon ang Incognito. May kani-kanyang kuwento na ang mga pangunahing karakter.
Madamdamin ang kuwento ni Baron Geisler na gustong magpaka-ama sa kanyang anak.
Interesting din ang kuwento ni Daniel Padilla na itinuloy ang paghahanap sa kanyang kapatid sa tulong nina Richard Gutierrez at Kaila Estrada, at napasok nila ang kuta ng namatay na si Timor na ginampanan ni Art Acuna.
Walang kaabug-abog na pinatay na lang doon si Ryan Eigenmann.
Akala ko pa naman, magtatagal pa siya at mangunguna sa mga kontrabida. Ayun! Basta na lang binaril ni Richard, tsugi na!
Kuwela naman ang mga eksena nina Anthony Jennings at Maris Racal, na ang daming nagko-comment na ang lakas talaga ng chemistry nilang dalawa.
Madrama rin ang kuwento ni Kaila na hindi pa rin nakapag-move on sa pagpanaw ng kanyang kasintahan na ginampanan ni Victor Silayan.
Kaabang-abang din kung ano ang kahihinatnan ni Richard Gutierrez na ramdam na ang sakit na namana sa kanyang ina.
May kani-kanya talaga silang kuwento, kaya hindi masasabing kay Daniel o kay Richard umiikot ang kuwento ng Incognito.
Samantala, mukhang hindi pa matitinag sa number one slot ang Hello, Love, Again dahil ang dami naman kasi talagang natutuwang panoorin ulit ito.
Pero tingnan natin kung kaya itong ilaglag sa pagpasok ng Sosyal Climbers ng MaThon love team.
Sa Martes, Pebrero 25, streaming na rin sa Netflix PH ang pelikulang Venom: The Last Dance.
Sa VIU naman ay nanatiling top trending ang How To Spot a Red Flag nina Donny Pangilinan at Belle Mariano. Napapanood na rin ito sa Kapamilya channel.
Abangan din natin ang murder mystery series na SLAY ng Kapuso stars na sina Julie Anne San Jose, Ysabel Ortega, Gabbi Garcia, Mikee Quintos, at Derrick Monasterio.
Nasa cast din sina Phoemela Baranda, Bernard Palanca, Tina Paner, Matet de Leon, James Blanco, Royce Cabrera, Jay Ortega, Simon Ibarra, at Chuckie Dreyfus, under the brilliant direction of Rod Marmol at Jules Katanyag.
Ito ang first-ever VIU Original with GMA-7. Ang tagline, “Secret. Lies. Alibis. You. Who can you trust?”