JERRY OLEA
Hindi nagpahuli si Jeffrey Hidalgo kina Christine Bermas, Sean de Guzman, at Jonica Lazo sa hubaran at lampungan sa VMX film na Salsa ni L.
Oktubre 1, 2024 nag-streaming sa VMX (dating Vivamax) ang Salsa ni L, na idinirek ni Rodante Pajemna Jr.
Nakapagdirek din si Jeffrey ng limang pelikula sa VMX mula noong 2021 — Eva, Lampas Langit, Ligaw na Bulaklak, Salawahan, at Obsesyon na mag-i-streaming sa Abril 25, 2025.
Bida sa Obsesyon si Yda Manzano, at tampok din dito sina Christy Imperial, Itan Rosales, Armani Hector, at Direk Jeffrey mismo.
“May love scene din ako sa Sugar Baby [2023] pero medyo mas mild. Mild lang yung sa Sugar Baby,” sambit ni Jeffrey nang makatsikahan ng PEP Troika bago ang celebrity screening ng pelikulang Lilim noong Lunes, Marso 10, 2025, sa The Block ng SM North EDSA, Quezon City.
Read: Hubadero 2024 Yearender: Male Celebrities Who Dared To Bare
JEFFERY HILDAGO DIRECTS HIMSELF IN A LOVE SCENE
Buti, keri na niyang magtalop at makipagpuksaan sa VMX!
“Sa akin naman kasi, depende sa role. Pag maganda yung role, gagawin ko naman!” bulalas ni Jeffrey.
“Buti nga, pinayagan na ni Boss Vic [del Rosario]. Kasi si Boss Vic ang may ayaw actually. Ha! Ha! Ha! Ha!”
Sa Obsesyon, asawa ni Jeffrey si Yda, at gumanap na anak niya si Christy.
“May love scene kami ni Yda. First time kong idinirek yung sarili kong love scene. Ha! Ha! Ha!” natatawang sabi ni Jeffrey.
Paano niya idinirek ang love scene nila ni Yda? Noon pa man ay walang kakiyeme-kiyeme si Yda, huh?!
“Panoorin niyo na lang. Sinubukan kong gawin mild pero hindi puwede, e! He! He! He!” sey ni Jeffrey.
“Abangan niyo ito, kasi in a way, ito ang first lead role ni Yda. Basically sila ni Christy ang bida.
“Maraming ka-partner si Yda. Maraming cameo. Matitindi ang mga cameo namin. Makaka-love scene niya si Simon Ibarra, si Mhack Morales, si Chester Grecia.”
Naku! Doon sa VMX movie na Katas [2024] kung saan bida si Sahara Bernales, NKKLK na ang mga pasiklab nina Chester at Grecia, huh?!
Masyadong realistic! Parang pasok na pasok sa banga!!!
Read: Jeffrey Hidalgo, "the next Zalman King" ang gustong i-achieve sa idinirek na erotic movie
NOEL FERRER
Ididirek ni Jeffrey Hidalgo ang 35th anniversary concert ni Geneva Cruz na Gen Evolution sa Abril 4 at 5 sa Music Museum, Greenhills, San Juan City.
Best friends sina Geneva at Jeffrey na original members ng Smokey Mountain (1989-1995) along with James Coronel and Tony Lambino.
“Si Geneva mismo ang nag-request sa akin to direct her anniversary concert,” sabi ni Jeffrey.
“Siyempre BFF, di ba? Siyempre since kumbaga, kaya naman ang title nung concert niya is Gen Evolution, so bale yung evolution niya as an artist.
“So, sabi niya, dapat ako talaga ang magdirek. Kasi siyempre ako yung mas nakakaalam kung paano siya nag-evolve as an artist.”
Magpapa-sexy ba si Geneva sa major concert niyang ito?
Tumango si Jeffrey, “Oo, siyempre naman, hindi mawawala yun pag Geneva, di ba? Pero siyempre, mas daring yata ako sa kanya. Ha! Ha! Ha!
“Si Geneva, hindi niya kayang mag-Vivamax.”
Nakahanap na ng bagong partner si Geneva! Si BFF Jeffrey, may partner na ba?
Read: Jeffrey Hidalgo clarifies real score with Geneva Cruz
GORGY RULA
Na-enjoy ba ni Jeffrey Hidalgo ang paghuhubad sa Salsa ni L, kaya nasundan sa Obsesyon?
“Sabi ko nga, yung sa akin kasi, kung napanood naman ninyo yung Salsa ni L, di ba, ang ganda nung role?” saad ni Jeffrey.
“So, nandun ako palagi. Kung meaty yung role… kung maganda yung role na ibibigay sa akin, kahit ano ang kailangang gawin, gagawin ko. Yun lang naman.”
Makaka-survive naman siya bilang artist kahit mawala ang VMX, di ba? Andiyan pa rin ang pagiging singer niya, at pagdidirek ng concert, pelikula o TV show.
“Ahh, oo naman. Pero siyempre, malaking part din ng work ko is VMX, di ba? But at the same time, well thanks to Viva, I’ve been acting more.
“Actually meron pa akong isang project, very wholesome, yung Nasaan Si Hesus? It’s a drama-musical film.
“Kasama ko dun si Geneva din pero ang asawa ko naman dun, si Rachel [Alejandro].”
Kailan iyon ipapalabas? Sa Holy Week?
“Sana yata. Hinahabol yata for Holy Week.”
Read: Jeffrey Hidalgo: from Smokey Mountain member to director