JERRY OLEA"
Pasabog ang duet nina Zsa Zsa Padilla at Dolphy ng Ikaw Na Nga" sa may sukdulan ng Through The Years concert ng Divine Diva nitong Mayo 17, 2025, Sabado ng gabi, sa Samsung Performing Arts Theater sa Ayala Malls Circuit, Makati City.
At nagsayaw pa sila!
Of course, AI (artificial intelligence) yung Dolphy na kumanta sa LED screen.
Noong 2012 pa pumanaw ang Comedy King of Philippine Movies, na ex ni Zsa Zsa.
Read: Dolphy: The People’s National Artist
Ang background ni Dolphy habang kumakanta ay mistulang pintuan ng langit. May mga ulap.
Sa LED screen din lang natunghayan ang dance number nina Pidol at Zsa Zsing, na nagtapos sa mahigpit na yakapan.
Mensahe pa ni AI Dolphy, “Hi guy, I love you all. Lovey, I love you and I miss you. Huh, senior na, nagko-concert ka pa rin.
“Bakit naalala ko nung nag-senior ako, parang nangulubot ako. Bakit ikaw, e, napaka-beautiful and divine na divine pa rin ang beauty mo?”
Nag-toast pa si AI Dolphy ng Banayad whiskey, hanggang sa ang mukha niya ay nag-morph at lumitaw ang kabuuan ng anak niyang si Epy Quizon.
Pagtatapat ni Zsa Zsa, two years in the making yung video ng production number nila ni Dolphy pero hindi pa rin nila na-perfect.
“Anyway, it was good effort. You know, thank you, Epy, for bringing back all the good memories of your dad,” sey ni Zsa Zsa.
“And of course, Dolphy… thank you very much for the unconditional love. You know after he passed away it took a while for me to get to sing this song again…”
Ang tinutukoy ni Zsa Zsa ay ang kantang "Hiram."
Sabi pa ni Zsa Zsa: “Making the most of it… you know life is short… The lesson learned is, let us not delay joy.”
Read: Zsa Zsa Padilla remembers career milestones at ABS-CBN
THROUGH THE YEARS CONCERT
Itong Through The Years ay 40th anniversary concert sana ni Zsa Zsa noong 2023.
Pero pagbibiro nga ng panganay niyang si Karylle, in true diva fashion ay delayed nang two years ang 40th anniversary concert nito, at naging 42nd anniv na.
Bago ang duet with Dolphy, kinanta ni Zsa Zsa ang "Kabiyak," na alay niya kay Architect Conrad Onglao, na tinawag niyang “My kabiyak.”
Umakyat pa sa stage si Conrad sa pagtatapos ng awit at ginawaran si Zsa Zsa ng masuyong halik.
Pag-exit ni Conrad, ayun na nga ang pasabog na duet ni Zsa Zsa with Dolphy, na nasundan pa ng sayaw.
Ang kasunod niyon ay ang pagkanta ni Zsa Zsa ng "Hiram."
Nagtayuan afterwards ang mga tao habang nagpapalakpakan.
Pahayag ni Zsa Zsa: “As I enter the last quarter of my career, of my life, I’m truly filled with gratitude for the incredible journey that has shaped me into the artist and person that I am today.
“The people, the experiences, the lessons have all contributed to my journey and I am thankful for all of you who have been there for me through the years.
“Now with renewed excitement, I am embracing this new chapter where I am more or less free to do things that will make me happy.
“Iba na kasi. Chill lang! As we head on to an exciting life, more creativity, inspiration, contentment, and of course hope.”
Ang tunay na pangalan ni Zsa Zsa ay Esperanza, na ang kahulugan ay pag-asa.
Dagdag ni Zsa Zsa: “Now here’s to many more years filled with love, laughter, and adventure. Thank you very much, maraming salamat po."
Finale number ni Zsa Zsa ang "Through The Years."
Napabilis ang pag-exit niya. Bibigyan pa kasi siya ng bouquet of flowers ni Conrad, with matching kiss na naman siyempre.
Segue na rin agad sa encore number niya, a song that made her a multi-platinum artist… "We’re All Alone."
Read: Zsa Zsa Padilla, ipagdiriwang ang 40th anniversary with a concert
NOEL FERRER
In all fairness, Zsa Zsa held her own.
Sabi nga ni Regine Velasquez, na sobrang naiiyak habang pinapanood siya, ang galing-galing ni Zsa Zs. Parang nakikikig lang daw siya ng recording ni Zsa Zsa dahil nandoon pa rin ang napaka-distinct na boses ng Divine Diva.
Sabi naman ni Ogie Alcasid" “Zsa, you were simply amazing last night. All of us enjoyed your beautiful show. Napakagaling mo at napakaganda!!! Yung katabi ko, iyak nang iyak sa concert. Hehe.
“Happy anniversary and happy birthday to the sweetest, kindest, most lovable, and uber talented Ms. Zsa Zsa Padilla we love you!!
"Congrats to Direk Rowell [Santiago] for a superb show and to our dear Homer Flores!!! Galing!!”
View this post on Instagram
Bilang writer at kaibigan ni Zsa Zsa all these years, masaya tayo to see Zsa Zsa HAPPY.
She is such a gifted performer, a beautiful person, one of the kindest, most grounded people in our industry … WE JUST LOVE HER!!!
Last night’s 3-in-1 show — her 40+ Anniversary in the Music Scene, Mother’s Day, and Birthday — was a testament to Zsa Zsa’s enduring commitment to her artistry and her audience.
Keep on singing, Zshing! (Keep on acting too — you’re such a good actress…)
Keep sharing your talents, ZsaZshing, we are always here to support you!!!
Read: Zsa Zsa Padilla "napraning" sa pagpanaw nina Pilita, Nora, Hajji
FAVORITE NUMBERS
Paborito kong numbers kagabi ang numbers niyang "Could We" at "Used To Be" with Gary Valenciano; "You’ll Be In My Heart" with Zsa Zsa's daughters Karylle and Zia; at yung pag claim niya ng kantang "Mula Sa Puso" na siya naman ang talagang original singer.
Hindi na-promote yung kanta from the 1989 movie My Darling Domestic (Da Greyt Iskeyp) nila ni Tito Dolphy dahil hindi tanggap ng maraming tao ang controversial team-up nila noon.
Very humbly, Zsa Zsa would say na si Jude Michael ang nagpasikat ng kanta noong ni-revive ito at naging teleserye theme song. Pero oo nga, nasaan na ba si Jude Michael?
But with all these, sana talaga, patuloy pa rin si Zsa Zsa na umawit dahil iba ang ambag niyang kahusayan, kabutihan at oo kasiyahan (kung alam lang ng mga tao, napaka-classy niya na diva onstage pero cowboy at jologs din iyan, no?)
Di ba, Tito Gorgy?
GORGY RULA
If I remember right, patok ang tambalan nina Dolphy at Zsa Zsa Padilla sa 1987 movies na Mga Anak ni Facifica Falayfay at Black Magic.
Matapos silang magtanan, ginawa nila ang 1989 movie na My Darling Domestic (Da Greyt Iskeyp), na hindi nila na-promote.
Ang simpatiya noon ng marami ay na kay Alma Moreno.
Kaya nga tinapos na noon ni Direk Joey Gosiengfiao ang Regal movie ni Alma na Virginia P. — originally titled The Rape of Virginia P. — na pinilahan sa takilya nang ipalabas.
Sa Through The Years concert ni Zsa Zsa last Saturday, habang kinakanta niya ang "Mula Sa Puso" ay ipinakita ang snippets ng mga nagawa niyang movies.
Kasama roon ang ilang eksena nila ni Dolphy sa My Darling Domestic (Da Greyt Iskeyp).
Nabanggit na nga na itong Through The Years ay 42nd anniversary concert ni Zsa Zsa.
Bale belated Mother’s Day (May 11, 2025) presentation ito, kaya kumukurot sa puso yung number niya with two daughters Karylle and Zia.
Siyempre, name-mention ang isa pang daughter niyang si Nicole.
Sa Mayo 28 ay birthday naman ni Zsa Zsa.
Sa encore number ni Zsa Zsa na "We’re All Alone" ay lumapit na siya sa audience.
Maraming nakipagkamay sa kanya, yumakap, humalik, o nagpa-picture. Kaalinsabay niyon ay may mga nagpa-picture kina Ogie Alcasid at Regine Velasquez.
Read: Zsa Zsa Padilla at Conrad Onglao, wala nang balak magpakasal