JERRY OLEA:
Natawa ang VMX hunk actor na si Nico Locco nang kumustahin ang kanyang love life. “Ha! Ha! Ha! Ha! How’s love life? Wala akong lo velife!” sabi ni Nico.
Read: Christine Bermas reveals being cheated on by Nico Locco
Nainterbyu namin siya sa premiere screening ng pelikulang Wild Boys noong Hunyo 3, 2025, Martes, sa Cinema 3 ng Gateway Mall, Cubao, Quezon City.
"Napagod ako sa love life… Sa totoo lang, I’m just really focusing on myself.
"And I think I deserve that after everything that’s gone on in the last year. Gusto kong mag-focus sa personal life ko at my career.
"I think I really deserve that, kasi grabe, it took a lot on me. Na-exhaust ako, sobra.
"More than the general population know, right, yung masa. The people that are commenting."
Kumusta na sila ng ex-girlfriend niyang si Christine Bermas?
"Hindi ko alam. Wala kaming contact, e." Nagkasama sila sa 2023 Vivamax movie na Manyak.
Open ba siya na makipag-work muli kay Christine?
"Professional akong tao. I would prefer not," tugon ni Nico.
"But I mean, if the opportunity was there and we had to work together in one way or another, wala akong problem diyan.
"Number 1 thing in life is forgiveness, e. And I forgive the past para sa akin.
"Yeah, wala kaming communication. But at the end of the day, professional ako. Professional din siya.
"So I think there wouldn’t be a problem with that. But, I mean, I would like to try to steer away from that."
NOEL FERRER:
Sakaling maisabatas ang MTRCB Act at masapul ang VMX (dating Vivamax), tuloy pa rin naman ang career ni Nico Locco.
For one, nagho-host siya. Nag-eendorso siya ng mga produkto online, sa social media. Hindi siya sa VMX lang gumagawa ng project.
Meron siyang management sa Italy, ganoon din sa Los Angeles, California, USA. Tuluy-tuloy ang mga project niya sa Pilipinas, sa Europe, at sa North America.
Katatapos lang niyang mag-shoot ng Hallmark movie last month sa Toronto, Canada. Gumagawa rin siya ng vertical dramas — sa Vietnam, L.A., Canada, at Singapore.
Tapos na siyang mag-shoot sa epic historical drama film na Quezon, na pinagbibidahan nina Jericho Rosales, Mon Confiado, Iain Glen, Karylle, Arron Villaflor, Cris Villanueva, Romnick Sarmenta, at JC Santos, sa panulat at direksyon ni Jerrold Tarog.
"Kahit papaano, I’m also doing mga mainstream stuff, hindi lang Vivamax," sabi ni Nico.
"But it would be unfortunate kung mawala ang Vivamax. I enjoy doing Vivamax. I enjoy the sexy side of it."
NICO LOCCO BUSINESS
Tungkol sa underwear line niyang Loco Locco, nasa manufacturing pa rin daw ito.
"It’s such a hard and long process. Kasi, ayokong ilabas ang product na hindi satisfactory," sambit ni Nico.
"To be honest, may ready product na but ayaw ko. So ibinalik ko sa supplier.
"I’m realizing fast how hard it is in the clothing business to get a really good product, na iyung product, high quality but also cost-effective at the same time.
"Kasi ang mahal ng materials, e. So I’m having a bit of a hard time with the supplier pero it will be released for sure."
Nico is so hardworking and he just speaks his mind kaya support natin siya!
Read: Nico Locco, nilinaw ang pagkakaugnay sa Thai billionaire na si Anne Jakrajutatip
GORGY RULA:
Bakit dapat panoorin ang pelikulang Wild Boys na sinulat at idinirek ni Carlos Morales?
"Because I think entertaining siya. Siguro hindi siya perpektong movie in terms of technicals," sabi ni Nico.
"But it’s entertaining. It has comedy. It has dancing. It has sexiness. Iyung mga dancers, even iyung cast, as well as may drama.
"I think it has everything there. And it’s a wholesome movie, e. Tapos wala nang macho dancer movie in the market nowadays.
"So it’s kinda nice seeing you know, the life of a macho dancer, and iyung mga struggles ng isang macho dancer.
"Which I think Carlos Morales did a good job of portraying. At iyung mga macho dancer clubs and bars, like Adonis for example, na you can understand the struggles that they face, right.
"And how it’s kind of a dying industry in a way, di ba?"
Wala pang balita kung kailan at saan ang pagpapalabas ng Wild Boys. Tampok dito sina Aljur Abrenica, Vin Abrenica, Kristof Garcia, Arwind Santos, Rash Flores, Jimboy Martin, at Pedro Red.
Kasama rin sina Christian Ty, Billy James Renacia, Martin Escudero, Christian Singson, at Carlos Morales.
Nasa cast din ng Wild Boys sina John Garcia, Inday Garutay, Rolando Inocencio, Atakstar, Ina Alegre, Gerald Acao, Cataleya Surio, Ejay Feihl, Bong Alvares, at Terrence Velarde.
Mapapanood din dito sina Books Fabello, Freddie Garcia, Michael Burdette, Salvador Abapo, John Defensor, at Krista Miller.