GORGY RULA
Nag-alay ng ilang minutong panalangin para sa yumaong aktor at direktor na si Ricky Davao sa media conference ng Encantadia Chronicles: Sang’gre na ginanap sa Studio 6 ng GMA Network noong Linggo, June 8, 2025.
Ayon kay Gabby Eigenmann, nalungkot silang lahat sa set ng Sang’gre nang pumanaw si Direk Ricky.
Halos lahat sila ay nakatrabaho ang namayapang actor-director at naging bahagi ng kanilang acting career.
Naidirek ni Ricky si Gabby sa teleseryeng Dading, na pinagbidahan ng aktor noong 2014.
Matalik na magkaibigan si Ricky at ang namayapa na ring ama ni Gabby na si Mark Gil.
Read: Ricky Davao dies at 63
GABBY EIGENMANN REMEMBERS RICKY DAVAO
Noong nakaratay pa sa ospital si Ricky ay gusto na raw itong dalawin ni Gabby.
Lahad ng Kapuso actor: “Nung nalaman ko, I wanted to visit.
"E, per schedule pala yun. Pag gusto niya, kung kaya niyang magpabisita.
“He was our director sa Dading. Nung nag-usap kami ni Glaiza [de Castro] about it, malungkot kami.
"Kasi, he really played the big factor nung nagdidirek siya nung Dading.
“Kasi during that time my dad was diagnosed also.
"So, dumalaw pa si Tito Ricky sa bahay ni Tita Cherie [Gil], kung nasaan si Daddy. Months before my dad passed.
“Dumalaw siya. So, dun ako na parang… magbarkada yan, e. As in, they’re like brothers.
“So, kinukuwento pa sa akin ni Tito Ricky dati na, ‘Alam mo ba nung binuhat kita nung bata ka pa, inihian mo ako sa mukha.’
“'Ganun! O talaga? Gusto mo ba i-try natin ngayon, yung ganun! Yung by accident lang maihian ka, Tito Ricky,' yung mga ganyan,” nakangiting kuwento ni Gabby sa PEP Troika."
Pagpapatuloy ni Gabby: “So, nakakaano lang. That’s why yung yakap ko kina Rikki Mae at saka kay Ara… I also know the story, yung mga tampuhan nila ni Ken.
“Kasi nakakausap ko rin si Tita Jack [Jackie Lou Blanco], nung magkasama kami sa Start Up, yeah Start Up.
“Kuwentuhan kami about it. Yung mga ganyan nakakarating sa akin, kasi ma-family ano ako, e.
“So, pag may problema at usually mga kuwento about family, I can relate. Kasi ang pamilya namin very colorful, very dramatic.”
Sina Rikki Mae, Ara, at Ken ay mga anak ni Ricky sa asawa nitong si Jackie Lou Blanco.
NOEL FERRER
Hanggang ngayon naiisip pa rin daw ni Gabby Eigenmann ang ilang taong malapit sa kanya na namayapa na.
Kapag nakikita raw niya ang kapatid na si Andi Eigenmann ay naaalala niya ang ina ng aktres na si Jaclyn Jose, na ka-close din niya.
“Si Andi kasi, isa siya sa… when I see her, hindi mo mabubura sa isip na kailangan kaakibat mo sa kanya ay mommy niya, and vice versa.
“Magkasama si Tita Jane [totoong pangalan ni Jaclyn], hindi mo puwedeng ihiwalay sa imahe na nakadikit pa rin kay Andi kahit saan kayo magpunta.
“Minsan nga pag kausap, kunwari nandito siya. ‘Grabe! Para kang nanay mo!’ Ginaganun ko siya.
“‘Kuya, hindi nga!’ ‘Oo!’ May mga expressions sila na pareho, nakaka-miss,” sabi pa ni Gabby.
Read: Gabby Eigenmann opens up about special bond with late stepmom Jaclyn Jose
DREAMING ABOUT HIS DEAD LOVED ONES
Napapanaginipan pa raw minsan ni Gabby ang daddy niyang si Mark Gil, ang stepmom niyang si Jaclyn Jose, at ang tita niyang si Cherie Gil — na pawang namayapa na.
“A few months ago. Yung panaginip na akala mo buhay pa sila. Ganun yung feel, so real,” bulalas ng Kapuso actor.
Para kay Gabby, nananatili sa alaala niya ang mga ito, lalo na ang kanyang ama.
“Lahat naman, e. Even to this day, there are times na naisip ko, kahit ang daddy ko… the more daddy ko.
“Napapag-usapan nga namin minsan na magkakapatid during the pandemic, 'What if that daddy is still alive during the pandemic?'
“‘Oh my God! Isa kaya siya sa matigas ang ulo na bawal lumabas, pero nakikita mo, siya ang nasa labas,’ yung ganun!
“Even with Tita Cherie. Ano lang… nakaka-pressure kasi that’s why lahat ng atensiyon na puwede kong ibigay kay Tito Mike [Michael de Mesa], sini-savor ko.
“Like, pag kunwari mag-iimbita, as much as possible, talagang o sige, lunch tayo, dinner tayo. Lalo na now… most especially my grandparents are here.
“Sila Mama, sila Papa nandito, e. So, trying to spend more time with each other.
"Kasi, July yata babalik na ng Amerika. Si Tito Mike naman, kagagaling lang ng Spain.
“So, ganunan kami,” saad ni Gabby.
Ang paternal grandparents ni Gabby ay ang mga dati ring artista na sina Eddie Mesa at Rosemarie Gil.
Sa kanilang tatlong anak, si Michael de Mesa na lamang ang nabubuhay.
Read: PEP EXCLUSIVE. Gabby Eigenmann still coping with death of dad Mark Gil
JERRY OLEA
Si Gabby Eigenmann ang kuya-kuyahan ng mga Sang’gre sa fantasy series ng GMA-7
Siya raw ang sumbungan ng lahat dahil naging close na niya ang buong cast dito.
Ginagampanan ni Gabby sa Encantadia Chronicles: Sang’gre si Zaur sa kaharian ng Mine-A-ve.
Magsisimula ang Sang'gre sa June 16, Lunes, sa GMA Primetime.
Naikuwento ni Gabby ang matitinding fight scenes nila sa Sang'gre na na-emergency pa siya minsan.
Kuwento ng Kapuso actor: “Sa fight scene ko, meron kaming routine na ginawa. Pagtapat ng espada namin, dapat maghihiwalay, nadulas.
“I can’t blame naman ang ka-fight scene ko kasi pagod. Kahit naman ako, pagod na rin ako.
“Nadulas. Tumama sa akin [sa noo]. Four stitches sa eyebrows.
“Akala nga namin nung inano ng medic, sabi ko, ‘Idikit niyo na lang. Para tama na, tapos na para makapag-taping pa ako.’
“Naku, sabi, kailangan dalhin kasi nakabuka. Sige, okay.”
Naiintindihan daw ni Gabby ang mga ganung aksidente, pero very apologetic pa rin ang nakaaksidente sa kanya.
Hindi niya binanggit kung sino dahil spoiler pa raw ito sa aabangan sa Sang’gre.
“The next day, pinadalhan ako ng something, naibsan. At ang sarap!
“May mga naiinggit nga, e, humingi. Sabi ko, ‘Bakit, gusto mo rin bang mataga? Papadalhan kita, papataga ka.’
“Accidents happen, nangyayari talaga yun,” kuwento ni Gabby.