JERRY OLEA
Tumatak ang pagkokontrabida ni Pinky Amador sa mga Kapuso afternoon drama series na Abot-Kamay Na Pangarap (Setyembre 2022-Oktubre 2024) at Binibining Marikit (Pebrero-Hunyo 2025).
Andami niyang memorable scenes!
“Sa Binibining Marikit, yung scene kung saan bumaliktad si Thea Tolentino,” lahad ni Pinky sa launch ng Cignal Play Microdrama noong Hulyo 16, 2025, sa Cignal Launchpad Lobby ng TV5, Reliance St., Mandaluyong City.
“Bumaliktad siya, ‘You shut up!’ Biglang nakita nung karakter ko, ni Soraya, yung galit sa mata niya. Turning point iyon sa karakter niya.
“Pero ako, tuwang-tuwa akong makita sa karakter niya iyon. Parang… ang galing niyang bata.
Read: Thea Tolentino opens up about pressure being a breadwinner
“'Tapos siyempre, sa Abot-Kamay Na Pangarap, halos lahat ng eksena sa amin, very, very memorable. Kasi ang titindi.
“Alam nyo naman pag hapon na drama, kailangan napakataas.
“Kasi kaagaw mo yung atensyon nung either naghuhugas ng pinggan, nag-aaral, may ginagawa sila sa bahay or kung saan man. Kasi hapon iyan. So kailangan napakataas ng emosyon.
"Pero kung maayos naman ang direktor mo, kung maayos ang creative team, nakakausap mo yung writers, ‘Puwede ba, ibahin natin ito? Puwede ba, ayokong palabasin ito, ganito, ganoon?’ Pumapayag naman sila.”
Read: Pinky Amador lauds cast and crew of Abot Kamay na Pangarap
Mula sa GMA Network, tumawid si Pinky sa TV5. Kasama si Pinky sa forthcoming vertical drama series ng Cignal Play na A Cure Called Love, na tampok din sina Dylan Menor, Micah Santos, Gelli de Belen, at Jeff Tam.
Nagtaas ba siya ng talent fee? Antagal ng dalawang afternoon drama series niya sa GMA-7, 'tapos nag-over da bakod siya.
Natawa si Pinky, “Ha-ha-ha! Hindi, iba naman ito. Kasi ibang format po ito. So, hindi siya regular TV.
“Hindi lang siya Cignal TV na teleserye. So, once kasi na nag-sign ka dito, parang all-platforms na ito.
“So, parang ang rate is parang Netflix-rate. Ganun po.”
So, mas mataas nga ang TF?!
“Lahat naman, e! Lahat po.”
NOEL FERRER
Challenging para kay Pinky ang vertical drama series na A Cure Called Love.
“Mas challenging kasi there’s less time,” sambit ni Pinky.
“For example, five or six days shoot lang ito. So para ka ring nagseserye, ganoon kataas.
“'Tapos siyempre pag araw mo, lahat ng eksena mo, ikaw. So, ang hirap, di ba? Mahirap lalo na kung kontrabida ka.
“Sa isang araw, nananabunot ka, nagkakaladkad ka, umiiyak ka. Nanggagalaiti ka sa galit.
“So, in one day, antaas. Parang naka-jampack. Kumbaga yung taping mo sa teleserye, yung isang linggo mo, nasa isang araw. Ganun kabigat din.”
May kasunod na ba siyang gagawing vertical drama series sa Cignal Play Microdrama?
“Ahhh... wala pa naman.”
Babalik pa ba siya sa GMA-7?
Mabilis na tugon ni Pinky: “Yes! Meron ngang nakaplano na. Katatawag lang kahapon. Teleserye po ulit.
“Strike while the iron is hot, di ba?”
Go lang nang go, Pinky!
GORGY RULA
Nag-offer ba sa kanya ang ABS-CBN?
“Wala pa… pero nag-usap din kami ni Dimples [Romana]. So, tingnan natin, baka ano,” saad ni Pinky Amador.
“Kasi marami pa akong gustong makatrabaho, di ba? Although mga nakatrabaho ko, isang eksena, dalawang eksena.
“Iba yung talagang kayo yung magkaeksena lagi, ganoon.”
Tulad nino? Sino ang gusto niyang makaeksena?
“Like si Dimples, although we’ve appeared in several series together, pero wala pa yung talagang kami yung nagpupuksaan,” pagtatapat ni Pinky.
“Wala pa. E, ansarap ng ganun. Ang sarap nung magaling na artista na nagtatagisan kayo ng ano, di ba? Ansarap!”
Kung siya ang api-apihan, sino ang bet niyang mang-api sa kanya?
“Ahhh... si Carmina [Villarroel], magaling. Actually kaya gusto ko siyang kaeksena kasi nagkokontrabida rin siya,” sey ni Pinky.
“So naiintindihan niya kung gaano kahirap ang nadadaanan ko, kasi nadaanan niya yun.
“Kaya for me, she’s the full actress. Si Dimples, nagkontrabida rin, nagbida rin. So, yung ganung klaseng artista na they can play both…”
Bida naman si Dimples sa vertical series ng Cignal Play Microdrama na I See You, kasama sina Joem Bascon, Cedrick Juan, Pearl Gonzales, Glenda Garcia, at Zion Cruz.