JERRY OLEA
Hindi pa masabi ni Direk Erik Matti kung kailan mapapanood ang mga high-profile series niyang Call My Manager, On The Job (OTJ), at BuyBust.
“Yung Call My Manager, malalaman natin after end of August,” sabi ni Direk Erik sa babang luksa para kay Mother Lily Monteverde noong Agosto 4, 2025, Lunes, sa Valencia Events Place, Quezon City.
Judy Ann Santos, Excited sa Call My Manager
Excited si Direk Laurice Guillen sa kanyang role sa Call My Manager.
Natawa si Direk Erik, “Lahat! Si Juday lagi, nagte-text! Si Edu, nagtatanong din.”
Ang Juday na tinutukoy ni Direk Erik ay si Judy Ann Santos, at ang Edu ay si Edu Manzano.
Sabi ng katotong Nathalie Tomada, kasama pa sila ng yumaong broadcaster na si Mario Dumaual sa Call My Manager.
“May isang episode kami na kinunan namin kay Mario Dumaual. Malaki yung role ni Mario,” sambit ni Direk Erik.
Tapos na ang eight-episode limited series na Call My Manager.
Naka-43 shooting days ito. Nilinaw ni Direk Erik na may simul unit ang Call My Manager.
Sa walong episode ay tatlo lang ang dinirek niya. Naghahanap pa raw ng timing ang HBO kung kailan ito ilalabas.
“Ang nakakatuwa dun, lahat sila played themselves.”
Read: Ramon Ang: "Si Atasha is a very nice lady.”
NOEL FERRER
RICKY DAVAO, KASALI PA RIN SA BUYBUST SERIES
Naka-45 shooting days na si Direk Erik para sa nine-episode Netflix series na BuyBust.
May natitira pa itong 20+ shooting days. Mga eksena sa Kamaynilaan ang naiwan.
Kinamatayan na ni Ricky Davao ang role nito sa BuyBust.
“Ang ipinalit ko, si Eric Quizon. Na-shoot ko na si Eric. Hindi ko tinanggal si Ricky,” pagbabalita ni Direk Erik.
“Bale parang pag nanood ka, ‘Ah, may role pala si Ricky dito. Tapos wala na.' Parang ganun. Hahahaha! Nakuha mo?”
Hindi naman nakasira sa daloy ng kuwento?
“Hindi, wala. Kasi hindi ko naman siya pinakilala, e. Ang scene niya na nagpakilala— ang nagpakilala, si Eric Quizon na, na siya si ganun.
“Pero si Ricky, parang kasama lang niya sa trabaho…Pag napanood mo si Eric Quizon, yun yung role niya.
“Malaki ang role, beginning to end.”
Read: Lian Paz details how Paolo Contis reached out to visit kids
GORGY RULA
BEA ALONZO's OTJ SERIES, HINDI PA NASU-SHOOT
Sa mga series ni Direk Erik Matti, alin ang mauunang maipalabas?
“Ako na yung pinakamatagal na walang ginawa. Kasi puro series. Hahahaha!" natatawa pa ring sabi ni Direk Erik.
“Yung OTJ series, hindi pa kami nag-start mag-shoot. Naghihintay pa kami. Nakakainis! Dapat nga, sabi ko, ‘Next time, puwede pelikula na lang lahat? Pelikula na lang ang gagawin ko.’
“Kasi ang series, andaming… andaming approval na kailangan.”
Para sa HBO itong bagong OTJ series na bida si Bea Alonzo, samantalang sa Netflix ang BuyBust series.
“Yung BuyBust movie, binili ng Netflix. Tapos yung On The Job, nag-series sa HBO,” lahad ni Direk Erik.
“Si Netflix, kinonvert yung movie. Sabi niya, ‘Gawa kayo ng series.’ Completely different ang story ng BuyBust series.
“Kasi parang naka-hinge pa yung movie sa drug war, di ba?”
Si Anne Curtis ang bida sa film version ng BuyBust, na ipinalabas noong 2018.