JERRY OLEA
Walang halikan pero may hubaran ang pelikulang Magellan na R-16 ang rating na natanggap mula sa Movie and Television Review and Classification Board (MTRCB).
Napanood namin ng katotong Nathalie Tomada ang special screening ng Magellan noong Setyembre 6, 2025, Sabado, ng 6:00 P.M., sa Cinema 2 ng Central Square, Bonifacio Global City, Taguig City.
Matapos ang screening at talkback session ay nakatsikahan namin ni Nathalie ang direktor ng Magellan si Lav Diaz.
Okay ba sa kanya ang R-16 rating? Hindi naman ipinakita ang mararahas na eksena, kaya puwede sana iyong R-13.
Ang sagot ni Direk Lav: "Hmmm, sana, binabaan pa para puwede yung mga high school, di ba? R-16, senior high, puwede na, no?”
Napaka-meditative ng mga eksenang may masaker at execution. Mag-react kaya ang mga Cebuano sa mga eksena na ang mga katutubo ay walang saplot?
“Hubad naman talaga nun, e. Yeah. Sinulat talaga ni Pigafetta, hubad!” pagmamatuwid ng multi-awarded director.
“When he got to Cebu, hubad lahat, except for Humabon and the wife. Ganyan talaga noon.”
Si Antonio Pigafetta ay Venetian scholar and explorer na kasama ni Ferdinand Magellan sa unang circumnavigation ng mundo noong 1519.
Iyong beach scenes na supposedly sa Cebu ay kinunan sa Mauban, Quezon.
Ang iba pang mga eksena na supposedly sa Cebu ay na-shoot naman sa Sampaloc, na katabing bayan ng Mauban.
Iyong barko sa pelikula ay iyong tunay na Victoria na nasa Cadiz, Spain. Hindi iyon nakarating sa Mauban.
“Kinunan namin sa dagat,” pakli ni Direk Lav.
Parang painting iyong eksena ng mga babaeng nakaitim sa dalampasigan ng Portugal.
“Oo, totoo iyon. Ikinuwento lang sa akin sa research ko na karamihan ng Portuguese women then, pag-alis ng mga lalaki, they wear black,” lahad ni Direk Lav.
“And they always wait at the shore. Yung mga dumarating, kinakausap nila. Ganoon mismo. Nakabantay sila doon. Eventually, para silang mga baliw na. Waiting and waiting and waiting, so ayun.”
Read: Jeraldine Blackman says no cheating in split with husband Josh
May humahawak na ng foreign marketing ng Magellan. Noong Setyembre 5, Biyernes, ay nakadalawang screening ang Magellan sa Singapore.
Ngayong Linggo ng madaling-araw ang lipad ni Direk Lav pa-Canada para sa 50th Toronto International Film Festival (Setyembre 4-14, 2025).
Magkikita sila roon ng bida sa Magellan na si Gael Garcia Bernal, na pupunta rin sa 63rd New York Film Festival (Setyembre 26-Oktubre 13, 2025), kung saan magtatanghal din ang Magellan.
NOEL FERRER
Bago ang naturang 6:00 P.M. screening ng Magellan, nag-intro ang Black Cap Pictures producer na si Direk Paul Soriano sa man of the hour.
“For me, personally, a future National Artist… Lav Diaz!”
Masigabo ang palakpakan ng audience.
Ang sabi ni Direk Lav: “Nakakatakot yung introduction, e. Pero huwag kayong matakot sa Magellan, ha, diskurso lang iyon.”
Sa kanyang speech, minura ni Direk Lav ang mga taga-DPWH. Nagpasalamat din siya sa mga dumalo.
After the screening, nang usisain ng PEP Troika si Direk Lav kaugnay ng sinabi ni Direk Paul na magiging Pambansang Alagad ng Sining siya, natawa si Direk Lav at kaswal na sinabi, “Wala iyon, wala iyon. Kalokohan iyon.”
Read: Enrique Gil, Franki Russell spotted in Bohol
SAAN MAPAPANOOD ANG MAGELLAN?
Ang Magellan ang isinumite ng Film Academy of the Philippines (FAP) para sa kategoryang Best International Feature ng 98th Academy Awards o Oscars.
Ipalalabas ang pelikula umpisa Setyembre 10, Miyerkules, sa mga sumusunod na sinehan:
SM Cinemas
- SM Aura
- SM BF
- SM CDO Downtown
- SM Clark
- SM Dasma
- SM Fairview
- SM Mall of Asia
- SM Manila
- SM Marikina
- SM Megamall
- SM North Edsa
- SM Seaside Cebu
- SM Southmall
- SM Sta Mesa
- SM Sta Rosa
Gaisano
- Gaisano Davao
- Gaisano Tagum
- Gaisano Toril
- Gaisano Digos
Ayala Cinemas
- Glorietta
- Ayala Market Market
- Ayala The 30th
- Ayala Fairview Terraces
- Ayala TriNoma
- Ayala Manila Bay
- Ayala Central Bloc Cebu
- Ayala Abreeza Davao
- Ayala Centrio CDO
- Ayala Capitol Central Bacolod
Vista Malls
- Vista Evia
- Vista Mall Taguig
- Vista Mall Dasma
- Vista Mall Sta Rosa
- Vista Mall Malolos
- Vista Mall Pampanga
- Vista NOMO
Ipapalabas din ito sa Sta. Lucia East Grand Mall, Cinema 76, Red Carpet Cinema sa Shangri-La Plaza, Power Plant Mall, Gateway Mall, Bichara Silverscreen Legazpi, NCCC Davao, at KCC Marbel.
MagellaN: Reviews
Mixed reviews ang inani ng pelikula mula sa mga dumalo sa special screenings, pero ang maganda roon, may diskusyong nagaganap.
Maraming tanong ukol sa kaisipang ibinalandra ng pelikula. Pero yun naman talaga ang function ng sining, di ba?
Nagkakaisa ang lahat na napakaganda raw ng cinematography! Excited akong mapanood ito sa Wednesday!!!
GORGY RULA
Pagkatapos ng 6:00 P.M. screening ng Magellan noong Sabado night ay nagkaroon ng talkback session.
Inusisa ni Bibeth Orteza kung CGI ba iyong malakas na alon sa pelikula.
Paglilinaw ni Direk Lav Diaz, hindi.
Kinunan iyon sa Mauban, Quezon.
Ikinuwento ni Direk Lav na eight years ago, may retrospective sa Barcelona, Spain, at sinabihan siya ng curator: “Lav, we can help you. May pera dito sa Spain if you can think of some project that connects Spain and the Philippines. We can help you."
Naisip noon ni Direk Lav, "Magellan siyempre…”
Nag-coincide sa isang producer sa Portugal, at ang sabi sa kanya: “Lav, we can help you if you have something in mind that connects the Philippines to Portugal."
Ani Direk Lav, “Magellan, so pareho lang.
"Nag-meet kaming tatlo, and then we targeted Gael [Garcia Bernal] to do the Magellan character.
“Nagkataon din na pamilyar si Gael sa mga works ko, kasi, napapalabas sa Mexico yung mga works.
“He said yes. It was eight years ago.”
Kabilang din sa mga nanood ng Magellan ang multi-awarded actor na si Adolf Alix Jr.
Ang Facebook post ni Direk Adolf afterwards: "Art should comfort the disturbed and disturb the comfortable.
“Congratulations Direk Lav for this thought-provoking film! And to Black Cap Pictures! More visionary projects to come Direk Paul, Mav and Bianca!”