JERRY OLEA
Excited si Tonton Gutierrez sa MMFF 2025 official entry na I’mPerfect, kung saan bida sina Earl Amaba at Krystel Go.
“Kakaibang pelikula ito,” sambit ni Tonton nang makatsikahan ng PEP Troika sa MMFF 2025 Celebrity Golf Tournament noong Disyembre 9, 2025, Martes, sa Wack Wack Golf & Country Club, Shaw Blvd., Mandaluyong City.
Read: Eman Bacosa, binigyan ng apartment at luxury watch ni Manny
“Ang mga artista namin dito ay may Down syndrome. You know, we’re really so surprised. Ang galing! Ang husay nila!
“Ang husay nilang umarte. Marunong silang umarte.
“Siyempre ang iniisip natin sa mga people with disabilities, di ba, especially with Down syndrome, hindi sila normal na tao, no.
“But we should be treating them as normal people. Normally tayo, ang stigma kasi, laging pagka meron tayong nakikitang people with Down syndrome, parang bine-baby natin sila, ‘Uy, kumusta ka na?’ Ganun!
“Hindi! Dapat normal lang pala. Because they can act, they can function normally. They can decide.”
Nakakasunod sila sa instructions ng direktor na si Sigrid Andrea Bernardo?
“They’re good. Kaya lang siyempre, hindi ba? Medyo hirap sila sa speech nang konti. So yun, kailangan medyo pagtiyagaan namin while doing the film.
“But sobrang… sobrang kakaiba. Sobrang kakaiba!”
THE TRUE STARS OF THE MOVIE
May mga nag-akala na porke may genetic disorder nang Down syndrome sina Earl at Krystel ay hindi na sila kailangang umarte. Pero may ginampanan silang karakter, di ba?
“Umaarte talaga! Talagang umaakting sila!” bulalas ni Tonton.
“Minsan kami nga, namamangha na lang kami. Kaming mga senior actors, we are there to support.
“Kami nina Lorna [Tolentino], nina Joey [Marquez], nina Ibyang [Sylvia Sanchez] saka si Janice [de Belen], support kami dito.
“It’s all them! Sila ang star! Sila ang bida ng pelikula.”
Nahirapan ba silang makipagtrabaho sa co-stars na may Down syndrome? Nakakailang take sila sa eksena?
“Minsan merong... kasi nga, sa speech, no. Minsan kasi, medyo hindi naintindihan, di ba?” pagtatapat ni Tonton.
“So we had to do it again. We had to be really patient. Noong umpisa pa lang naman, sinabihan na kami ng direktor na we have to be patient.
“Hindi ito yung minsan one take lang, or two takes lang. You know, seeing them, they’re really trying their best to portray the role.
“Actually, excited sila. Grabe yung energy nila. Talagang they’re there to work.
“Gusto nila yung feeling na artista sila, umaakting sila.”
May “K” ba sina Earl at Krystel na ma-nominate bilang best actor at best actress, respectively?
“Sa tingin ko naman, walang imposible, di ba? Wala namang imposible,” sagot ni Tonton.
“Sa tingin ko, puwede. Puwede. Depende iyon sa mga jurors natin, e. Depende sa tingin nila, tingin ng mga normal na tao.
“Yung akting kasi nila doon, hindi yung Down syndrome na ano. They tried to act as normal as they can.
“Nagwo-work sila. Nagtatrabaho naman sila. They can work, they can function.
"Yung isang artista namin doon, there was a time she was working for a hotel as front desk.
“Yung iba, sa Shakey’s ata nagtatrabaho.”
Read: DOJ junks missing sabungeros complaints vs Gretchen Barretto
GORGY RULA
Ano pa ang natanto o natutunan niya sa pakikipagtrabaho kina Earl Amaba at Krystel Go sa pelikulang I’mPerfect?
“This is awareness for people like us na every time meron tayong makikitang person with Down syndrome, kinakausap natin sila na parang bata,” lahad ni Tonton Gutierrez.
“Yung parang, ‘Uyy! How are you?’ Pero kailangan pala, ‘Kumusta ka?’ Normal. Saka they’re so sweet.
“Pag nakita ka na nila, tatakbo, yakap, embrace! They’re so loving, they’re so innocent.
“Nakakainggit actually, na para bang sana, everybody could be like this. Even me!
“Na parang so pure, and so innocent, iba!”
Trailer pa lang ng I’mPerfect, nakakabagbag na ng damdamin. Ano kaya ang aral na magiging take away ng moviegoers sa pelikula?
“Yun nga, to treat them as normal. To see them as normal people. Not to look down on them,” tugon ni Tonton.
“Huwag kutyain, di ba? To treat them as like us, like just normal people.”
Read: Eric Quizon reveals how adopted sister waived her 50% inheritance
NOEL FERRER
Iyak nang iyak si Lorna Tolentino sa shooting ng I’mPerfect.
Ayon kay Tonton Gutierrez, ang papel kasi ni Lorna ay nanay na overprotective.
“Kami yung mag-asawa doon. Ako naman yung nagsasabi sa kanya na, ‘Relax! Let him do that.’ Yung ganun,” sey ni Tonton.
“Yung role kasi ni Lorna is the very protective mother na… we’re both doctors, so alam niya kasi yung mga puwedeng mangyari sa Down syndrome.
“Like, yung number of years nila to be alive, di ba? Dati parang 30 years. Ngayon medyo mas humahaba na. Meron nang 60, 70. Parang normal na.”
Ipinagdiinan ni Tonton na talagang excited sila para sa pelikulang I’mPerfect.
“We really hope that people would come and watch it. Kakaiba.”
Read: PBB Celebrity Collab ex-housemates, paldung-paldo sa MMFF 2025