JERRY OLEA:
Nagkahiwalay sina Alexa Miro at Ilocos Norte first district representative Sandro Marcos matapos ang limang taong relasyon.
Kumusta ang Christmas ni Alexa this year? “OK naman po,” tugon ng aktres.
Nainterbyu namin si Alexa sa tent ng Rekonek bago mag-umpisa ang MMFF 2025 Parade of Stars nitong Disyembre 19, Biyernes, sa Makati City.
Dagdag niya, "Masaya naman. Quiet, with family lang."
Naintriga before na nabibigyan lang ng project si Alexa dahil kay Sandro. Pero ngayon, kahit hiwalay na sila ni Sandro, heto at may entry uli siya sa MMFF.
"I'm super thankful, siyempre. Ang bawat artista naman, kada mabibigyan sila ng project, malaking bagay iyan sa kanila," mabining sambit ni Alexa.
"Lalo na iyung MMFF. So I’m very privileged."
Paano niya haharapin ang 2026?
Napangiting sagot ni Alexa, “Siguro fresh start. Clean slate. Tapos willing na mag-open for anything na papasok sa akin.”
Totoo ba na sinusuyo uli siya ni Sandro?
Napakunot-noo si Alexa, “Hmm... Hindi naman. Hindi naman sinusuyo, but we’re on good terms.
"Hindi naman sinusuyo, pero OK na kami. Wala nang away. Wala nang gulo."
Nang isapubliko ni Alexa ang breakup nila ni Sandro noong September 2025, sinabi niya na ang dahilan ay third party diumano sa panig ni Sandro.
Nakailang patutsada rin siya noon sa kanyang TikTok hinggil sa isyu.
Read: Alexa Miro reveals breakup with boyfriend over third party
So, ang Christmas niya, walang galit sa puso?
"Magaan sa loob. May forgiveness na and everything. Maayos lahat," malumanay na tugon ni Alexa.
Read: Cassy Legaspi at Michael Sager, nagtagpo sa premiere ng Rekonek
GORGY RULA:
Tinanong ko si Alexa Miro kung ano ang Chrismas message niya para kay Kyline Alcantara na nali-link kay Sandro Marcos.
"Merry Christmas! Merry Christmas sa iyo. Sana, masaya ka!" bulalas ni Alexa.
Totoo ba iyong kina Kyline at Sandro?
"Hindi ko lang po sure," sagot ni Alexa.
Pero narinig na raw ni Alexa ang bali-balita tungkol kina Kyline at Sandro.
Nagulat ba siya? "Yeah, oo. Pero kung totoo man iyon, masaya naman po ako for them," kalmadong tugon ni Alexa.
Read: Who is ex-DPWH Undersecretary Catalina "Cathy" Cabral?
NOEL FERRER:
Hindi pa raw handa si Alexa Miro na mag-entertain ng bagong manliligaw. Na-trauma ba siya sa pakikipagrelasyon?
"Hindi naman, hindi naman. Siguro nung time lang iyon, di ba, lahat naman tayo dumadaan sa hardship," sagot ni Alexa.
"O, nasaktan tayo, o nagagalit tayo. Pero kapag napagdaanan mo na iyon, nakapag-heal na, OK na.
"Ang maaalala mo, iyong good parts of the relationship."
Ano ang impact sa kanya ng pelikulang Rekonek?
"Naalala ko po na bumalik tayo sa what truly matters, parang without the social media, kung ano ba talaga iyong mahalaga sa atin, di ba?" sambit ni Alexa.
"Babalik tayo sa pagmamahal natin sa pamilya, at sa pagmamahal natin sa sarili natin."
Iba-ibang istorya ang Rekonek, na interconnected. Iyong story arc ni Alexa ay connected sa characters nina Vance Larena, Eric Fructuoso, at Donna Carriaga.
Si Donna, connected kay Gloria Diaz, na gumanap bilang nanay nina Carmina Villaroel at Bela Padilla.
Si Bela, connected ang kuwento kina Soliman Cruz at Andrea Brillantes.
Si Andrea, konektado naman kay Eric, na konektado nga kay Alexa.
Kabilang sa cast ng Rekonek sina Gerald Anderson, Charlie Dizon, Zoren Legaspi, Cassy Legaspi, Mavy Legaspi, Kokoy de Santos, at Kelvin Miranda.
Kasama rin sina Angel Guardian, Raf Pineda, Dom Corilla, Josh Ivan Morales, Ellie Cruz, Peewee O’Hara, at Abed Green.