JERRY OLEA
MMFF 2025 GABI NG PARANGAL: MGA NAGDILANG-ANGHEL
Nagdilang-anghel si John “Sweet” Lapus.
Tinanghal na Best Actor si Vice Ganda sa Metro Manila Film Festival (MMFF) 2025 para sa top grosser na Call Me Mother.
“I told you so!” bulalas ni Sweet sa Gabi ng Parangal nitong Disyembre 27, 2025, Sabado, sa Dusit Thani Hotel, Makati City.
Matapos ang premiere ng pelikulang Unmarry noong Disyembre 20, Sabado, sa TriNoMa, Quezon City, sinabi ni Sweet na magaling si Zanjoe Marudo—pam-Best Actor—pero may tulog ito kay Vice.
Dumalo rin si Sweet sa premiere ng I’mPerfect noong Disyembre 21, Linggo, sa The Block, SM North EDSA, Quezon City.
Bago nito, nag-dialogue na si Sweet na sakaling mahusay ang bidang lalaki sa I’mPerfect na si Earl Amaba ay pupurihin din niya ito, pero, ipinagdiinan niyang muli na may tulog ito kay Vice.
Kumikinang, Inang!
Nominadong Best Actor sina Earl, Zanjoe, at Vice, pati sina Piolo Pascual ng Manila’s Finest, Carlo Aquino ng Bar Boys: After School, at Will Ashley ng Love You So Bad!
And the winner is…Vice Ganda.
Ang isa pang nagdilang-anghel ay ang actress-producer na si Sylvia Sanchez.
Sa presscon ng I’mPerfect noong Disyembre 14, Linggo, sa Gateway Cineplex 18, Cubao, Quezon City, itinaga ni Sylvia sa bato na gagawa ng history ang pelikulang prinodyus niya kung saan may Down syndrome ang dalawang bida.
True enough, Best Picture ang I’mPerfect! Best Ensemble! At Best Actress ang babaeng bida na si Krystel Go!
Kinabog ni Krystel si Angelica Panganiban ng Unmarry, pati sina Nadine Lustre ng Call Me Mother, at Bianca de Vera ng Love You So Bad.
Pag-akyat ni Krystel sa entablado para basahin ang acceptance speech ay inalalayan siya nina Sylvia at Direk Sigrid Andrea Bernardo.
Afterwards ay sumunod sa stage ang mga co-stars ni Krystel na may Down syndrome.
Ang Facebook post ni Sylvia ngayong Disyembre 28, Linggo, ng umaga: “Ibang klase ka LORD. Maraming, maraming salamat po!!!”
Take note na tatlo lamang ang tropeo ng I’mPerfect—Best Picture, Best Ensemble, at Best Actress.
Mas maraming tropeo ang Unmarry, Manila’s Finest, at Call Me Mother.
Tigpito ng award ang Unmarry at Manila’s Finest, samantalang nakaapat ang Call Me Mother.
Nakadalawang award ang Bar Boys: After School, at nakaisa ang Shake, Rattle & Roll: Evil Origins.
Stars of the Night ang tatlong bida ng Love You So Bad na sina Bianca de Vera, Dustin Yu, at Will Ashley.
Ngangey ang Rekonek.
Nagwagi ang Shake, Rattle & Roll: Evil Origins sa kategoryang best visual effects.
Panalo ang Bar Boys: After School ng Fernando Poe Jr. Memorial Award at Best Supporting Actress para sa 79-anyos na si Odette Khan.
Read: Vice Ganda, Krystel Go, Manila's Finest, UnMarry big winners at MMFF 2025
ZERO EXPECTATIONS FROM MMFF 2025 GABI NG PARANGAL
Bukod kay Vice Ganda na nagsabing "zero expectations" siyang makakakuha ng award, may isa pang halos ganun din ang mood.
Bago i-announce ang mga nominadong Best Supporting Actress ay gusto na sanang umuwi ni Odette. Inip na inip na siya.
Tinalo ni Odette sina Ashtine Olviga ng Manila’s Finest, Eugene Domingo at Solenn Heussaff ng Unmarry, at Sylvia Sanchez at Janice de Belen ng I’mPerfect.
Take note na nominado sa acting categories ang anim na artista ng Unmarry — Angelica Panganiban para Best Actress, Zanjoe Marudo para Best Actor, Eugene Domingo at Solenn Heussaff para Best Supporting Actress, at Tom Rodriguez at Zac Sibug para Best Supporting Actor.
Si Tom ang tinanghal na Best Supporting Actor.
Sa araw na iyon, ikinasal ang ex niyang si Carla Abellana, na isa sa lead stars ng Shake, Rattle & Roll: Evil Origins.
Pinagkalooban naman si Zac ng Jury Prize na Breakthrough Performance.
Fourteen years old na si Zac, kaya lagpas na siya para lumaban sa kategoryang Best Child Performer.
Maliban kina Tom at Zac, nominadong Best Supporting Actor sina Cedrick Juan ng Manila’s Finest, Will Ashley ng Bar Boys: After School, at Zaijian Jaranilla at Joey Marquez ng I’mPerfect.
WILL ASHLEY AND DUSTIN YU AT MMFF 2025 GABI NG PARANGAL
Opo! Si Will Ashley ang bukod-tanging aktor na nominado sa dalawang kategorya ng MMFF 2025—Best Actor sa Love You So Bad at Best Supporting Actor sa Bar Boys: After School.
Dalawa naman ang pelikula ni Dustin Yu sa MMFF 2025—Love You So Bad at Shake, Rattle & Roll: Evil Origins, pero hindi ito nominado.
Para sa 14 jury members ng MMFF 2025, mas magaling si Will kesa kay Dustin!!!
Ayon sa huradong si Gladys Reyes, runaway winner bilang Best Child Performer ang seven years old na si Lucas Andalio para sa Call Me Mother.
“Well-deserved award!” bulalas ng host na si Michael Sager.
Ang dalawa pang nominadong Best Child Performer ay sina Argus Apiras ng Love You So Bad at Ellie Cruz ng Rekonek.
Nang tawagin si Vice Ganda na Best Actor, ang unang yumakap sa kanya ay ang katabi niyang Best Child Performer na si Lucas Andalio.
Ang payo ng isang showbiz kibitzer sa mga nag-assume na sila ang magwawagi sa awards night, “Huwag silang assumptionista!”
Read: MMFF 2025 Box-Office Update: Musta ang total gross at ranking?
NOEL FERRER
MMFF 2025 Gabi ng Parangal Nominees
Tabla bilang Best Float ang Unmarry at Manila’s Finest.
Tabla rin bilang 3rd Best Picture ang Manila’s Finest at Call Me Mother.
Ang apat na awards ng Call Me Mother ay Best Actor para kay Vice Ganda, Best Child Performer para kay Lucas Andalio, 3rd Best Picture, at Gender Sensitivity Award.
Ang pitong tropeo ng Manila’s Finest ay 3rd Best Picture, Gatpuno Antonio J. Villegas Cultural Award, Best Cinematography para kay Raymond Red, Best Original Theme Song para sa “Sandalan” ni Vehnee Saturno, Best Sound para kay Roy Santos, Best Musical Score para kina Frederik Sandoval at Emerson Texon, at Best Production Design para kay Digo Ricio.
Tatlo ang nominadong kanta ng Rekonek—"Bagong Simula," "Pahinga," at "Patungo."
Dalawa ang panlaban ng Shake, Rattle & Roll: Evil Origins, "Dugo" at "Balak sa Dilim."
Pero ang nagwagi ay ang "Sandalan" ng Manila’s Finest na si Piolo Pascual ang umawit kaya kasama ito ni Vehnee sa pagtanggap ng tropeo.
Ang pitong awards ng Unmarry ay 2nd Best Picture, Best Supporting Actor para kay Tom Rodriguez, Breakthrough Performance para kay Zac Sibug, Best Director para kay Jeffrey Jeturian, Best Screenplay para kina Chris Martinez at Therese Cayaba, Best Editing para kay Benjo Ferrer, at Best Float.
Natamo ng Unmarry ang parangal na Best Director at Best Screenplay, pero 2nd Best Picture lang ito.
Sa pag-a-announce ng tatlong winners para sa Best Picture ay hindi na sinabi kung alin-alin ang mga nominado.
Kagaya siguro sa Best Float ay nominado rito ang walong official entries ng 51st MMFF.
Pero sa kategoryang Best Director ay lima lang ang nominado.
Kinabog ni Jeffrey Jeturian ng Unmarry sina Kip Oebanda ng Bar Boys: After School, Sigrid Andrea Bernardo ng I’mPerfect, Jun Robles Lana ng Call Me Mother, at Raymond Red ng Manila’s Finest.
Sa kategoryang Best Screenplay ay limang pelikula rin lang ang nominado, iyong mga nominado rin sa kategoryang Best Director.
Na-hurt ba si Sigrid Andrea na natalo siya sa kategoryang Best Director, gayong ang idinirek niyang I’mPerfect ang Best Picture?
Natatawang sagot ni Direk Sigrid Andrea: “Hindi po! Sa totoo lang po, wala po talaga sa akin iyong award. Sa totoo lang.
“Kasi, ahm, I think alam naman po ng lahat, sobrang long-time project ko na ito.
“And what is important to me is nabigyan ako ng pagkakataon na maipalabas po ito sa mainstream, e.
“So sa akin po, mahalaga po iyon, lalo na po sa MMFF na alam naman nating the biggest film festival in the Philippines siya…
“So to give them [persons with Down syndrome] the opportunity to be here is really enough.
“And for me, iyon ang success ko. Hahahaha."
Labing-apat ang mga hurado sa MMFF 2025, kung saan chairman ng inampalan si Dr. Clodualdo del Mundo Jr. at vice chairman si Fr. Emmanuel “Nono” Alfonso.
Ang 12 pang hurado ay sina Direk Jerrold Tarog, Ericson Navarro, David Angelo Vargas, Dr. Judy Taguiwalo, Prof. Anne Frances Sangil, Gladys Reyes, Ricky Orellana, Nathalie Tomada, John Bryan Diamante, Alemberg Ang, Bing Advincula, at Irene Jose.
Si Direk Jerrold ang presenter sa kategoryang Best Director, at winelcome niya ang pagka-comeback ng nagwaging si Jeffrey Jeturian.
Si Sir Doy ang presenter sa jury prizes na Best Ensemble at Breakthrough Performance.
Ang Facebook post ni Nathalie ngayong Sunday: “Thanks MMFF for including me in this year's board of jurors. What a learning and enlightening experience.
“I love the chemistry of this group led by our highly esteemed chair Sir Doy del Mundo — a calming, firm voice and presence during the exciting discussions.”
MMFF 2025 Gabi ng Parangal DELIBERATION
Inamin ni Gladys na matagal ang deliberation ng mga hurado: “Kasi talagang masusi naming hinimay-himay yung bawat pagganap, yung bawat category.
“And actually, hindi namin namalayan na from we started, medyo past 10:00 A.M., and then we ended mga before 5:00 P.M.”
Historic ang pagwawagi nina Vice Ganda at Krystel Go bilang Best Actor at Best Actress ng MMFF 2025, tapos ay Best Picture pa ang I’mPerfect.
“Siguro nababagay lang siya sa theme ng 51st Metro Manila Film Festival, which is A New Era for Philippine Cinema,” sambit ni Gladys.
“Right, di ba? At pag pinanood din nila, makikita naman nila kung bakit nag-Best Actor, kung bakit nag-Best Actress, kung bakit ito ang Best Picture. And happy naman po kami sa result.”
GORGY RULA
Maliit lang ang venue ng Gabi ng Parangal ng MMFF 2025 na ginanap sa Dusit Thani Hotel sa Makati City.
Kaya naman, limitado lang ang media na binigyan ng access na makapag-cover. Pero bago nagsimula ang awarding ceremony ay nakapasok na rin ang halos lahat ng media kahit wala na silang access pass.
Napansin naming binigyan talaga ng maraming seats ang bawat entry. Pero iilan lang ang dumalo sa ibang pelikula kagaya ng Rekonek, Shake, Rattle & Roll: Evil Origins, at Love You So Bad.
Kaya inupuan na ito ng ibang gaka (gatecrasher) na busog na busog sa inihandang cocktails na parang dinner na rin sa dami ng inihandang pagkain.
Maayos ang kabuuan ng programa at halatang kabado ang ibang artistang nominado.
Merong tayo nang tayo at nagsi-CR. Meron ding ayaw muna magpa-interview dahil kabado kung magwawagi ba sila o hindi.
PIOLO PASCUAL AND RICO BLANCO
Tumanggi si Piolo Pascual na magpa-interview dahil nakainom na pala siya bago pa siya pumasok sa ballroom.
Kaya nakita naming in-enjoy lang niya ang gabing yun lalo na’t nakapitong awards na ang Manila’s Finest.
Pero napagtripan ng ilang netizens nang magkasamang nag-present sina Piolo at Rico Blanco ng Best Picture award.
Nag-comment ang iba na merong common denominator sina Papa P at Rico—si KC Concepcion.
At ikinonek si Maris Racal na ex-girlfriend nina Rico at ng anak ni Piolo na si Inigo Pascual.
Samantala, nag-trending din sa X (dating Twitter) si Angelica Panganiban dahil siya talaga ang hinulaang magwawagi ng Best Actress sa napakagaling niyang performance sa Unmarry.
Sila ni Zanjoe Marudo ang hinulaang makakakuha ng tropeo sa acting categories.
Natalo ni Krystel Go si Angelica na pareho silang may inihandang acceptance speech.
Binasa ni Krystel sa kanyang cellphone ang acceptance speech, pero nakaka-touch ang sinabi niyang, “Lord, tinupad Mo po pangarap ko… naming lahat na maging artista, maraming maraming salamat po.”
Muling binitiwan ni Sylvia ang pahayag niyang “you made history!” para sa mga artista niyang may Down syndrome.
“Sa persons with Down syndrome, persons with disability, you made history tonight! Para sa inyong lahat ito!”
Sabi pa ni Sylvia nang sandali naming nakatsikahan, “Importanteng-importante na ito, para sa akin. Para sa kanila ito.
“Sinabi ko ito from the start, na sinabi ko talaga, gagawa sila ng history sa Philippine cinema, eto na po.”
Umaasa siyang makakatulong itong mga nakuha nilang awards sa box-office performance ng naturang pelikula.
“Of course! Umasa kami, dahil talagang ang gagaling nila! Sobrang galing nila. Walang kuwestiyon dun!” bulalas ng actress/producer.
Ikaapat na panalo ni Direk Jun Robles Lana ang Gender Sensitivity Award para sa Call Me Mother. Nagwagi rin sa MMFF ng nasabing award ang mga pelikula niyang And The Breadwinner Is…, Becky & Badette, at Big Night!.
Siya nga pala, nakatakdang ipalabas ang official entries ng 51st MMFF sa Dubai at Hong Kong sa 2026.
Enero 10-13 ang showing sa Dubai, samantalang inaayos pa ang screenings sa HK.
Tinitingnan pa kung kaya ng production na mag-HK na umpisa Enero 18.
Ayon kay MMDA Chairman at concurrent MMFF Overall Chairman Atty. Don Artes, hati ang mga artistang pupunta sa Dubai at HK. Naging consideration kasi ang mga restriction sa immigration ng Dubai.
