GORGY RULA
Si Jayda Avanzado ang leading lady sa bagong mystery-crime thriller na Project Loki na mag-i-stream na sa February 21, 2026, sa Viva One at CignalPlay.
Si Dylan Menor ang lead actor.
Ang sabi ni Jayda, wala raw romantic angle sa karakter na ginagampanan nila, pero, may fans na ang kanilang tandem.
Unti-unti nang dumarami ang JayLan, pinagsamang pangalan ng dalawa, at LoreKi, na base sa mga pangalan ng mga karakter nilang Lorelei at Loki.
“Yung focus po kasi ng project na ito, hindi talaga siya parang romance. Kumbaga, parang fandom na may shippers na ganun.
"So, parang ano po siya… yung mga fans po namin, tawag po sa amin, JayLan. Tapos yung characters po namin, Lorelei and Loki. So, ang tawag po nila LoreKi. LoreKi po kaming dalawa.
"Nakakatuwa, as in hindi ko ini-expect,” nakangiting pahayag ni Jayda nang nakapanayam namin pagkatapos ng media conference ng Project Loki.
Kahit si Dylan ay natutuwa rin at nagpapasalamat sa mga fans nila ni Jayda.
“I’m thankful for them kasi ano din sila, e, very supportive sila. Not just sa character, sa Project Loki, but they’re also supportive sa mga ganap namin, sa mga events namin ni Jayda, sa work o sa buhay-buhay,” sabi ni Dylan.
“I’m just very thankful for each and everyone of them—sa JayLans, sa LoreKi, and even to my homies, may dreamers, sa mga supporters ko ,mga fandoms. To everyone, my family mga fans ko, and to my colleagues, my co-actors.”
Read: Breakdown ni Mark, may kinalaman sa bagong bahay nila ni Nicole?
NO LOVE ANGLE BETWEEN JAYDA AND DYLAN
Mystery-crime thriller daw itong Project Loki.
Kung ibabase sa Wattpad novel ni AkoSiIbarra, walang love angle sa dalawang karakter na sina Loki at Lorelei.
Pero magkakaroon kaya dahil sa lumalakas na fandom ng dalawa?
Pahayag ni Dylan: “Hindi naman po maiiwasan na may mga shippers kumbaga na tawagin. Kaya nabuo yung LoreKi kasi sini-ship kami ni Jayda.
"But at the same time, may ship din sila ni Marco [Gallo], yung Jayda-Marco na shippers.
“Alam mo yun, may mga tension between a male and a female, di ba? It’s common.
“There could be a hint of romance. Pero the story, purely talaga on crime, mystery, thriller, ganun po talaga.”
Read: BREAKUP TALES: The real third party in ex-couple’s split
NOEL FERRER
JAYDA AVANZADO ON FORMER SCREEN PARTNER
Itong Project Loki ay pangalawang series na ni Jayda Avanzado.
Ang una niyang ginawa ay ang Teen Clash para sa iWant TV. Ka-partner niya noon si Aljon Mendoza.
Tinanong ng reporter na si Allan Diones kung naging sila ba noon ni Aljon.
Napangiti si Jayda at nag-isip sandali.
Aniya: “Let’s just say na Aljon and I were quite close back then. And I can’t deny, you know, that I did…well, I can speak for myself, that it was very special for me.”
Wala na raw silang komunikasyon.
“Kumbaga, yung purpose niya nung time na yun ng buhay ko noon, and I'll always be thankful for him for that. And I really do.
"I wish him well and haven’t seen him in… matagal na ho kaming hindi nagkikita.
"Siguro baka mga three years na, two or three years, I haven’t seen him. Yun lang naman."
Pero paglilinaw ni Jayda: "Wala naman any like bad blood."
Naalala tuloy naming may inilunsad pa si Jayda na album noong 2024, ang Sad Girl Hours, kung saan binansagan pa siyang Pambansang Sad Girl.
Nakapaloob doon ang mga nilikha niyang hugot songs mula sa nakaraan daw niyang relasyon. Si Aljon kaya yun?
“Kanya-kanyang interpretation. I never reveal through my songs,” napangiti niyang pakli.
Pero okay raw sila ni Aljon at nagpasalamat siya sa pinagsamahan nila sa ginawa nilang series.
“Okay naman po kami. Ah, I just haven’t gone any chance to see him.
“Pero you know, if I were to see him again, you know, I would treat him as an old friend. Saka malalim din po yung pinagsamahan namin. I’ll be grateful to him in that sense.
“Siyempre, first project ko po yun. Ang dami din naming pinagdaanan through that process,” sabi pa ni Jayda.
JERRY OLEA
Sa ngayon ay single si Jayda Avanzado at mas gusto muna niyang mag-focus sa mga proyekto niya.
Pagdating sa love life ay hindi raw talaga nakikialam ang magulang niya.
Sa kanyang magulang na sina Dingdong Avanzado at Jessa Zaragoza, mas chill pa nga raw ang kanyang ama.
Sabi ni Jayda: “I think people would be surprised to know like my dad is quite chill when it comes to it.
“I think, if there’s anyone who’s a bit stricter, my mom. A little bit.
"But, honestly, ano naman po, open naman ang lines ng communication po namin ng parents ko po.
“I know, at the end of the day, they just want the best for me in that sense.”
Samantala, dito sa Project Loki ay magandang friendship ang nabuo nina Jayda at Dylan.
Lalo raw silang naging close sa halos araw-araw na magkasama sila sa taping.
Sabi pa ni Dylan: “Since 18 days na kaming nagte-taping, parang mas nakikilala ko na siya.
“We get to know each other. We become comfortable sa isa’t isa.
“So, yeah, we’re all friends, kami nina Marco, and everyone else.”
Meron kayang pumipigil para magkamabutihan nang lubos sina Dylan at Jayda?
Kung sakali, sino kaya ang mag-e-emote sa chorus ng kantang "Bakit Pa"?
“Bakit ka pa nakita? Bakit pa nakilala? Kung ang puso ko ay iiwan mo lang at sasaktan?
“Kung siya'y higit sa akin, naro'n man ang pagdaramdam
“Ito ay aking kakayanin…”