JERRY OLEA
“Relax lang kayo dyan,” post ni Ron Angeles sa kanyang Facebook page noong Marso 1, 2026, Linggo.
Pakiwari ng netizens ay mensahe iyon ni Ron sa kanyang fans at supporters kaugnay sa isyu ng “The Big Four” na inuugnay sa kanila nina Arron Villafor, Nikko Natividad, at Gil Cuerva.
Read: Alleged video scandal ng "The Big Four" kumakalat
"RON ANGELES IS A VICTIM"
Noong araw ring iyon ay ipinagtanggol si Ron ng malapit na kaibigan niyang vlogger na si Oskee Recabar.
Facebook post ni Oskee: “Ron is a victim in this situation. He was not aware that a camera was recording, and he certainly did not consent to being part of any setup designed to humiliate or exploit him. What happened was not entertainment — it was a violation.
“Let's be clear: recording and spreading explicit content without someone's knowledge or consent is abusive.
“Sharing it, reposting it, or even joking about it only adds to the harm.
“Instead of fueling the spread, people should report any explicit videos they encounter online to help stop further damage. Choosing not to engage is choosing decency.
“Behind every viral clip is a real human being — someone with a family, a reputation, and vulnerabilities. No one deserves to have their privacy stripped away for public amusement. We don't need to dissect it. We don't need to make memes about it. We don't need to turn someone's trauma into content.
“Respect costs nothing. Humanity should always come first.”
Naka-tag si Ron sa naturang FB post ni Oskee.
RON ANGELES: "SANAY NA AKONG MAHUSGAHAN"
Ngayong Marso 3, Martes ng umaga, ay may post muli si Ron sa kanyang Facebook page, “Sanay na akong mahusgahan.”
Kalakip niyon ang litrato niyang pinost sa FB noong April Fools’ Day 2021.
Naka-blue swimwear si Ron sa litrato, at medyo naka-side view.
Ano kayang panghuhusga ang tinutukoy ni Ron?
Read: TRENDING: "The Big Four" sa reality show at sa alleged video scandal
GORGY RULA
May pelikula si Ron Angeles sa Metro Manila Film Festival (MMFF) sa nakaraang tatlong taon.
Sa MMFF 2023, gumanap si Ron bilang Juancho Kuchero sa horror movie na Mallari kung saan bida si Piolo.
Sa MMFF 2024 official entry na Uninvited, gumanap si Ron bilang Mark Lozano na babe si Nicole Vega (Nadine Lustre).
At sa MMFF 2025 official entry na Love You So Bad, tampok siya sa umpisa ng kuwento bilang Bry na gustong humarot kay Savannah “Vanna” Aquino (Bianca de Vera).
Maiikli ang exposure ni Ron sa tatlong MMFF movies niya, pero sa 21st Cinemalaya entry na Raging ay markado ang papel niya bilang kaibigan na nanggahasa kay Eli (Elijah Canlas).
RON ANGELES AS A PREDATOR IN RAGING
Sa mediacon ng 21st Cinemalaya noong Setyembre 3, 2025, sa East Atrium ng Shangri-La Plaza, EDSA cor. Shaw Blvd., Mandaluyong City, sinabi ni Ron na sobrang bait ang dating ng karakter niya roon kahit predator iyon.
Pahayag ni Ron: “Sobrang bait na tao, sobrang bait na ano. Hindi mo aakalain na kaya pala niyang gawin yon.
“So, yun po ang challenging doon sa karakter ko naman kung paano ko siya ie-execute para mag-match kami ni Elijah.”
Inamin ni Ron na yung Raging ang most difficult film niya na ginawa at that time.
Nang usisain si Ron kung may pinagdaanan na siyang sexual abuse or harassment sa totoong buhay, ang kanyang sagot: “Siguro po, hindi pa dumating sa sexual abuse sa akin.
“Kumbaga, alam ko naman po, I mean, kung ano ang intensiyon ng isang tao sa akin.
“Hangga’t maaari po, kung kaya kong pakisamahan, kaya nating intindihin, iniintindi ko po.
“Pero to the point na maa-abuse ako, parang hindi ko pa po yun naranasan. Yun po.”
Take note na kasama rin si Elijah sa pelikulang Uninvited, pero hindi sila magkaeksena roon ni Ron.
Parehong streaming sa Netflix ang Mallari at Uninvited.
Read: Elijah Canlas "inabuso" ni Ron Angeles sa Cinemalaya movie Raging
NOEL FERRER
Maingat ang pagre-report natin tungkol sa The Big Four dahil sensitibo ito at ayaw nating maka-offend sa karapatan ng iba.
Katulad na lang ng recent post ni Arron Villaflor, ang sabi niya, “Trust the system.”
Sa photo na ipinost ni Arron ay kasama niya si Atty. Rafael Calinisan, ang bagong hirang na National Police Commission Vice Chair.
Saan kaya hahantong ang isyu na ito?
At may nadadagdag at naglalabasan pang mga pangalan ng ibang mga aktor na meron din umanong sex video.
Nagkakagiyera na pero meron talagang ganito.
Napakakulay talaga ng buhay, ano? Kanya-kanya lang bang trip ito?
Read: Ano ang relevance ng “The Big Four” sa history ng Philippine cinema?