JERRY OLEA
Bumalik si Jay R sa USA noong 2020 para makapiling ang ama na may taning na ang buhay.
“Nung tumawag ang pamilya ko sa akin, sabi nila, six months na lang si Dad,” lahad ni Jay R sa mediacon ng pelikulang Songs for Selina noong Marso 9, 2026, Lunes, sa Andok’s, Anza St. cor. Makati Avenue, Brgy. Poblacion, Makati City.
“Parang after six months, mamamatay na raw siya. Kaya ako, nag-rush na ako sa US. Doon muna ako.
“Sabi ko, ‘Sige, six months muna ako doon. Tapos babalik ako sa ‘Pinas.’
“Pero habang nandoon kami, parang natuwa talaga si Dad na kumpleto kami dun, he lived for two more years. During pandemic ito.
“So for two years, nandun kami. And then siyempre we’re living our lives na. We’re getting established there.
“And then finally namatay na si Dad.”
Read: Jay-R mourns death of dad Gaudencio Sillona Jr.
JAY R AND MICA JAVIER'S MARRIAGE
Labintatlong taon nang magkasama sina Jay R at Mica Javier. Anim na taon na silang kasal.
Pagpapatuloy ni Jay R: “Kami naman ni Mica, parang naisip namin, siguro mas OK na dito muna tayo, especially kasi American citizen ako. Puwede ko siyang i-petition.
“So, dito muna kami sa U.S. It just so happens na nasa L.A. kami, nasa Hollywood.
“Lahat ng mga talented na editor, ng calibrating, ng sound design, nandun. And may movie pa kami na ganito.
“So, dinala namin dun. Pina-edit namin. Pina-calibrate, at mas lalong gumanda yung movie namin dahil dun.
“So, yung dad ko, kasi bago siya namatay din, sinasabi niya sa akin, ‘Jay, kailangan mong mag-shoot ng movie ng next level.’
“Parang naging blessing yung nangyari na pumunta kami dun dahil si Dad, nagkasakit. So, parang blessing in disguise din.
“Although siyempre, ‘Dad, I miss you, pero thank you for the blessing.’”
Songs For Selina offers a powerful and grounded portrayal of the music industry’s realities where dreams soar high, but the cost of success can test even the strongest bonds.
The story follows two musical soulmates navigating ambition, loyalty, and the unforgiving nature of the industry they once dreamed of conquering together.
Read: Alleged video scandal ng "The Big Four" kumakalat
NOEL FERRER
Love letter nina Jay R at Mica Javier para sa young music artists ang pelikulang Songs for Selina.
Maliban sa mag-asawang Jay R at Mica, tampok sa movie sina Rachel Alejandro, Rachel Coates, Audie Gemora, Nicole Laurel, Leanne Mamonong, at Gian Magdangal, sa direksiyon ni Dean Rosen.
Ipapalabas ito sa mga sinehan sa Marso 18, 2026, Miyerkules.
“Ang origin ng istorya ng movie namin, sa Pilipinas,” sabi ni Jay R, who also co-wrote and produced the film’s original motion picture soundtrack.
“Kaya we really wanted to do the theatrical release. Kasi, proud na proud kami sa movie namin, and we really wanted for our kapwa Pilipino to watch the movie.
“Not only that, to experience what goes on behind the scene sa music industry natin sa Pilipinas.”
Pahayag ng casting director na si George Schulze III, fictional ang kuwento ng Songs for Selina, pero batay iyon sa mga karanasan at nalaman nina Jay R at Mica sa local music industry.
Yung dark na tema ng pelikula, sa music industry lang ba galing? O meron din sa larangan ng pelikula, television, at fashion?
“It’s mostly music and movie industry, iyung mga istorya namin na based sa true stories,” tugon ni Jay
R. “Kasi, yun ang field namin, e. Mostly movies and music. So, yun ang in-incorporate namin sa movie.
“Personal experiences ko, at personal experiences din ng mga friends ko. Kasi, mas sikat pa nga sa akin yung mga friends ko. Mga istorya nila, ginagamit namin.
“Hindi ko sasabihin pero siguro, malalaman niyo yun sa circle ko. Ha! Ha! Ha!”
Sabi ko nga, supportive tayo sa passion projects ng mga kaibigan natin.
Kaya sana, masuportahan din ng moviegoers itong passion project nina Jay R at Mica!!!
Read: Bea Alonzo at Vincent Co, sa Spain ikakasal sa May 2026?
GORGY RULA
Anu-anong dark aspects ng music industry ang tinalakay sa Songs for Selina? Exploitation sa talent? Unfair na hatian ng kita? Sexual harassment?
“Lahat! Lahat yan!” bulalas ni Jay R.
“Bayaran. Sa harassment. Sa taking advantage. Sa drugs, lahat yan. Kasama diyan sa movie.”
Na-expose siya sa drugs? Sex and drugs?
“Oo naman, oo naman. It’s part of the industry talaga,” pagtango ni JayR.
“Kaya we wanna make this movie, kasi gusto naming makita ng mga bagong artist na kung sasali ka dito sa industriya, dapat level-headed ka talaga.
“Dapat straight shooter ka talaga. Kasi kung hindi, walang mangyayari sa iyo.”
May experience siya sa drugs? O sa mga kakilala lang niya?
“I mean, it’s around me all the time. Up to now. Very, very strong. Very strong ang drugs sa industriya,” saad ni Jay R.
“Kaya importante din itong message sa movie… It’s part of the line of being in the music industry, of being an actor.
“You’ll always gonna be around people that do drugs. You’ll always gonna be around people that had drugs.
“So, kailangan strong-willed ka talaga.”
Read: CCTV footage shows Jayson Zoleta shot dead by alleged ex-BF