JERRY OLEA
Trentahin na gustong magkaanak pero ayaw magkaasawa si Sandy Montecillo (Sue Ramirez) sa Regal movie na Project Baby.
Ang napili ni Sandy na maging “sperm donor” ay ang guwapo at open-minded pero medyo mature na si Migo Andrade (Rico Blanco).
Idinirek ito ni Eric Quizon, mula sa panulat ni Jose Javier Reyes.
Ipapalabas ang Project Baby sa mga sinehan sa Hunyo 10, 2026, swak pa rin sa Father’s Day sa Hunyo 21.
“Ang plano namin talaga, Mother’s Day,” pagsisiwalat ni Direk Eric sa mediacon noong Mayo 16, Sabado, sa Cinema 6 ng Eastwood Mall, Quezon City.
“Pero hindi pa kami tapos. So, para naman ma-prepare din, maka-promote, naisip namin, June 10 na siya.”
Aminado si Direk Eric na naka-relate siya sa kuwento ng Project Baby.
“Karamihan sa mga kapatid ko, ayaw mag-asawa. Kasi we grew up na hindi kasal ang daddy ko,” paliwanag ni Eric, na ang tinutukoy ay ang Comedy King na si Dolphy (1928-2012).
“So, a lot of us believe that baka ganoon din naman lang… kasi, at that time, ang problema, marriage, di ba? Kung magpapakasal o hindi.
“So we grew up in a family na medyo ganun. Na yung daddy namin, hindi kasal.
“So, halos lahat ng mga kapatid ko, hindi kasal. And ano, ha, by choice. By choice.
“Talagang ayaw nilang magkaroon ng partner. Kasi, ang feeling nila, maghihiwalay din.
“So that’s why when I read the script of Direk Joey, sabi ko, maganda kasi siya. Kasi, of course, the treat is like a comedy nga.
“Na ang approach, parang, ‘O, gusto ko ng baby, ganun, ayoko ng partner.’
“So, it is similar to not wanting to get married, basta gusto kong magkaanak.
“It’s not about... not necessarily having a partner, or kamukha nung kay Sandy. Si Sandy, ayaw talaga ng partner.
“May mga iba naman, puwede namang may partner, di ba? But this movie is from the perspective of the woman.
“At saka yung sinabi ko nga kanina, di ba, the character of Rico… hindi ba, when you think about it, parang victim din siya.
“Pero he was a willing victim, di ba?”
Read: '70s actor Ed Finlan dies
ERIC QUIZON ON STILL WANTING A BABY
Malapit na siyang maging senior citizen. Naiisip ba niyang magka-baby siya?
“All the time, all the time. Parang matagal ko nang iniisip yan. Matagal ko nang gustong gawin yan.”
Kailan?
“Of course, I’m not getting any younger. I cannot say when pero kung kailan talaga, but definitely yes,” wika ni Direk Eric, na mag-aapat na dekada na sa showbiz sa darating na Disyembre.
Nasa cast din ng Project Baby sina Matt Lozano, Arra San Agustin, Yasser Marta, Alex Calleja, Kimson Tan, Christian Ty, Shecko Apostol, Charuth, Drei Arias, Jonathan Perez, Jazzil Sarinas, at Alice Dixson.
Read: Vincent Co spotted at company event; new prenup rumors swirl
GORGY RULA
Hunyo 10, 2026 ang playdate ng Project Baby directed by Eric Quizon.
Sa kasunod na Miyerkules, showing naman ang Home Along Da Riles: Da Reunion kung saan tampok sina Nova Villa, Vandolph, Claudine Barretto, Gio Alvarez, Smokey Manaloto, Boy 2 Quizon, Maybelyn de la Cruz, Dang Cruz, at Jenny Quizon, with the special participation of Epy Quizon.
Kasama rin sa Home Along Da Riles: Da Reunion sina Pepe Herrera, Gardo Versoza, Cita Astals, Sherilyn Reyes-Tan, Ces Quesada, Joymee Lim, at Aurora Halili, sa direksiyon ni Boy 2 Quizon.
Hindi kasama si Direk Eric sa nasabing reunion movie kahit ilang beses siyang nag-guest noon sa sitcom. OK lang ba iyon sa kanya?
Mabilis na sagot ni Direk Eric: “Oo naman, oo naman. OK lang na hindi ako kasama. Kasi, hindi naman talaga ako kasama sa Home Along. Wala sa akin iyon. Alam mo naman ako.
“Ang alam ko, andodoon si Epy. Kasi siya yung ginawang parang AI ng daddy ko.
“Si Boy 2 at si Vandolph, sila talaga ang cast ng Home Along.”
Matatandaan na sa 42nd anniversary concert ni Zsa Zsa Padilla na Through The Years noong Mayo 17, 2025 sa Samsung Performing Arts Theater ng Ayala Malls Circuit, Makati City, merong AI Dolphy na nag-morph at lumitaw si Epy.
DOLPHY MUSEUM IN BATANGAS
Siyangapala, kumusta na yung balak nila na Dolphy museum sa Batangas?
“Hopefully talaga this year, mangyayari iyon,” sambit ni Direk Eric.
Maihahabol ba sa Hulyo in time sa kaarawan ng Comedy King of Philippine Movies?
“Hopefully. Ang problema kasi… hindi naman siya problema, it really is the funding, e,” pagtatapat ni Direk Eric.
“May funding kasi yon. So we’re working for that. But almost there. Almost approved. Once na na-finalize iyon, then we’ll start.
“Kasi ayoko naman ding mag-umpisa na… kasi baka mamaya, biglang kulang ang funding. Tapos biglang mahinto.
“Ayaw ko ng ganun. Gusto ko sana, tuluy-tuloy.”
Yung pondo, mula sa investors?
“Yes, merong ganun. Meron kaming maging ka-partner to put it up. Kasi yung family naman namin, hindi naman namin kaya na magpatayo ng ganun kalaking project,” saad ni Direk Eric.
“So, there’s going to be funding from different sectors.”
Pagsisiwalat ni Direk Eric, noong una ay simple lang ang plano nilang Dolphy museum.
Naging mas malaki ang project, kaya lumaki rin ang kailangang budget. Magkano?
“Hindi ko na alam ngayon. Dahil mas lalo na ngayon, mas mataas pa siya.” Before, magkano iyong budget?
“Basta malaki. Kaya hindi namin kaya. Kaya dapat talaga, merong ka-partner.”
Read: Singha beer heir Psi Scott accuses older brother of sexual abuse; Pi Scott denies claims
NOEL FERRER
Nang pumanaw si Dolphy noong Hulyo 10, 2012, nanatiling maayos ang samahan ng mga anak nito. Walang usapin sa hatian ng mana.
Hindi katulad ng nangyari kay National Artist Nora Aunor na pumanaw last year.
May isyu sa limang magkakapatid na sina Lotlot, Ian, Matet, Kiko, at Kenneth.
Komento ni Eric Quizon: “Yung sitwasyon kasi nila is totally different from ours, e. Kasi kami talaga lahat, we were all [biological] children of my dad except for one.
“Which in the beginning, she was legally adopted. So technically speaking, she had more rights than the real children.
“Yun talaga ang naging ano before. Hiwever, like I said, maaga pa lang kasi, na-prepare kami. My dad didn’t die suddenly, e.
“Kumbaga, parang nung sinabihan siya na meron siyang COPD [Chronic Obstructive Pulmonary Disease], he was 79. And he died when he was turning 84.
“So, it was five years of preparation. And na-prepare namin kung anong gagawin namin sa pamilya.”
THE HEIRS OF DOLPHY
Sa mga anak ni Dolphy, apat na ang namatay. Labing-apat pa ang buhay.
“However, yung mga anak nila, I’m dealing with the heirs of the deceased,” paliwanag ni Eric.
“I mean, basta ang ano — lahat naman ng yan, nakalatag, e. Everything in our family is open book. Pag nagtanong sila, meron namang sagot.
“Ako, like I said, I’m just an administrator. I cannot control.”
Hindi nagkagulu-gulo silang mga naiwan ni Dolphy…
“Nagtatanong, ‘Tito, paano ang ganito?’ ‘O, Eric, paano ang ganyan?’ Walang away,” sabi ni Eric.
“And then I always consulted the lawyers para mas maayos.”
Sa kanilang pamilya, siya ang pinagkatiwalaan talaga kaya naging administrator ng estate ni Dolphy?
“Hindi sa walang tiwala ang daddy ko sa iba,” paglilinaw ni Eric.
“It’s just that ahh at that time, when he was dying, ako iyung may mga sinuggest sa kanya. Na to a point na pinagalitan nila ako.
“Na basta, we went through a… I went through a rough patch with my dad with regards to this.
“Kasi there were several times na muntik-muntik na siya, e. There was one time, he had a triple bypass, muntik na siyang magka… you know, we thought that we would gonna lose him. So may mga ganyan.
“Tapos to a point na ahhh pinagsabihan ako, ‘Ba’t ka ba nangingialam?!’ Sabi niya, ‘Buhay pa ako, pinapatay mo na ako.’ May mga ganyang dialogue ang daddy ko sa akin.
“Pero noong na-realize niya na yung isina-suggest ko was right, then ano na namin, napag-usapan.
“And then towards that time, yung mga latter years ng buhay niya, ako na ang nakikipag-usap, e, sa mga tao. About him, sa ginagawa niya, sa production, whatever.
“Ako na yung nakikipag-usap. Kami ni Zsa Zsa at that time.”
Hindi na nakialam ang iba niyang mga kapatid? Hinayaan na siya?
“Hindi naman sa ano. Kaya lang kasi, ako yung andodoon. Kaya ako yung inaatasan.”
Read: Kelvin Miranda misses late father who worked as a rider