GORGY RULA
Suportado ni Mr. Manny V. Pangilinan (MVP) ang TV launch ng Block 1 ng Star Worx na ginanap sa TV5 musical-variety show na Vibe noong Sabado, Mayo 16, 2026.
Ang Star Worx ang rebranded talent management arm ng TV5 na pinamamahalaan ni Johnny Manahan o mas kilala bilang Mr. M.
Nagsadya sI MVP sa MVP Studio ng Kapatid network para panoorin ang production number ng Star Worx artists sa OPM countdown show.
Bago sila nag-perform, nakapanayam ng PEP Troika ang ilan sa miyembro ng Star Worx.
PATRICK BALLESTEROS
Excited at natutuwa raw sila dahil magmula nang inilunsad sila sa entertainment media noong Mayo 5, may mga nagtatanggol na raw sa kanila sa ilang namba-bash sa Star Worx.
Iyan ang kaagad na tsika sa amin ni Patrick Ballesteros, 18.
Ani Patrick: “Akala po nung una kasi sa mga comments, most are bash. Most are bash po. Before the launch and during the launch din.
“Hindi pa rin maiwasan yun. Pero there are times na may mga comments na pinaglalaban kami.
“'Bakit hindi na lang hayaan, bakit hindi sila bigyan ng chance and everything.'
“There are still people who believe on us na kahit baguhan kami, kaya pa rin naming maging stars.
“Dun namin naramdaman na may mga sumusuporta talaga sa amin.”
NICO MATUGAS
Sabi naman ni Nico Matugas, 20-year-old surfer mula sa Siargao, ang Star Worx mismo ang bina-bash.
May mangilan-ngilang minamaliit sila, pero kaya raw nilang patunayang may potential silang maging star.
“Wala naman sa amin, na sa amin talaga yung bash,” pakli ni Nico.
“Natatawa na lang po ako pag sinasabi ng iba na 'floor wax ba yan?' Natatawa lang ako.
“May mga comments na sinasabi na, 'Sino ba sila? Hindi naman sila sisikat,' ganun.
"I mean, my reaction to that naman, of course, they don’t know us now, kasi we’re new.
“So it is our chance to prove ourselves to set our mark sa industry na ito.
"So, abangan niyo na lang. That’s all I can say.”
Read: TV5 unveils 16 Star Worx hopefuls
NOEL FERRER
SPENCER CAPISTRANO
Ang 25-anyos na si Spencer Capistrano ang pinakamatanda sa Star Worx Block 1.
Halos lahat ng 16 members ng Block 1 ng Star Worx ay wala pang experience sa acting.
Si Spencer ay naka-experience nang umarte sa ilang guestings sa TV shows.
Nasa A Secret In Prague na siya nang kinuha siya para sa Star Worx.
Nagpapasalamat si Spencer na napasama siya sa Star Worx dahil magagaling daw ang mga artistang kasama niya.
Saad niya: “Yun nga po, first time ko lang din po sumabak sa teleserye, binibigyan po nila ako ng magagandang impormasyon how to act sa camera.
"Tips po kung papano in the long run itong palabas na to, and nagtutulungan po kami. Lalo na po si Cedrick [Juan].
“Kunwari po may scene po kami, tapos tatanungin ko siya kung okay ba. Sabihin niya, ‘Actors tayo. Gawin mo kung ano yung dapat na gawin mo.’
“Lagi po ako sa kanya humihingi ng advice para po at least ma-improve ko po yung sarili ko when it comes to acting po.”
Nag-graduate si Spencer ng kursong BS Psychology sa University of Makati. Pero nakilala rin siya sa vlogging.
Ikinatuwa raw niya na nang inilunsad sila ay isa siya sa napansin, at isinama siya kina Patrick at Nico na nagustuhan ng ilang miyembro ng entertainment media.
Tinawag =silang PSN o SPN — Spencer, Patrick at Nico.
“Nakakatuwa lang din po isipin na parang heartthrob,” pakli ni Spencer.
Inalok daw siya noong magbida sa isang BL, pero tinanggihan niya ito.
Paiwanag ni Spencer: “Before po may mga nag-offer po ng BL. Pero hindi ko po kaya. Hindi ko po nakikita yung sarili ko po.
“Hindi ko pa po kaya, kahit nasa wastong gulang na po ako.
"Mas gusto ko po talaga yung drama, action, slice of life, tearjerker."
Read: Marthena Jickain hopes to earn success on her own merit
JERRY OLEA
Parehong athletic sina Patrick Ballesteros at Nico Matugas.
Basketball, table tennis, soccer, swimming ang sports ni Patrick, at dati siyang miyembro ng CIFA na soccer team sa Clark.
Ang unang napansin kay Patrick ay ang napakaganda niyang boses.
Normal daw ang boses niya, pero mas maganda kapag na-modulate niya ito. Nagagamit daw niya ito sa ilang hosting jobs na ibinigay sa kanya.
PATRICK BALLESTEROS ON JOY BARCAMA
Last year ay nag-host siya ng Miss Pearl of the Orient sa Baler, Aurora, kung saan nakasama niya si Joy Barcoma, na mas kilalang si Jusa.
Bilib na bilib siya sa beauty queen-host dahil ang galing daw kahit walang sinusunod na script.
“Ang galing po niya. She didn’t go with the script. Nagsarili lang po siya, sobrang smooth,” sabi ni Patrick.
Pursigido si Patrick sa pagpasok niya sa showbiz para makatulong siya sa magulang niya.
Ang mommy raw niya ay nagtatrabaho sa Makati, na araw-araw nagbibiyahe ng Pampanga pa-Makati.
Ganun din daw ang ginagawa niya lalo na nung nagte-training siya sa Star Worx.
Ipinangutang pa nga raw ng daddy niya ang kanyang pamasahe araw-araw.
Kuwento ni Patrick: “Sinasalo lang ni Daddy yung pamasahe ko every day. From Pampanga, Manila back and forth.
“So, yung pamasahe ko, PHP1k din siya. Nangutang sina Daddy para sa pamasahe ko pa lang. Wala po kasi akong mapag-stay-an nun.”
NICO MATUGAS SUPPORTED BY HIS PARENTS
Si Nico Matugas naman ay masuwerte dahil okay ang buhay niya at suportado ng pamilya niya ang kanyang pangarap maging artista.
Bukod sa football at surfing na ilan sa paborito niyang sports, isa ring dancer si Nico.
Saad niya: “I like to dance. Eversince I was a kid po, I like to perform.
"And I was actually trained under G-Force before when I was high school as a trainee. Before the pandemic.
“I also joined in senior high school dance troupe also. So, mahilig talaga ako magsayaw.”
May close friends si Nico na taga-showbiz.
Magkaibigan daw sila ni Anji Salvacion mula pa nung bata sila sa Siargao.
Naging Grade 6 classmate niya si Kyle Echarri sa all-boys na PAREF Springdale School sa Cebu.
“We play football,” banggit ni Nico.
“Before po, we were close. Now that, you know… parang we really didn’t have contact anymore because we live different lives and hindi na kami nagkita.
“So ngayon po, parang ano lang… we’re still friends, but not as close anymore. Pero we’re still friends.”
Isang beauty queen ang girlfriend ni Nico, pero pribado na raw ito sa kanya.
Suportado naman daw siya ng girlfriend, lalo na ang kanyang pamilya, sa pangarap niyang maging artista.
Read: Mark Ian Garcia addresses Brent Manalo connection, alleged scandal