Trigger Warning: Mention of suicide, depression
GORGY RULA
Mag-ina ang papel nina Meryll Soriano at Elijah Canlas sa one-act play na Footprint, na isa sa labinlimang dula na main feature ng Virgin Lab Fest XXI: Hubo’t Hubad.
Tatlo o apat na beses nang gumanap na mag-ina sina Meryll at Elijah.
Parang anak na rin talaga ang turing ni Meryll kay Elijah, lalo na’t Elijah rin ang pangalan ng panganay niya.
“Yes! Eighteen na si Eli! My God, may 18-year-old na ako! Nakakaloka!” bulalas ni Meryll nang nakatsikahan ng PEP Troika pagkatapos ng open dress rehearsal ng Footprint noong Mayo 28, 2026, Huwebes ng gabi, sa Tanghalang Ignacio Gimenez o CCP Black Box Theater sa CCP Complex, Pasay City.
Anak-anakan din ni Meryll ang kuya ni Elijah na si Jerom Canlas, na playwright ng Footprint, maging ang bunso nina Jerom at Elijah na si JM Canlas.
“Naging anak ko sina JM at Elijah sa Unconditional. Doon ko sila nakasama,” sambit ni Meryll.
Meryll Soriano Says Parents Must Be Their Children’s First Safe Space
Bilang ina ay dapat na mapanood daw itong Footprint ng mga magulang na may mga anak na posibleng dumanas ng depression, at mag-suicide kapagkuwan.
Ani Meryll: “You know naman na malaganap ang mental health na condition sa mga… lalo na sa mga kabataan ngayon.
“So I think importante din sa mga parents na we get to be part of our children’s lives.
“Kasi na kahit sabihin nilang okay sila, kung hindi ka talaga mangungulit na anong nangyayari, the need help, you know, you really have to be open also.
“Kasi hindi naman sila mag-o-open up sa iyo kung hindi ka aware.
“So, it’s very important na intindihin yung mga kabataan, at the same time, ma-feel nila na secure and safe sila sa mga nag-o-offer ng help,” saad ni Meryll.
Kaya ang sabi ni Meryll, open daw siya sa kanyang anak, at nakatutok din daw siya para sa mental health ng kanyang anak.
Ani Meryll: “I think, kasi si Eli naman, he knows na meron akong bipolar disorder.
“Kumbaga, I’ve been so open to him, and lagi kong sinasabi sa kanya, ‘Ako ay iyong kakampi,’ di ba?
“'Ako ang makakaintindi niyan. So, if you need help, huwag na huwag mo akong kakaligtaan na hingan ng tulong. Because I’m the first person na makakatulong sa iyo.
“'I will do my best to listen. Kahit listen, di ba? And offer you help.'”
Read: Elijah Canlas opens up about grief and healing through Footprint
NOEL FERRER
Nakikita naman daw ni Meryll Soriano sa kanyang mga anak na minsan ay dumadaan sila sa depression, kaya lagi raw siyang nakatutok.
“Dumadaan din naman sila sa mga… alam niyo naman, uso ngayon yung depression, yung mga ADHD,” lahad ni Meryll.
“Kasi nung panahon natin, di ba, kahit naman ako…19 years na akong diagnosed.
“Siyempre nung unang panahon, 19 years ago, ano bang malay ko sa mental health? Ano ba yung may bipolar disorder? Ano yun?
“Ngayon, mas may awareness. So at least, kahit sa other end of na mga bata, tayong matanda, at least naiintindihan na natin yun.
“We have to be open and aware na may ganun. Kasi dini-dismiss usually ng mga matatanda, di ba, dati na pag ganun, ‘Baliw lang yan,’ et cetera.
“Ngayon, hindi natin puwedeng sabihin yun. We have to be open,” sabi pa ni Meryll.
Read: Meryll Soriano admits she's bipolar
JERRY OLEA
First time nina Meryll Soriano at Elijah Canlas na umakting sa Virgin Lab Fest (VLF) sa dulang Footprint na akda ni Jerom Canlas.
Tungkol ito sa pagdadalamhati ng ama (Jojo Cayabyab), ina (Meryll Soriano), kuya (Elijah Canlas) at girlfriend (Pappel) dahil sa pagpapakamatay ng isang binatilyo (Omar Uddin).
Sabi ni Elijah, matagal nang pinapangarap pareho nila ni Meryll na makapag-VLF.
“At nagkataon pang sabay kaming na-devirginize!” bulalas ni Meryll.
Kumusta na nakapag-open dress rehearsal na sila?
“Kinakabahan kami kaninang lahat. Kasi siyempre, first na merong audience. E, nakaraos naman,” sambit ni Meryll.
“At saka siyempre, maganda talaga yung piyesa. Of course, very close to Elijah and Jerom sa heart.
“Kaya masaya naman ako na naging part nito dahil part din naman ng buhay ko si JM, and of course, advocate din ako ng mental health.”
Ka-cluster ng Footprint sa Set D: Pusong Mamon ang mga dulang Buhaghag at Taksyapo!.
Kung mabigat sa dibdib ang Footprint, riot naman sa katatawanan ang Taksyapo! kung saan bida sina Christian Bables at Mosang, sa direksyon ni Tuxqs Rutaquio. Akda ito ni John “Sweet” Lapus.
Ang premiere week shows ng Set D: Pusong Mamon ay sa Hunyo 6, Sabado ng 2:00 P.M. at 8:00 P.M., sa Tanghalang Ignacio Gimenez.
Read: Jerom Canlas honors late brother JM through VLF play Footprint
