GORGY RULA
Inilunsad na ng singer-songwriter na si Isha Ponti ang first album niyang pinamagatang L.I.K.A.S., na ang ibig sabihin ay Longing, Illusion, Kindness, Acceptance, at Self-Love.
Ito ang tema ng sampung awiting isinulat niya at ini-record.
May iba’t ibang hugot ang sampung awiting nasa album: "Darating," "Numero," "Hinga," "Kabanata," Halika," "Warmth," "Gulong," "Bakas," "Riversky," at "Mismo."
“Composed ko siya from the heart and experiences,” saad ni Isha nang humarap sa entertainment media noong Mayo 30, 2026 sa Noctos Music Bar, Sct. Tuason St., Brgy. South Triangle, Quezon City.
SONGS INSPIRED FROM ISHA PONTI'S HEARTBREAK
Nabuo ng 19-anyos na si Isha ang mga awiting ito dahil sa nakaraan niyang heartbreak sa ex-boyfriend.
Alam daw ito ng kanyang pamilya at malalapit na kaibigan.
Kaya kapag naririnig daw nila itong mga kanta niya, alam nila kung saan humugot si Isha. Alam daw kasi nila ang buong kuwento.
Lahad niya: “Kaya ang mga close friends ko po and family, ay naku! Pag naririnig po nila ang mga kanta ko, talagang naaalala po nila yung mga ino-open ko sa kanilang mga scenarios sa buhay ko.
“Kasi when you’re ano… kung nasa emotional peak ka, ang daming hugot, e.
“Iyon talaga yun e. When it comes to being a songwriter — the hugot needs to be there.
“And also hugot, lesson, and message ng song. So, lahat yan interconnected.”
At least, maganda ang epekto ng kabiguan niya sa pag-ibig, nakabuo siya ng mga awitin at naging isang album na.
Read: Newlywed Pinoy couple in Canada dies after paddleboarding mishap
SUPPORT SYSTEM
Nagpapasalamat siya sa kanyang support system — ang kanyang pamilya, mga kaibigan, at ang Panginoon.
Nakapaloob sa kanyang album na alay niya sa kanyang magulang. Ito raw ang awiting "Warmth."
“It’s like saying na ‘It’s okay, I got this.’ Kasi, they’re all always worried about me, whenever I’m not okay, ganun.
“Kaya parang it’s my way of telling them na it’s okay. It’s part of life, it’s part of growth, it’s part of my experiences sa buhay. Kaya madadaanan ko rin yun.
“So, don’t worry, I got this. Parang ganun yung kanta,” saad ni Isha.
Naka-29 na kanta na pala ang nagawa ni Isha, na karamihan ay hango sa mga karanasan niya sa pag-ibig.
Pero nagkaideya si Isha na gumawa ng bagong kanta nang tinanong ng PEP Troika kung puwede rin ba siyang ma-inspire na magsulat ng kanta tungkol sa mga nangyayari sa atin ngayon.
Involved na rin ang mga kabataan sa nangyayari sa ating pulitika.
“After this, parang may naisip akong song na puwedeng gawin,” pakli ni Isha.
Ang masasabi niya sa nangyayari sa ating pulitika: “Be wiser when it comes to voting people.
“And be aware of the things that are happening, eventhough you’re apolitical or political. I don’t know.
“It‘s always important to be aware. Kasi kapag hindi ka aware sa mga nangyayari, paano tayo uunlad?” sambit ni Isha.
Read: Tessa Prieto opens up about ex-husband's "infidelity"
JERRY OLEA
Marami-rami nang gigs si Isha Ponti sa mga concert. Hindi na siya lumahok sa mga singing competition sa TV.
Ani Isha: “Nag-focus na lang po talaga ako sa paggawa ng maraming kanta. And yun naman po talaga, e.
“Parang I did music, I pursued music not because I want to compete but I want to hear something that could inspire people.
“Heal them, or use my songs to any occasion. Kaya nga po kahit Father’s Day song, Mother’s Day song, Christmas song, Valentine’s Day, lahat ata nadaanan ko ng season sa buhay.
“So, ayun po, it’s all about me sharing my music, not competing.”
Para sa ibang baguhang mang-aawit, magandang platform ang singing contest to jumpstart their career.
“May mga instances po, di ba, na parang it works for other artists na sumali sa competition,” sabi ni Isha, na tinaguriang "Asia’s Pop Sweetheart."
“But in my case po kasi, yung time ko po kasi ang naging problem doon, and yung priorities ko sa buhay. And my priority was writing songs and my studies.”
Sino ang gusto niyang maka-collab, o gawan ng kanta?
Napangiti si Isha, “Idol na idol ko po sina Sarah Geronimo, Yeng Constantino.
Tapos yung mga Gen-Z artists, sina Janine Teñoso, Maki.”
Siyangapala, nominado si Isha sa dalawang kategorya sa 17th PMPC Star Awards for Music — Christmas Song of the Year (“CHRISTmas With You”) at New Female Recording Artist of the Year.
Ang album launch ni Isha ay nakatakda sa Hunyo 20, Sabado ng 7:00 P.M., sa Viva Cafe, Cyberpark Tower I, Cubao, Quezon City.
Read: Netflix Battle: The Master Cutter outperforms Blood vs. Duty and A Secret in Prague
NOEL FERRER
Inaasam ni Isha Ponti na masundan ang mga yapak ng Popstar Royalty na si Sarah Geronimo.
“Since idol na idol ko po talaga si Miss Sarah Geronimo, I really admire how she presents herself,” pahayag ni Isha.
“Yung principles niya sa buhay.”
Siyempre, hindi maiiwasan na ma-criticize si Isha, lalo pa kung ikukumpara kay Sarah.
“In my own perspective, parang… I value my own identity as an artist.
"So, kung may comparisons na mangyayari, we will have similarities and differences which will fit, you know, kung ano yung qualities ko as a person and as an artist.”
Hindi naman daw siya maaapektuhan kung may ganoong paghahambing dahil kilala niya ang sarili.
“And I know what’s true, and I know what’s false,” pakli ni Isha.
Read: Vlogger Ser Geybin hospitalized following emotional struggles