GORGY RULA
Sumuporta ang anak nina Romnick Sarmenta at Harlene Bautista na si Bo Bautista sa launching ng latest single ng baguhang 11-year-old singer na si Honey Love Johnson, ang "Goodbye For Now."
Ginanap ang press launch sa Music Box sa Quezon City noong Lunes, June 29, 2026.
Bukod sa kantang "Goodbye For Now" ay kinanta rin ni Honey Love Johnson ang isa pa niyang single na "Wait Lang."
Sina Bo at Celyn David ang mga sumayaw.
Okay lang kay Bo na sumuporta sa baguhang singer para makatulong naman daw siya sa Gleam Artists Management at MPJ Entertainment Productions, na nagma-manage sa batang singer pati na rin sa Star Worx artist na si Celyn.
Read: Tatlong bagong urban legend sa showbiz: Totoo o fake news?
BO BAUTISTA PREFERS NOT USING HER PARENTS' CONNECTION
Hindi raw naiinip si Bo sa kanyang time na makilala sa entertainment industry.
Hindi niya iniinda ang hirap na pinagdaanan niya, at hindi raw niya ginagamit ang connection ng kanyang magulang at ang apelyidong Bautista.
Kinuha siya noon para sa Starkada ng Net 25, pero hindi raw niya ginamit ang parents niya para makapasok.
Sabi ni Bo: “Actually, during Net 25, nung dun po kami sa management ng Starkada, nag-audition din po ako dun,”
Pero hindi naman daw nagpapabaya ang mga magulang niya at nandiyan sila para sumuporta sa lahat ng ginagawa niya.
Hindi raw niya ginagamit ang connection para magka-project.
Napapasama siya sa film projects na pino-produce ng Heaven’s Best, ang film production na pag-aari ng kanilang pamilya. Pero ayon kay Bo, tinitingnan pa rin kung bagay ba sa kanya ang role.
Saad niya: “My parents naman po, they’re very supportive, but not the stage parents way po.
“Hindi po sila yung, ‘Ganito, gawin mo ito, kailangan ganyan-ganyan.’ But when I need advice, they’re always there.”
Read: Kim Chiu posts subtle clapback to hallway incident with Ogie Diaz
NOEL FERRER
Ngayon ay walang manager si Bo Bautista, kaya minsan ay ang kanyang inang si Harlene Bautista ang kinakausap kapag gusto siyang bigyan ng project.
“She let me know kapag… for example, yung friends niya, may kino-contact at tinatanong kung puwede ako for a project.
“Pero hindi rin naman po basta-basta na dahil may contact sila kay Mama, ano, dun na agad ako, tatanggapin na agad. May audition din naman po,” paglilinaw ni Bo.
Naniniwala si Bo na kailangan niyang magsikap at trabahuin nang matagal bago niya ma-achieve ang pinapangarap niya sa showbiz.
ADVANTAGES AND DISADVANTAGES OF BEING A BAUTISTA
Ano ang advantages at disadvantages ng pagiging bahagi ng pamilya Bautista na kilala sa showbiz?
Sagot ni Bo: “For me, it’s not a big deal. I mean, siguro in some ways may adavantage na sila po yung parents ko, marami na silang experience.
“But at the same time, hindi po ako nagre-rely sa fact na sila po yun.
“Kasi, like I said, I still have enough things to learn. Sobrang aga pa po, at alam ko madami pa akong pagdadaanan.
“Kapag merong akong gagawin na hindi ko ma-handle yung isang situation or yung isang role, dun ko lang po…
"Humihingi lang po talaga ako ng advice. Pero I don’t really rely on the name.”
Read: Rene Baterbonia's family visits site of fatal Aurora drowning
JERRY OLEA
Dahil kilala rin sa pulitika ang kanyang pamilya, bilang ang kanyang uncle na si Herbert Bautista ay dating mayor ng Quezon City, hindi rin naiwasan ni Bo Bautista na akusahan siyang "nepo baby."
Pero hindi raw siya apektado. Hindi naman daw negatibo ang dating ng "nepo baby" para sa kagaya niyang anak ng mga artista.
Aniya: “In-assume po nila ako na nepo baby. Na dahil sa kanila kaya ako nandito, kasi yung mga connections, ganito, ganyan.
“Pero hindi ko naman po ito gagawin kung hindi ko ito ine-enjoy. Yung pag-aarte, pagpe-perform.
“Actually, sa lahat po ng kapatid ko, ako lang yung nagkagusto na mag-showbiz. Hindi po talaga nila pinu-push na mag-ano sila, na mag-ano kaming mga kapatid ko po,”
BO BAUTISTA ON "NEPO BABY" TAG
Hindi raw itinuturing ni Bo na bashing yung sinasabi ng iba na "nepo baby" siya.
Paliwanag niya: “Para sa akin po… hindi naman siya ginamit against me. Hindi ko din naman siya… like I said, I don’t use the connections for the opportunities. I don’t use it.
“Kung sabihin man nila na nepo baby ako… ang term po kasi na yun, ginagamit yung lahat na meron yung parents mo, di ba? Na nandun ka na because nandun yung parents mo.
“Pero ako naman po, hindi ko naman ginagawa yun. Like, I’m here to do my own thing.
“I’ve been working hard. I’m trying to better myself.”
Read: Karen Ibasco denies role in Joy Barcoma's Miss Philippines Earth missed farewell walk