GORGY RULA
Hindi naitago ni Ruru Madrid ang sobrang excitement sa press conference ng Cinemalaya 2026 na ginanap sa Atrium ng Shangri-La Plaza, Mandaluyong City, noong Miyerkules, July 8.
Ang naturang independent film festival ay magsisimula na sa August 6 hanggang 18 na gaganapin sa Shangri-La Plaza, Gateway Cineplex, at select Ayala Malls.
Isa sa siyam na film features ay itong Hand Of God ni Mark Duane Angos.
Tampok dito sina Ruru Madrid, Iza Calzado, Ronnie Lazaro, Sue Ramirez, KD Omalin, at Jhong Hilario.
Kinunan pa ang pelikulang ito sa lalawigan ng Basilan.
RURU MADRID ON BACK-TO-BACK MOVIES
Nagpapasalamat si Ruru sa Panginoon dahil sunud-sunod ang mga pelikulang ginagawa niya.
Hindi lang niya maibigay ang buong detalye, pero meron pa siyang isang pelikula na pagsasamahan nila ni Iza.
“Nakakatuwa na tuluy-tuloy na magkatrabaho kami ni Ate Iza. And sobrang naging close kami dahil nga halos lagi kami magkasama lately.
“So, sobrang nakakatuwa,” pakli ni Ruru.
Pagkatapos daw niyang ginawa ang Lolong, nagpahinga muna siya, at para magkaroon din sila ng panahon ng nobyang si Bianca Umali.
Ito ang dahilan kaya tinanggihan ni Ruru mag-regular sa Encantadia Chronicles: Sang’gre.
Pero ayon sa Kapuso actor: “First quarter pa lang ng taon, nakatanggap ako ng tatlong offers na pelikula.
“So, alam niyo yun… akala ko pag may tinanggihan ka, parang medyo maano ka. Baka mawala na yung blessing, di ba?
“Pero after po nun, na-realize ko, dun po nagpasukan yung mga ano…mga opportunities.
“Dahil yung ginawa ko sa Spain na Los Salvajes Bravos, and then I did another film, which is this one for CInemalaya naman, and then I’m doing another film this September.”
Read: Cinemalaya 2026 unveils 9 feature films, 10 short films, 3 books
GRATEFUL TO GREEN BONES
Malaki rin ang pasasalamat ni Ruru sa Green Bones (2024) dahil pagkatapos nito ay maraming nag-alok sa kanya ng pelikula.
“So, sabi ko, sobrang blessing po talaga sa akin yung Green Bones kasi yun yung nag-open ng pintuan sa akin when it comes to cinema for doing films.
“Kumbaga, para siyang audition piece, na lahat po na projects na kumuha sa akin, ang sinasabi nila, dahil sa napanood nila yung Green Bones.
“So, super grateful sa proyekto na yun. Pag kausap ko si Kuya Dennis [Trillo], yan ang lagi naming sinasabi. Espesyal itong pelikulang ito.
“So, ibang-iba,” napapangiting pahayag ni Ruru.
JERRY OLEA
Siyempre, inurirat si Ruru Madrid tungkol sa kapatid na si Rere Madrid na nagpakasal sa basketball star na si Kai Sotto, at malapit nang magka-baby.
Talagang nagulat daw siya nang sinabi sa kanya ng girlfriend na si Bianca Umali ang kalagayan ni Rere at ang balak nitong pagpapakasal kay Kai.
“Actually, mas naunang nalaman ni Bianca,” pagtatapat ni Ruru.
“And then, nung nalaman ni Bianca, si Bianca ang nagsabi sa akin. Kasi natatakot si Rere na i-open sa akin.
“So, sabi ko, wala naman siyang dapat ikatakot kasi parang, like for example, with Kai, sobrang bait na tao rin at mahal niya yung pamilya niya.
“So, kung gaano kamahal yung pamilya niya, ganun din ang pag-aalaga na ibigay niya sa kapatid ko,” sabi pa ng Kapuso actor.
Read: Rere Madrid and Kai Sotto are now married
RURU ON SISTER RERE'S PREGNANCY
Hindi naman daw itinatanggi ni Ruru na nabigla siya nang nalaman niya ang sitwasyon ng kanyang kapatid.
“Siyempre, immediate reaction ko parang nagulat. Pero bilang kuya, siyempre dati mahigpit ako sa mga kapatid ko.
“Pero si Bianca ang nagpapaalala sa akin na matatanda na yung mga kapatid ko. ‘Matatanda na yung kapatid mo. May kanya-kanyang buhay na sila.’
“Kumbaga, mas gugustuhin natin na magtiwala sa iyo yung mga kapatid mo, para makapag-open pa rin sila. So, kailangan mo ibigay ng space para matuto sila.
“So, from that moment, tinanggap ko na. 'Okay. Matatanda na itong mga kapatid ko, hayaan ko sila.'
“Ngayon, super close na kaming magkakapatid,” dagdag ni Ruru.
Read: Rere Madrid and Kai Sotto expecting their first child
NOEL FERRER
Nakikita raw ni Ruru Madrid kay Rere na sobrang saya nito ngayon. Excited na rin siya sa kanyang magiging first pamangkin.
“Super!” bulalas ni Ruru.
“Kasi ano to, e, parang may possibility na maging NBA [player], di ba? So, actually si Rere at si Kai, very excited.
“And to be honest, first time kong makita yung kapatid ko na ganun kasaya.
“Sabi ko nga, baka ito na yung maging calling niya na parang ever since, parang nahihirapan siya na ano ba yung gusto niyang gawin sa buhay niya.
“But now, yun po, e. Kumbaga, yung maging isang ina. Maging isang nanay.
“Sabi ko sa kanya, ‘Re, baka yan talaga. Baka yun ang inadya ng Panginoon sa yo. So, tanggapin niyo nang buo, magpasalamat ka.’
“Kumbaga, hindi lahat nabigyan ng ganyang oportunidad na maging nanay. So, blessing yan para sa atin,” saad ni Ruru.
NO PRESSURE FOR RURU AND BIANCA
Pagkatapos ng kasal nina Rere at Kai, hindi naman daw sila na-pressure ni Bianca Umali kung kailan naman sila.
Ayon kay Ruru: “Sa amin kasi ni Bianca, never namin minadali pagdating diyan. But definitely, lagi naming napapag-usapan.
“Pero, it’s a matter of kung kailan ba ang pinakatamang timing. Kasi, you know, we’re doing lots of things na dati pinangarap lang po namin.
“Siyempre, we want to maximize that. But definitely, when it comes sa pagpapakasal, wala namang makakapagsabi kung kailan yan.
“As long as maramdaman naming dalawa na ito yung tamang panahon na gawin natin ito, gawin natin.”
Masaya ako talaga para kay Ruru lalo pa’t pamilya na ang turingan nila ng anak-anakan nating Iza. Dahil pamilya naman talaga si Ruru!
Read: Anjo Yllana appeals ruling ordering him to pay TVJ PHP3.5 million