Trigger Warning: Mention of drug war, murder
JERRY OLEA
Nag-preview ang Episode 5 ng Drug War: A Conspiracy of Silence noong Agosto 26, 2026, Miyerkules ng gabi, sa Shangri-La Plaza, Mandaluyong City.
Present doon ang mga kapamilya ng ilang natokhang noong administrasyon ni dating Pangulong Rodrigo Roa Duterte, kabilang si Nanette Castillo ng Tondo, Manila.
Sa Q&A matapos ang screening, ingat na ingat si Harvey Bautista sa mga statement niya bilang konsiderasyon sa mga naulila ng drug war.
Si Harvey ay isa sa mga bida ng nasabing limited series, kung saan gumanap siya bilang Kiko Agustin, na anak ng tinokhang na si Ramon Agustin (Romnick Sarmenta).
Tampok din sa six-episode series sina Ian Veneracion, Jane Oineza, Ryan Eigenmann, Joem Bascon, Art Acuña, Gabby Padilla, John Arcilla, Lotlot de Leon, Yayo Aguila, at Miggy Jimenez, sa direksiyon ni Shugo Praico.
MIXED FEELINGS ABOUT SUCESS OF DRUG WAR SERIES
Inamin ni Harvey na hati ang feeling niya kaugnay sa tagumpay ng Drug War: A Conspiracy Silence.
Masaya siya na maraming nanonood nito sa YouTube channel ng Rein Entertainment, pero inaasam niyang matandaan ng mga tao kung gaano ka-uncomfortable na panoorin ang pinagdaanan ni Kiko.
“I’m aware that we have some of the families here, so thank you very much for coming,” malumanay na saad ni Harvey.
“I hope people remember how uncomfortable watching Kiko’s scene. Kasi, that is nothing compared to what had actually happened.
“What we showed was a… censored… filtered down version of what had actually happened.
“But if you felt uncomfortable, I hope you guys remember that.”
Pagmamatwid ni Harvey, isa sa mga punto ng limited series ay ipakita ang magkaibang bersyon ng totoong nangyari. Ang nangyari raw na drug war sa tunay na buhay ay mas masahol.
“So, please be uncomfortable,” sambit ni Kiko.
“This is the first time I’m telling people to be uncomfortable for something that I made, but I hope you guys are uncomfortable.
“Kasi that is the goal. We hope you remember. I hope you remember the tears na people shed and all the blood, and the hiding and the sweat.”
Ang penultimate episode ng Drug War: A Conspiracy of Silence ay libreng mapapanood umpisa Agosto 27, Huwebes ng 8:00 P.M., sa YouTube channel ng Rein Entertainment.
Read: SB19’s Justin calls out "disrespectful" Filipino airport worker in L.A.
NOEL FERRER
Nagpasalamat si Nanette Castillo kay Harvey Bautista sa paggawa ng seryeng Drug War: A Conspiracy of Silence.
Nasa kuwintas ni Nanette ang litrato ng anak niyang si Aldrin na biktima ng tokhang.
Kuwento ni Nanette kay Harvey: “Naituro siya, kasi may nahuli sa amin noon, kasi noong nakaburol siya, tinatanong pa ako ng mga pulis kung may tattoo ang anak ko dito.
“Walang tattoo yung anak ko, e. Nagkamali sila ng binaril. Lima ang tama niya, dalawa sa ulo, calibre 45. Isa rito, dalawa sa likod, calibre 40.”
“Kumusta po kayo?” tanong ni Harvey.
Malungkot na sagot ni Nanette: “Kasi yun nga ang inaano namin, kahit makulong si Duterte, si Bato [de la Rosa]… hindi na babalik yung anak ko.
“Hindi na siya babalik. Laging may kulang sa amin. Samantalang sila, buhay sila, e!
“Sarap pa nga ng kulungan. Nasa abroad, di ba? Si Bato, sumusuweldo pa. Kumbaga, yung buhay na kinuha nila, hindi na babalik.
“Kahit anong tumbling ang gawin ko, hindi na babalik ang anak ko. So, habang panahon, may kulang.
“Tapos yung hustisya, siguro iyon na lang yung makukuha namin. Wala nang iba, e.
“Pero yung buhay na hinahanap ko, wala na. Saka marami pa ring nanay na nawalan, masakit yun, e.
“Masakit mawalan ng anak sa ganitong paraan.”
Read: ICC confirms all crimes against humanity raps vs Rodrigo Duterte
GORGY RULA
May bagong series si Harvey Bautista pero hindi pa nag-uumpisa ang shooting nito.
“Hindi ko alam kung ano ang puwede kong sabihin. It’s something I haven’t done,” sabi ni Harvey.
“It’s more mature. Hindi siya mature in the sense na sexy-sexy, but it’s an older role. Mas higher yung stake as an actor. Exciting.”
HARVEY'S BIRTHDAY AND LOVELIFE
Kabi-birthday lang niya noong Agosto 16. Paano siya nag-celebrate?
“Just with family. With family at home. And then we had a couple of games at home after. That’s it,” tugon ni Harvey.
Bilang regalo sa sarili ay bumili raw siya ng bagong lente para sa kanyang Sony camera.
May time ba siya sa lovelife?
Natatawang sagot ni Harvey: “Sa ngayon, hindi muna. I wanna focus on building my career. I wanna focus on getting my name out there as an actor.
“And I wanna make sure na I do a good job as an actor.”
Naka-move on na siya sa paghihiwalay nila ng kanyang ex-girlfriend?
“Yes na lang, yes na lang. Yes na lang, yes na lang.”
Read: Shirley Kuan says Bea "never defended me" amid wedding issue