JERRY OLEA
First movie ni Christopher de Leon ang Tinimbang Ka Ngunit Kulang (1974) ni National Artist Lino Brocka.
May kissing scene siya with Laurice Guillen sa madilim na bowling-an. First screen kiss iyon ni Christopher.
Co-stars nila sa movie sina Lolita Rodriguez, Eddie Garcia, Mario O’Hara, Hilda Koronel, Anita Linda, at Lilia Dizon.
May cameo rito si Jay Ilagan bilang escort ni Hilda sa Santacruzan. Nasa movie rin sina Alicia Alonzo, Lily Miraflor, Joonee Gamboa, Lorli Villanueva, Mely Mallari, Estrella Kuenzler, Ernie Zarate, Orlando Nadres, Bey Vito, at Joseph Sytangco.
Kabilang sa mga pinagsyutingan ng pelikula ang San Jose, Nueva Ecija (hometown ng kanyang ina), Sta. Rita, Pampanga (pinagsyutingan ni Direk Laurice ng Tanging Yaman), Concepcion, Tarlac, at Tanay, Rizal.
Nagwagi ang Tinimbang Ka Ngunit Kulang sa FAMAS Awards sa mga kategoryang best picture (CineManila Corporation), best director (Lino Brocka), best actor (Christopher de Leon), at best actress (Lolita Rodriguez).
First movie pa lang ni Christopher, best actor na agad siya!
Noong 1975 ay wala pang Gawad Urian (Manunuri ng Pelikulang Pilipino), Luna Awards (Film Academy of the Philippines), at Star Awards for Movies (Philippine Movie Press Club).
Dumalo sina Christopher at Laurice sa opening ceremony ng 6th Philippine Film Industry Month (PFIM) noong Setyembre 4, 2026, Biyernes, sa Red Carpet Cinema 1 ng Shangri-La Plaza, EDSA cor. Shaw Blvd., Mandaluyong City.
Opening film kasi ng 6th PFIM ang restored version ng Tinimbang Ka Ngunit Kulang.
Present din doon ang Brocka family, at nagbigay ng mensahe bilang kinatawan ng pamilya ang grandniece ni Direk Lino na si Antonia Gabriella Brocka.
Dumalo rin si Sonia Roco, maybahay ni Raul Roco, na producer ng CineManila Corporation.
Pinagkalooban ni Film Development Council of the Philippines (FDCP) Chairman and CEO Jose Javier Reyes sina Christopher, Raul, Antonia Gabriella, at Sonia ng commemorative poster ng Tinimbang Ka Nguni’t Kulang.
Ang FDCP ang punong-abala sa pagdiriwang ng 6th PFIM na ang tema ay “Pelikula: Ginintuang Ikalawa (Philippine Cinema’s Second Golden Age).”
May free screenings this month sa mga FDCP Cinematheque Centre sa Manila, Iloilo City, Davao City, at Bacolod City ang anim na 1976 Filipino film classics.
Ang mga ito ay Ganito Kami Noon…Paano Kayo Ngayon?, Insiang, Itim, Tatlong Taong Walang Diyos, Nunal sa Tubig, at Minsa’y Isang Gamu-gamo.
Naka-display ang commemorative posters ng mga iyan sa lobby ng Cinema 1 ng Shangri-La Plaza, pati ang posters ng opening film (Tinimbang Ka Ngunit Kulang), at closing film (Sister Stella L).
Sa walong pelikulang iyan, lead actor si Christopher sa tatlo—Tinimbang Ka Ngunit Kulang, Ganito Kami Noon… Paano Kayo Ngayon?, at Tatlong Taong Walang Diyos.
Ang Ganito Kami Noon… Paano Kayo Ngayon? ay idinirek ni National Artist Eddie Romero. Co-stars dito ni Christopher sina Gloria Diaz, Eddie Garcia, Dranreb Belleza, Leopoldo Salcedo, Rosemarie Gil, Tsing Tsong Tsai, E. A. Rocha, Jimmy Fabregas, at Johnny Vicar.
May free screening ito sa Setyembre 11, Biyernes, at 5:00 P.M., sa Fort Santiago, Intramuros, Manila.
Ang Tatlong Taong Walang Diyos ay sinulat at idinirek ni Mario O’Hara, at nagsyuting sa Majayjay, Laguna.
Co-stars dito ni Christopher sina Nora Aunor, Bembol Roco (billed as Rafael Roco Jr.), Yolanda Luna, Mario Escudero, at Peque Gallaga.
May free screening ito sa Setyembre 23, Miyerkules ng 4:30 P.M., sa Cinematheque Center sa Intramuros, Manila, na susundan ng talkback session.
Read: Patrick Garcia's daughter Michelle undergoes K-pop training
NOEL FERRER
CHRISTOPHER DE LEON'S FIRST FILM
Malaking karangalan para kay Christopher de Leon na dumalo sa Philippine premiere ng restored version ng Tinimbang Ka Ngunit Kulang.
Aniya bago ang screening: “This was like 1974, ahh many moons ago. Dito sa pelikulang ito, ang pangalan ko, Cesar Blanco Jr. Ngayon po, ako na si Cesar Blanco Sr. Millennial pa ako niyan. Gen-Z pa yata ako, 17. Ganun ba yun?
"But I am so happy and talagang honored to be part of this great movie.
“This was my first movie. First of all, dito po ako nanalo ng first best actor award.
“And in this movie, I had to audition. I has to, you know, ahh I had to take up classes. Acting lessons. Breaking down scripts. Voice lessons.”
Noong panahong iyon ay ginagawa rin niya ang Godspell musical sa Fleur-de-lis Auditorium ng St. Paul University Manila, at doon daw niya nakuha ang kaalaman sa acting o pagiging aktor.
Pagpapatuloy ng Drama King of Philippine Movies,
“So this was the start of my movie career, and my entertainment career. And I thank God for that.
“Maraming salamat sa Diyos at ginawa Niya akong… you know, I come from family of actors. But yun na nga, salamat sa Diyos at ginawa Niya akong isang artista.
"At hanggang ngayon, patuloy pang gumagawa ng pelikula. Maraming salamat po sa inyo.
“Ang pelikulang ito ay makabuluhan. Ang tinatalakay ng pelikulang ito ay tungkol sa sort of hypocrisy of the society.
“Makikita ninyo sa isang eksena dito, yung mga nagsisimba pero kapagka homily na, yung mga lalaki, nasa labas, nagkukuwentuhan, yung mga babae, nagtsitsismisan.
“Kasama sa asosasyon ng mga Las Chismosas Pakialameras ng maliit na bayan na iyon.
"At very interesting and ahh this is for me, at that time, no, mind-blowing.
“Ang first take ko dito was like what? Take 9? Ang kaeksena ko, Lolita Rodriguez. Mario O’Hara. Oh no! Oh no! OK!”
Ang tinutukoy ni Christopher ay eksena sa bundok.
Pagbabalik-tanaw pa ni Christopher: “So I was like, WOW! Take 9 yata iyon. After that, nagtuluy-tuloy na.
“They guided us. Lino guided me. Lolita guided me. Mario. Ahh this was under CineManila.
“And sabi nga namin ni Inday, ni Laurice (Guillen) kanina, ahhh my last time na napanood namin ito, 50+ years ago.
“And we’re just very happy to watch it again, na restored version. And this is going to be fun. So enjoy the night!”
Nagpasalamat si Christopher na tinulungan siya ng mga katrabaho sa kanyang first screen kiss with Madam Laurice, na 23-anyos pa lamang noon.
“They were very cooperative!” bulalas ni Christopher.
“And they were teaching me. They were… ohh, Laurice Guillen, she was very quiet and very reserved. Very intense.
“My nerves were shaking then. But natapos namin, and maganda naman lumabas.”
Kakakausap ko lang sa ating Drama King at nag-usap kami sa iba pang legacy projects na puwede niyang gawin dahil tunay na maraming matututunan ang mga tao sa mga pinagdaanan ng ating premyadong aktor na hanggang ngayon ay hot at fresh at dapper pa rin katulad ng ating napanood at nakita noong Opening Event ng Philippine Film Industry Month!!! Bravo, Papa Bo!!!
Read: Chanda Atienza arrives in Manila; to be brought to BJMP New QC Jail
GORGY RULA
Napaka-nostalgic para kay Christopher de Leon na mapanood muli ang Tinimbang Ka Nguni’t Kulang.
“Ang ganda pala niya!” bulalas ng Drama King of Philippine Movies.
Natawa raw sila ni Laurice Guillen habang pinapanood ang kanilang kissing scene.
Paggunita ni Boyet (palayaw ni Christopher): “Yun nga, she was very reserved. Very quiet before, you know, you don’t hear her too much ahh behind the cameras, you know.
“She’s intense. She’s into it. She was in character. Pag sinabi mong trabaho na, in character na siya.
“I was like intimidated. Ha! Ha! Ha! Di ba?! Like Laurice Guillen and doing a love scene, my first kissing scene with her. My first kissing scene onscreen. So grabe ito… pretty naman, di ba?”
Sabi namin, sobrang moving iyong huling eksena sa pelikula.
Tumango si Christopher: “Yeah. It was like… the last scene was like parting of the sea. It was the director’s prerogative, the director’s way of doing what he wants to emphasize.
“Maski na iyong mga taong hindi gumalaw, yung symbolism, nandun, e. And then Lolita [Rodriguez] was very good.
“Noong namatay siya, pagganun niya, isang tulo lang yung luha niya. And then her expression, all the time, she was maintaining her character dito. Glassy eyes, teary-eyed. And then dun sa last, nung mamamatay na siya, ‘Junior,’ sabi niya, ‘Junior.’
“And then tumingin sa karakter ko, and she died. You see her one drop of tear.
“Noong napanood ko ito, na-realize ko how much important it is. The movie itself, and the performance of Lolita Rodriguez was excellent,” saad ni Boyet.
Tungkol naman sa isa pa niyang pelikula na meron ding tribute screening: “Ahh yung Ganito Kami Noon…, I think puwede kong sabihin, it’s the first Forrest Gump. Si Kulas, Nicolas Ocampo.
“Actually we were ahead of Forrest Gump. That character, di ba?”
Ang nobelang Forrest Gump ni Winston Groom ay inilathala noong 1986. Ang film version nito na pinagbidahan ni Tom Hanks ay ini-release noong 1994.
Co-writers ng Tinimbang Ka Ngunit Kulang sina Lino Brocka at Mario O’Hara. Iyong Tatlong Taong Walang Diyos, writer-director si Mario O’Hara.
Ani Boyet, more of Mario ang script ng Tinimbang Ka Ngunit Kulang kesa kay Lino.
Papuri pa ni Boyet kay Mario: “He’s a great scriptwriter. Tatlong Taong Walang Diyos, direktor. Galing niya doon! Ni Mario, ang galing niya doon.
“Iyong film clip ng mga giyera-giyera. Ang ganda nun.”
Sabi pa ni Boyet, ang ganda rin ng mga pelikulang Nunal sa Tubig at Minsa’y Isang Gamu-gamo.