JERRY OLEA
Noong Pebrero 19, 2026 pa natin nai-feature dito sa PEP ang ilan sa mga pelikulang ipinalabas 50 years ago, noong 1976 na ginintuang taon ng pelikulang Pilipino.
Kabilang diyan ang Insiang, Ganito Kami Noon… Paano Kayo Ngayon?, Tatlong Taong Walang Diyos, Minsa’y Isang Gamu-gamo, Magandang Gabi sa Inyong Lahat, Itim, Sakada, at Ligaw na Bulaklak.
Nandiyan din ang Bitayin Si… Baby Ama! (Terror ng Muntinlupa), Lord, Give Me A Lover, Nunal sa Tubig, Ang Boyfriend Kong Baduy, Inday Garutay, Bato sa Buhangin, Alakdang Gubat, at Mortal.
Noong 1976 ay FAMAS pa lamang ang nagkakaloob ng taunang parangal para sa ating movie industry.
Mayo 1, 1976 itinatag ang Manunuri ng Pelikulang Pilipino, at nang sumunod na taon ang 1st Gawad Urian kung saan pinarangalan ang mga pelikulang ipinalabas sa mga sinehan noong 1976.
Setyembre 1975 ginanap ang 1st Metropolitan Film Festival.
Nang sumunod na taon ay inilipat sa buwan ng Disyembre ang filmfest at tinawag na 1976 Filipino Film Festival.
Mula 1977 ay nakilala na ang December filmfest na iyon bilang Metro Manila Film Festival (MMFF).
Ibang-iba pa ang kalakaran sa showbiz 50 years ago na hindi pa uso ang internet, cellphone, social media, at mall.
Naglipana ang mga stand-alone theaters, na puwede kang pumasok kahit anong oras. Puwede ring ulit-ulitin mo ang panonood sa araw na iyon.
Sa mga probinsiya ay karaniwang double program o dalawang pelikula ang palabas for the price of one ticket. Minsan ay triple program pa!
Ayon sa Internet Movie Data Base (IMDB), 170 pelikulang Pinoy ang ipinalabas sa mga sinehan noong 1976.
Karaniwan noon na tatlong pelikulang Pilipino ang ipinapalabas sa mga sinehan kada Miyerkules.
Noong taong iyon ay mainit na ang rivalry nina Nora Aunor at Vilma Santos.
Umarangkada sa takilya ang mga pelikula ng Child Wonder na si Niño Muhlach.
Namayagpag sa takilya si Alma Moreno matapos ilunsad sa Ligaw na Bulaklak.
Patok din noong 1976 ang tambalan nila ni Rudy Fernandez.
Nagkamabutihan sina Ness (palayaw ni Alma) at Daboy (palayaw ni Rudy).
Ang bunga ng kanilang pagmamahalan ay si Mark Anthony Fernandez na isinilang noong Enero 18, 1979.
Sa pagdiriwang ng 6th Philippine Film Industry Month (PFIM) ngayong Setyembre, anim na 1976 film classics ang may free screenings sa FDCP Cinematheque Centres sa Intramuros (Manila), Iloilo City, Bacolod City (Negros Occidental), at Davao City.
Ang mga ito ay ang restored and remastered versions ng Insiang, Ganito Kami Noon… Paano Kayo Ngayon?, Tatlong Taong Walang Diyos, Minsa’y Isang Gamu-gamo, Itim, at Nunal sa Tubig.
Ang tema ng 6th PFIM ay “Pelikula: Ginintuang Ikalawa (Philippine Cinema’s Second Golden Age).”
Read: 1976: The Golden Year of Philippine Cinema
‘GANITO’ SA FORT SANTIAGO
Ipapalabas ang Ganito Kami Noon… Paano Kayo Ngayon? sa Setyembre 11, Biyernes ng 5:00 P.M. sa Teatro ng Fort Santiago.
Bahagi ng Facebook post ng Intramuros Administration kaugnay rito: “ADMISSION IS FREE. Seats are available on a first come, first served basis. Please note that entrance fee to Fort Santiago still applies: P75 regular; P50 discounted.
“This film screening is presented by the Intramuros Administration (IA), in partnership with the Film Development Council of the Philippines (FDCP).”
Ang Ganito Kami Noon… Paano Kayo Ngayon? ay idinirek ni National Artist Eddie Romero.
Bida rito si Christopher de Leon, kasama sina Gloria Diaz, Eddie Garcia, Leopoldo Salcedo, Rosemarie Gil, E. A. Rocha, Dranreb, Jimmy Fabregas, Johnny Vicar, Tsing Tsong Tsai, at Teresita Non.
QUIAPO ILALIM
Sa Setyembre 11, Biyernes ng 6:30-8:00 P.M. ay ilulunsad ang libro ni National Artist Ricky Lee na Quiapo Ilalim: Pagsusulat ng Iba’t Ibang Daan sa SMX Convention Center Manila, Mall of Asia Complex, Pasay City.
Bahagi iyon ng Manila International Book Fair 2026, at OPEN TO THE PUBLIC.
Kabilang sa readers at performers sina Aicelle Santos, Agot Isidro, Angel Aquino, Bayang Barrios, Cristine Reyes, Dimples Romana, JC Santos, Jose Javier Reyes, Nour Hooshmand, at Shaina Magdayao.
Ang hosts ay sina Hershey Neri at Mikoy Morales. Co-publisher ng aklat na ito ang Film Academy of the Philippines (FAP).
NATIONAL ARTISTS
Ini-announce na ang sampung bagong Pambansang Alagad ng Sining. Para sa larangan ng Film and Broadcast Arts, ang bagong National Artist ay ang scriptwriter na si Armando “Bing” Lao.
Abangan natin kung anong poster ng pelikulang iniskrip ni Bing Lao ang idi-display sa hallway ng FDCP Cinematheque Centre Manila.
Pahayag ng FAP: “The Film Academy of the Philippines joins the Philippine film community in honoring Armando ‘Bing’ Lao, who has been named National Artist for Film for 2025.
“A pioneering figure in Philippine independent cinema, Lao introduced the ‘Found Story’ approach, which draws from raw, unmanipulated human experiences and allows real-life stories and personalities to shape the filmmaking process.
“His work and mentorship helped Filipino filmmakers and expanded the possibilities of independent cinema, particularly in telling intimate, grounded, and unconventional Filipino stories.
“The Film Academy celebrates Lao’s enduring contribution to Philippine cinema and the generations of filmmakers he inspired.”
Sa bisa ng Proclamation No. 1414 na may petsang Setyembre 1, 2026, ang siyam pang bagong National Artists ay sina:
Gabriel P. Formoso (Architecture and Allied Arts)
Rafael "Nonoy" Catalino Froilan (Dance)
Maria Beatriz "Patis" Fabella Pamintuan Tesoro (Design)
Gregorio C. Brillantes (Literature)
Nicanor G. Tiongson (Literature)
Alfredo S. Buenaventura (Music)
Teodoro L. Hilado (Theater)
Imelda Cajipe-Endaya (Visual Arts)
Nunelucio M. Alvarado (Visual Arts)
Read: Armando “Bing” Lao named National Artist for Film and Broadcast Arts
BIYAHENG OSCARS
Meanwhile, naghihintay pa tayo sa announcement ni FAP Director General Paolo Villaluna kung ano ang ipapadala ng Pilipinas para sa kategoryang best international feature ng 99th Academy Awards o Oscars.
Ang walong pinagpipilian ng Selection Committee ay 58th, Filipiñana, Silenced Nights, Manila’s Finest, I’mPerfect, Quezon, Sisa, at All The Things I Leave You (Patawid).
Read: Can PH finally get an Oscar nom? FAP launches PHP25M campaign
GORGY RULA
Tinagurian si Alma Moreno na Sex Goddess of Philippine Movies, at kabilang pa sa mga pelikulang pinagbidahan niya noong 1976 — title role siya o above the title ang billing niya:
KUNG BAKIT MAY ULAP ANG MUKHA NG BUWAN ni Emmanuel H. Borlaza, co-stars sina Pilar Pilapil, Perla Bautista, Charlie Davao, Ronaldo Valdez, at Ernie Garcia.
MRS. EVA FONDA, 16 ni Emmanuel H. Borlaza, co-stars sina Celia Rodriguez, Ernie Garcia, Perla Bautista, Josephine Garcia, at Amado Cortez.
WALANG KARANASAN ni Arsenio Bautista, co-stars sina George Estregan, Eddie Garcia, at Perla Bautista.
AY, MANUELA ni Al Quinn, co-stars sina Dolphy Jr., Rolly Quizon, Manny Boy Quizon, Freddie Quizon, at Edgar Quizon.
BITAYIN SI… BABY AMA! (Terror of Muntinlupa) ni Jun Gallardo, co-star si Rudy Fernandez.
BAKIT AKO MAHIHIYA…? ni Lauro Pacheco, co-stars sina Eddie Rodriguez and Lolita Rodriguez.
HINOG SA PILIT (The Adult Kid) ni Nilo Saez, co-stars sina Anna Gonzales, Ramil Rodriguez, at Jay Ilagan.
MARKADONG ANGHEL ni Nick Lizaso, co-stars sina Tirso Cruz III, Vic Silayan, Chito Ponce Enrile, Angelo Castro Jr., Chona Castillo, at Karim Kiram.
FANTASTIKA VS. WONDERWOMAN ni Johnny Pangilinan, co-stars sina Pinky Montilla, Celia Rodriguez, Marissa Delgado, Gina Alajar, Ike Lozada, Inday Badiday, at Johnny Monteiro.
IKAW… AKO, LABAN SA MUNDO ni Jun Gallardo, co-stars sina Rudy Fernandez, Paraluman Conrad, at Dick Israel.
USIGIN ANG MAYSALA ni Jun Gallardo, co-stars sina Rudy Fernandez, Eddie Garcia, Perla Bautista, at Armida Siguion-Reyna.
Read: Throwback photos ni Alma Moreno, “highly collectible” sa mga tito
OTHER 1976 MOVIES
Ang ilan pa sa mga pelikulang ipinalabas noong 1976:
PIKNIK
Bida sina Daria Ramirez at Carmen Ronda, sa direksiyon ni Joey Gosiengfiao. Co-stars ang “today’s bold young men” na sina Ricky Belmonte, Orestes Ojeda, Ernie Garcia at George Estregan.
Nasa cast din sina Marlon Ramirez, Lucita Soriano, Bella Flores, Angge, Hector Gomez III, Erick Chandler, at Jay Pineda.
HINDI KAMI DAMONG LIGAW
Tinampukan nina Charito Solis, Ronaldo Valdez, Marianne de la Riva, Ernie Garcia, Chanda Romero, Tony Santos Sr., at Lauro Delgado, sa direksyon ni Danilo Cabreira.
May logline, “Maraming uri ng dami… naririyan ang TALAHIB, na sa bawa’t daplis ay nanunugat… naririyan ang AMORSEKO, na sa bawa’t dantay ay kumakapit… naririyan ang MAKAHIYA, na sa bawa’t haplos ay kumukuyom.”
MGA UHAW NA BULAKLAK, PART 2
Kontrobersiyal na pelikulang idinirek ni Danilo Cabrera.
May tagline na, “Sila ang aliw… sila ang buhay.”
Tampok sina Alona Alegre, Ernie Garcia, Nympha Bonifacio, Trixia Gomez, Marlon Ramirez, Max Laurel, at Freddie Quizon.
Nasa cast din sina Fortunato “Atoy” Co, Brenda del Rio, Cloyd Robinson, at Mona Lisa.
HINDI NAKAKAHIYA, PART 2
Idinirek ni Luis Enriquez (pseudonym ni Eddie Rodriguez), pinagtambalan nina Eddie Rodriguez at Vilma Santos.
Sequel ng hit movie nilang Nakakahiya? (1975) na si Luis Enriquez din ang direktor. Tungkol sa May-December affair.
MGA ROSAS SA PUTIKAN
Pinagbidahan nina Vilma Santos, Celia Rodriguez, Barbara Luna, Trixia Gomez, at Merle Fernandez, sa panulat at direksyon ni Emmanuel H. Blrlaza.
Co-stars sina Arnold Gamboa, Romeo Enriquez, at Sandy Garcia. Introducing si Monica Morena. Guest star si Ike Lozada.
Prinodyus ng VS Films.
BABAE… SA LIKOD NG SALAMIN
Idinirek ni Cesar J. Amigo. Bida si Charito Solis bilang babae na dalawa ang persona.
Co-stars sina Dindo Fernando, Alona Alegre, Perla Bautista, Ward Luarca, Tony Santos Sr., at Fr. Ben Carreon.
ISINUMPA
Idinirek ni Romy Villaflor. Bida sina Amalia Fuentes, Dante Rivero, Gloria Romero, at Boots Anson-Roa. Co-stars sina Perla Bautista, Luis Gonzales at Daria Ramirez.
MRS. TERESA ABAD, AKO PO SI BING
Pinagtambalan nina Charito Solis at Christopher de Leon, sa direksyon ni Danilo Cabreira.
Co-stars sina Anita Linda, Tony Santos Sr., at Johnny Delgado.
SI RAQUEL AT SI RAFAEL
Pinagtambalan nina Amalia Fuentes at Christopher de Leon, sa direksyon ni Joey Gosiengfiao.
Co-star si Roger Calvin.
LEAP YEAR NGAYON, LAGOT KA, PIPIKUTIN KITA
Pinagbidahan nina Christopher de Leon, Lorna Tolentino, Eddie Garcia, at Edna Diaz, sa direksyon ni Fely Crisostomo.
Nasa cast din sina Rudy Fernandez, Josephine Garcia, at Dick Israel.
MGA REYNANG WALANG TRONO
Pinagbidahan nina Amalia Fuentes (as The Movie Queen) at Vilma Santos (as The Beauty Queen), sa direksyon nina Fely Crisostomo & Amalia Muhlach.
Co-stars sina Eddie Gutierrez, Robert Arevalo, Eddie Garcia, Rudy Fernandez, Rez Cortez, at Greg Lozano.
TIKET MAMA! TIKET ALE! SA LINGGO ANG BOLA
Pinagbidahan nina Gina Pareño, Eddie Garcia, Laurice Guillen, at Anita Linda, sa direksyon ni Gil Portes.
Nasa cast din sina Joonee Gamboa, Mary Walter, Nanding Josef, at may special participation si Ingrid Salas.
ALAS 5:00 NG HAPON, GISING NA ANG MGA ANGHEL
Pinagbidahan nina Rita Gomez, Joseph Estrada, at Tirso Cruz III, sa direksyon ni Augusto Buenaventura.
Nasa cast din sina Miss Asia ‘75 Eva Arni, Marissa Delgado, Edna Diaz, Tina Artillaga, Paquito Diaz, at Vic Silayan.
Nagsyuting ito sa Olongapo.
INIIBIG KITA, FATHER SALVADOR
Pinagbidahan nina Vic Vargas, Ricky Belmonte, Helen Gamboa, at Leila Hermosa, sa direksyon ni Pablo Santiago.
Co-stars sina Ellen Esguerra, Lito Garcia, at Dencio Padilla.
May tagline na, “Ang pinakamahigpit na pagsubok ng kamunduhan sa isang alagad ng Diyos.”
DIVORCE PILIPINO STYLE
Pinagbidahan nina Pilar Pilapil, Eddie Gutierrez, Robert Arevalo, Tommy Abuel, at Chanda Romero, sa direksyon ni Elwood Perez.
May tagline na, “Dapat ba kayong magpalit ng asawa?”
SAPAGKA’T KAMI’Y MGA MISIS LAMANG
Pinagbidahan nina Susan Roces, Nora Aunor, Celia Rodriguez, at Chichay, sa direksyon ni F. H. Constantino.
Gumanap bilang mga mister sina Robert Jaworski, Max Laurel, Phillip Salvador, at Martin Marfil.
Kabilang sa mga alalay sina Dencio Padilla, Bella Flores, Lucita Soriano, Georgie Quizon, Darius Razon, Lily Miraflor, at German Moreno.
KAMING MATATAPANG ANG APOG
Pinagtambalan nina Dolphy at Nora Aunor. Screenplay and direction ni Ading Fernando.
Co-stars sina Pugo, Chichay, at Jay Ilagan.
DALUYONG AT HABAGAT
Bida sina Vic Vargas, Pinky de Leon, at Ricky Belmonte, sa direksyon ni Celso Ad. Castillo.
Co-stars sina Lito Anzures, Rez Cortez, Alma Moreno, at Joonee Gamboa.
MAG-INGAT KAYO… PLAYBOY AKO!
First daring role ni Gina Alajar.
May tagline na, “The transformation of a girl into a woman!”
Idinirek ni Emmanuel H. Borlaza.
Kasama sa cast sina Rosanna Ortiz, Ernie Garcia, Carmen Ronda, Bella Flores, Romeo Rivera, at Allan Valenzuela.
MAKAMANDAG SI ADORA
Bida si Leila Hermosa, sa direksyon ni Romy T. Espiritu.
Co-stars sina Vic Silayan, Dick Israel, Brenda del Rio, Raquel Montesa, at Ricky Rogers.
Nagbando na, “This is the most controversial love story of the year! A passionate love affair between an old widower [and] the young daughter of a millionaire.”
ANG DAIGDIG AY ISANG PATAK NA LUHA
Trilogy directed by Manuel Cinco, Pierre Salas, at Volante de Guzman.
Starring Lilia Dizon, Gil de Leon, Pinky de Leon, Christopher de Leon, Marianne de la Riva, Van de Leon, Ramil Rodriguez, and Charlie Davao.
May tagline na, “The conflicts of love are as complex as life itself.”
KARUNUNGANG ITIM Also known as The Half Body Man.
Bida sina Ramon Zamora at Lotis Key, sa direksyon nina Joseph Kong at Noli Villar. Horror kung-fu movie.
Nasa cast din sina Rosemarie Gil at Leopoldo Salcedo.
DIVINO
Pinagbidahan ni Ricky Belmonte bilang isang lalaking pinagpala.
Serialized ito sa Superstar Komiks. Story at screenplay ni Carlo Caparas.
Leading ladies sina Celia Rodriguez, Marissa Delgado, Tina Monasterio, at Trixia Gomez. Idinirek ni Nestor Arsenal.
Starring sina Anita Linda, Apeng Daldal, Elizabeth Ramsey, Dely Atay-atayan, Larry Silva, at Angge.
BERTONG SUKLAB
Bida si Ramon Revilla sa title role na tubong-Cavite, laki sa Tundo.
Leading lady si Anna Gonzales. Idinirek ni Jun Gallardo.
Co-starring sina Paquito Diaz, Marlon Bautista, Raul Aragon, Rez Cortez, Michael Murray, at Vivian Velez.
BATA PA SI SABEL
Pinagbidahan ni Carmen Ronda, sa panulat at direksyon ni Santi Verchez.
Co-stars sina Eddie Garcia, Paquito Diaz, Vic Silayan, Greg Lozano, at Divina Valencia.
For adults only ang pelikulang ito.
Noong 1981 ay nagbida si Snooky Serna sa Regal movie na ganoon din ang title.
Idinirek naman iyon ni Joey Gosiengfiao, at nasa cast din sina Albert Martinez, Joel Alano, at Opalyn Forster.
KUTONG LUPA
First dual role ni Niño Muhlach. Co-stars sina Zaldy Zshornack, Nida Blanca, Celia Rodriguez, Johnny Delgado, at Alicia Alonzo.
Directed by Fely Crisostomo and J. Erastheo Navoa.
HARABAS CON BULILIT
Action comedy starring Jun Aristorenas and Niño Muhlach. Directed by Nilo Saez.
PETER PANDESAL
Pinagbidahan nina Ramon Zamora at Niño Muhlach, sa direksyon ni Luciano B. Carlos.
Co-stars sina Imelda Ilanan, Max Alvarado, at Cachupoy.
BONGBONG
Bida sina Niño Muhlach, Rudy Fernandez, at Vivian Velez, sa direksyon ni Fely Crisostomo.
KAHIT SINO KA MAN, MAHAL KITA
First provocative role ni Barbara Luna bilang leading lady.
Base sa nobelang Girl in the Night ni Consorcio Borje.
Nasa cast din sina George Estregan, Djhoanna Garcia, Greg Lozano, Rocco Montalban, at Aruray.
Directed by Bien de Leon and Joseph Villamor.
Read: Philippine Cinema takes center stage this September 2026
NOEL FERRER
Nakalulungkot na “dead films” na ang karamihan sa mga pelikulang Pilipino noong 1970s at 1980s.
Wala nang kopya ng mga ito, kaya hindi na mare-restore.
Nakapanlulumo rin na andiyan pa rin ang mga pirata sa mga bagong pelikulang ipinapalabas.
Kung dati ay sa VCD at DVD ang pamimirata na may physical copies, mas mabilis nowadays dahil online na.
Grabe ang nangyari sa pelikulang Filipiñana na buti na lang patapos na ang theatrical run nang mangyari ang pag-a-upload sa YouTube.
At habang hinahanap pa nila ang salarin sa pamimiratang ito — na nangyari na rin sa iba pang Filipino films na umiikot ng mga festivals — sana maawa naman ang mga tao sa ating lokal na mga pelikula na kailangan talaga ng ibayong tulong at proteksyon.
NATIONAL CINEMA DAY
Samantala, excited tayo sa mangyayari sa 1st National Cinema Day sa Setyembre 12, Sabado.
Ang nagsulong nito ay ang Cinema Exhibitors Association of the Philippines (CEAP), katuwang ang stakeholders ng industriya.
Kabilang sa mga artistang nag-promote nito sina Cris Villanueva, Jairus Aquino, Bela Padilla, Luis Alandy, Elijah Canlas, Kakie, Barbie Forteza, Anne Curtis, Joseph Marco, at Rhen Escaño.
Sa espesyal na araw na iyon ay suspendido ang complimentary ticket privilege ng MTRCB Deputy Cardholders at kanilang companions.
Fiesta ito para sa Pinoy moviegoers! Sana, malaking boost ito sa ating film industry at theaters!!!
Read: Philippine Film Industry Month 2026 celebrates 50 years of cinema