JERRY OLEA
Ngayong Oktubre 5, 2026, Lunes, ang flight ni Direk Lav Diaz pa-South Korea para sa 31st Busan International Film Festival (Oktubre 6-15) kung saan kalahok ang pelikula niyang Let Us Through, Dear Ancestors (Makikiraan Po).
Ang nasabing pelikula ay nagkamit ng Premio Brian (Brian Award) sa 83rd Venice International Film Festival (Setyembre 2-12, 2026).
Nasa cast nito sina Bart Guingona, Ronnie Lazaro, Isabel Sandoval, Yul Servo, Christian Bables, at Bong Cabrera.
Sino ba sa kanila ang talagang bida sa Makikiraan Po?
“Lahat sila,” sabi ni Direk Lav nang makausap sandali ng PEP Troika sa Golden Screen Awards: Dekada Awards 2026 ng MMPress kahapon, Oktubre 4, Linggo, sa MMFF Auditorium, MMDA Head Office, Pasig need to have fulfilled characters, so wala akong iniiwan.
“So eventually pag pinanood mo, lahat sila, bida. Ronnie Lazaro, Christian, Isabel Sandoval, Bart Guingona. Even the kids in the film, makikita mo sila.”
Kailan ipapalabas sa Pilipinas ang Makikiraan Po?
“Magpe-premiere siya sa QCinema (Nobyembre 13-22, 2026). Hindi ko alam ang plano ng mga producers, if they want to show it here,” tugon ni Direk Lav.
“Yung husband ni Lovi [Poe] ang producer, e, saka si Lovi rin.”
Read: Los Hubaderos 2026 3Q: The Hottest Pinoy Men of the Quarter
Makikiraan Po: Comparatively Shorter for a Lav Diaz Film
Comparatively “maikli” ang running time ng pelikula na less than three hours.
“Dahil nasanay sila sa mahaba. By Philippine standard, it’s still long. Kasi two hours 45 minutes siya!” natatawang sambit ni Direk Lav.
“Pero sa followers ko, siyempre, ‘Uy, ang iksi-iksi na ng mga pelikula mo. Hindi na kami nakakatulog, ha?!’ ‘Hindi na kami nababagot!’”
Yung Magellan ay 164 minutes ang running time, less than three hours din — pero merong 10-hour version na na-envision ni Direk Lav.
Itong Makikiraan Po, wala nang bang ibang cut o version.
Kumusta si Christian Bables na first time niyang naidirek sa Makikiraan Po?
“OK naman si Christian. He’s very nice. Hopefully makatrabaho ko uli. We love him.”
Madalas niyang kuning artista si Ronnie Lazaro.
Napangiting sagot ni Direk Lav: “Kasi naman, laging available si Ronnie. And he’s an old friend. Pag isang tawag lang, walang you know…”
Wala nang tanung-tanong, lalo pa’t ang gaganda ng mga naibigay niyang role dito.
“Ganun, e. If you stay with me kung saan ang shooting, mapapalawak ko yung character mo,” wika ni Direk Lav.
“That’s the thing. Lagi kong nire-request sa kanila. ‘If you stay with us, lalaki ang character mo.’”
Gabi-gabi raw kung magsulat ng script si Direk Lav kaya nag-e-evolve ang kuwento ng pelikula.
Maliban sa Makikiraan Po, ang tatlo pang pelikulang Pinoy na kalahok this year sa Busan filmfest ay Filipiñana, 58th, at Ria.
Read: Lav Diaz film Makikiraan Po wins award at Venice Film Festival
GORGY RULA
Syinuting ni Direk Lav Diaz ang Let Us Through, Dear Ancestors (Makikiraan Po) sa Sampaloc, Quezon, kung saan nagsyuting din siya ng Magellan. At home na siya roon?
Tumango si Direk Lav: “E, laking bundok ako, e. E, bundok ang Sampaloc.”
May bahay na siya roon?
“Hindi pa. Nagre-rent pa lang kami. Pero bumili na ako ng munting lupa. Magtatayo ako ng kubo, tapos magsasaka na lang,” matamang sambit ni Direk Lav.
“Baka next year, tigil na ng pelikula. Magpa-farm na lang. Ha! Ha! Ha! Ha! Babalik sa dati, babalik sa dati.”
May farm din si Zsa Zsa Padilla na malapit sa Sampaloc, pero sakop pa ng bayan ng Lucban.
“Malaki ang lupain ni Zsa Zsa doon… kami, doon lang kami sa mga tabing-palay, tabing-ilog,” sabi ni Direk Lav.
“Pag may landslide, naaanod kami. Babalik na kami sa itaas.”
SAMPALOC, QUEZON AS IDEAL FILMING SITE
Buhay na buhay ang community ng artists sa Lucban, Sampaloc, at Mauban (na pinagsyutingan din ng Magellan).
“May Sine Sampaloc kami last week. Buhay na buhay. So we’re training people sa Sining, lahat ng aspeto ng Sining,” saad ni Direk Lav.
“So, kung pupunta ka ng Sampaloc ngayon, puwede ka nang mag-production doon. Alam na nila lahat.” Ang ganda ng nature sa Sampaloc at Mauban…
“Puwede. Ang Magellan, doon ko syinut, e. May dagat sa Mauban. May ilog. May mga lake sa Sampaloc,” wika ni Direk Lav.
“Kung gusto mo naman ng urban area, ang lapit ng Lucena. Malapit lang.”
Read: Gael Garcia Bernal, walang arte nang mag-shooting sa Quezon
LAV DIAZ'S OSCARS EXPERIENCE
Speaking of Magellan, kumusta ang experience nila para ma-shortlist sa Oscars last year?
“Mahirap. yung situation natin, kasi, it’s a voting system, e. Kulang tayo ng mamboboto from Southeast Asia.
“Yun ang problem,” paliwanag ni Direk Lav.
Paisa-isa lang ang nadadagdag na voting member ng AMPAS (Academy of Motion Picture Arts and Sciences) mula sa Southeast Asia?
“Oo. Sabi ng mga na-meet ko doon, ‘You need a strong voting group from Southeast Asia to be able to win.’ At least mga 15, ganoon,” sey ni Direk Lav.
“E, ilan lang yung voting members dito sa Southeast Asia? Lima, apat? Mahirapan, mahirapan.”
All-out ang suporta ng gobyerno sa Filipiñana na panlaban ng bansa sa best international feature ng 99th Academy Awards o Oscars, maging sa 58th na eligible sa kategoryang best documentary, at Agapito na eligible sa kategoryang best live-action short film.
“Oo, ok naman ang support. Nahihirapan pa rin, pero sana, yung bago, makalusot, you know,” sabi ni Direk Lav.
“Yung Filipiñana. It’s a good film. So, sana makalusot… pero kailangan, hindi lang government support. More of a Southeast Asian thing.
“Kailangan may bloc dito na it will support, halimbawa may film from Malaysia, from Singapore, from the Philippines. Isang botohan lang yan. Ganun sila.”
Read: Filipiñana chosen as Philippines’ official entry to Oscars 2027
NOEL FERRER
Tatlo ang pinarangalan ng Multi-Media Press Society of the Philippines (MMPress) bilang Outstanding Director sa kanilang Dekada Awards 2026.
Maliban kay Lav Diaz, ang dalawa pang direktor na honoree ay sina Brillante Mendoza at Erik Matti.
Nagpadala ng video message si Direk Brillante, samantalang ang tumanggap ng trophy ni Direk Erik ay si Atty. Keith Monteverde ng Regal Entertainment.
Bahagi ng talumpati ni Direk Lav Diaz, “Para po ito sa lahat ng manggagawa sa pelikulang Pilipino. Mula producers hanggang sa utility man, iyun po ang pelikulang Pilipino.
“Napakahirap gumawa ng pelikula pero patuloy po tayo. Yung hamon po ng presidente [Rose Garcia-Fabregas] ng MMPress, tinatanggap ho namin ang hamon.
“Gagawa pa kami ng pelikula.”
GOLDEN SCREEN AWARDS: DEKADA AWARDS 2026
Ang hosts ng Dekada Awards 2026 ay sina Gladys Reyes at Angelu de Leon.
Maliban kina Direk Lav at Atty. Keith Monteverde (Regal Entertainment), kabilang sa honorees na dumating sina Dennis Trillo, Judy Ann Santos, Charo Santos, Piolo Pascual, John Arcilla, Maricel Soriano, Marian Rivera, Charlie Dizon, Max Eigenmann, Noel Trinidad, Vince Tañada, Allen Dizon, Kriz Gazmen (Star Cinema), at Vincent del Rosario III (Viva Films).
Pinagkalooban din ng trophy si Congressman Javier Miguel “Javi” Benitez, na chairman ng House Special Committee on Creative Industries.
Maliban kay Cong. Javi ay presenters din sina Film Academy of the Philippines (FAP) Director General Paolo Villaluna, Johnny Revilla of MTRCB, at young stars na sina Xia Vigor at Dwayne Garcia.
Nagbigay ng intermission number sina Arman Ferrer, Erik Santos, at Jarren Garcia.
Present din sa event sina Magui Ford (kinatawan ni Daniel Padilla) at Ambet Nabus (tumanggap ng trophy ni Vilma Santos).
Si Max ang tumanggap ng trophy ni Jaclyn Jose.
Si Xia ang tumanggap ng trophy ni Nadine Lustre.
Nakakatuwa yung pictures na magkakatabi sina Gladys Reyes, Judy Ann Santos at Dennis Trillo — Mara Clara at Ibarra!
Ikinunsidera ng MMPress para sa Dekada Awards 2026 ang mga parangal mula sa limang award-giving bodies — Gawad Urian ng Manunuri ng Pelikulang Pilipino, FAMAS Awards, Luna Awards ng Film Academy of the Philippines (FAP), Star Awards for Movies ng Philippine Movie Press Club (PMPC), at EDDYS ng Society of Philippine Entertainment Editors (SPEEd).
Ang major sponsors ng Dekada Awards 2026 ay sina Senator Lito Lapid, COO Mark Lapid, Glomar Herbal Philippines Corp., FILGEN's Super Tibay & Right Choice, Beautéderm, Five Private Dining, Daniel Arago, Finkels, Triple A, Kamuning Bakery, at GMA-7.
Ang Dekada Awards 2026 ay sa ilalim ng direksyon ni Paolo Bustamante.
Read: October 2026 Awards Rush: Golden Screen, Urian, FAMAS, Star Awards, PASADO