GORGY RULA
Si Meryll Soriano ang isa sa mga natuwa sa napabalitang pagbabalik-pelikula ng ama niyang si Willie Revillame.
Nakita nga raw niya sa social media, at masaya ang premyadong aktres nang tinanong ko ito sa kanya noong Biyernes, Oktubre 9, 2026, sa media conference ng bagong afternoon drama ng GMA-7 na Delivery Boi.
"Nakita ko yung picture. Siyempre na-excite ako, di ba? Kung saka-sakali dahil parehas kaming nasa GMA."
Sana raw matuloy kung ano man ang proyektong plano ng GMA Pictures for Willie.
Naniniwala si Meryll na marami pa ring supporters ang kanyang ama.
"I’m very excited kung sakali man. And you know, people will always miss Papa. Whatever happens, he will always have an audience and following.
"So, excited yung mga taong nagmamahal sa kanya, I’m sure,” saad ni Meryll.
WILLIE REVILLAME ON PRODUCING VS. ACTING
Tinanong namin ang aktres kung mas gusto ba niyang maging artista ang kanyang ama kesa sa mag-produce ng game show, kagaya ng Wowowin o Wilyonaryo.
Sinabi namin sa kanya na baka makakadagdag-stress pa sa Papa niya kung magpo-produce at magho-host ito ng game show.
Ani Meryll: “Alam mo naman si Papa, napaka-talented nun. Kahit saan mo man ilagay yun, he will always excel. Because ano, he loves his work.
“Kahit saan mo man siya dalhin, e. He will always excel because grabe talaga siya mag-work—yung respeto niya sa trabaho, respeto niya sa craft.
“Kaya no doubt na magiging successful yun.”
Read: Lino Cayetano new Presidential Communications Office secretary
NOEL FERRER
Hindi pa raw nakausap ni Meryll Soriano ang kanyang ama, pero masaya siya nung nakita sa social media yung picture na dinner meeting ni Willie kina Atty. Annette Gozon-Valdes ng GMA Pictures at Erwin Blanco ng Mavx Productions.
“Well-rested, di ba? Halatang-halata!” bulalas ni Meryll.
“Basta kung saan siya masaya. And Papa is always happy working, you know. And masaya ako na nakapagpahinga siya.
“Alam ko, nasa puso niya ang pagtatrabaho, kasi talagang yun talaga yung kinasanayan niya.
"I’m sure, it was very difficult for him at first. Pero right now, naniniwala naman ako na nakatulong sa kanya ang pagpapahinga, di ba?
"At least, na-experience niya rin yung ganun kahabang pagpapahinga because he deserves to rest also,” sabi pa ni Meryll.
JERRY OLEA
MERYLL SORIANO RETURN TO GMA-7
Samantala, excited din si Meryll Soriano sa kanyang pagbabalik-Kapuso.
Ang huling series na nagawa niya sa GMA-7 ay ang That’s My Amboy (2016) pa.
Sabi ni Meryll, na-challenge daw siya rito sa Delivery Boi dahil napasabak siya sa pagko-comedy.
“Comedy talaga siya! Sabi ko, na-miss ko mag-comedy. Ngayon, nahirapan ako. Grabeng nakakapagod! Pero I’m very happy.
"I’m really happy to be doing comedy naman this time,” natatawa niyang pahayag.
Swak daw talaga ang pagka-Best Supporting Actor ni Will Ashley dahil talagang nakakaarte ang gumaganap na si Delivery Boi.
“Magaling si Will. Si Mica [Salamanca] kasi, hindi pa kami nagkatrabaho, pero magkakilala na kami.
“Pero si Will, I can vouch na he’s very good talaga,” sambit ni Meryll.
Magsisimula na ang Delivery Boi sa October 19, Lunes, at 3:20 P.M., na mapapanood mula Lunes hanggang Biyernes.
Bukod kina Will, Mica at Meryll, kasama rito sina Eric Quizon, Mikoy Morales, Yasser Marta, Vince Maristela, Keempee de Leon, Maricar de Mesa, Gio Alvarez, Angelie Sanoy, Juharra Asayo, at Baninay Bautista, sa direksiyon ni Adolf Alix Jr.
Read: Joey de Leon turns 80; Kapuso Mel Tiangco, Michael V. send love