JERRY OLEA
Tabla sina Maris Racal (Sunshine) at Odette Khan (Bar Boys: After School) bilang best actress sa 49th Gawad Urian noong Oktubre 8, 2026 sa De La Salle University, Taft Avenue, Manila.
Tabla sina Maris Racal (Sunshine) at Charo Santos-Concio (Only We Know) bilang PinakaPASADOng Aktres sa 28th Gawad PASADO noong Oktubre 22, Huwebes, sa San Beda University, Mendiola Street, Manila.
Gaya ng bali-balita, tabla sina Maris Racal (Sunshine) at Maricel Soriano (Meet, Greet & Bye) bilang best actress sa 42nd PMPC Star Awards for Movies noong Oktubre 25, Linggo, sa Winford Resort Hotel and Casino, Consuelo St., Sta. Cruz, Manila.
Kasama si Piolo Pascual sa Sunshine at Meet, Greet & Bye.
Sa Sunshine, nag-cameo si Piolo bilang tatay ng karakter ni Elijah Canlas, samantalang sa Meet, Greet & Bye ay gumanap si Piolo bilang panganay na anak ng karakter ni Maricel.
MARICEL SORIANO
Third best actress trophy na ito ng Diamond Star na si Marya mula sa PMPC Star Awards for Movies.
Sa dalawang previous win niya ay may ka-tie din siya.
Noong 1995, katabla ni Maricel (Separada) si Dawn Zulueta (Buhay ng Buhay Ko).
Noong 2024, katabla ni Maricel (In His Mother’s Eyes) sina Nora Aunor (Pieta) at Vilma Santos (When I Met You In Tokyo).
May bulung-bulungang quadruple tie sana iyon, pero naligwak daw at the last minute si Sharon Cuneta (Family of Two: A Mother and Son Story).
Pinasalamatan ni Maricel ang apat na gumanap na anak niya sa pelikula, staff at crew, Direk Cathy Sampana, Star Cinema, at siyempre ang kanyang fans na nagtilian: “We love you, Inay!”
Read: October Awards Rush: Golden Screen, Urian, FAMAS, Star Awards
MARIS RACAL
First best actress ito ni Maris sa PMPC Star Awards for Movies.
Apat na beses tumanggap ng award si Maris.
Bago ang best actress category, siya ang tumanggap ng naunang dalawang award ng Sunshine sa mga kategoryang best indie movie director (Antoinette Jadaone) at best indie movie.
Si Maris din ang Female Doye’s Skin Face of the Night, samantalang si Tony Labrusca ang Male Doye’s Skin Face of the Night.
Parehong may PHP50K worth of products ang special award na yon para kina Maris at Tony.
Bahagi ng acceptance speech ni Maris bilang best actress: “I’m really, really happy now right now, mamaya ko pa ito ia-absorb.
“Alam nating lahat, bilang isang artista, hindi madali yung journey. You will even deal with a lot of rejections, redirections, opinions. Many, many things that will make you doubt yourself.
“But lahat ng iyon, nagpapalakas lang ng loob natin. And idadala lang niya tayo kung saan tayo papunta.
“So I’m very grateful dito. Thankful din ako sa management ko, sa Star Magic, kay Direk Lauren [Dyogi], for my manager, road manager, my family, my mom, my dad.
“Thank you, God, for this! And thank you for the movie, Sunshine. And I wanna thank Team Sunshine, my director, Direk Antoinette Jadaone.
“And to all of my producers, my acting coach, my gymnast coach that I worked with for a year for this role.
“And I wanna thank a lot of people, my co-actors. Elijah Canlas, Annika Co, Meryll Soriano, Xyriel Manabat.
“And thank you sa lahat ng staff na bumubuo ng Project 8 Projects, to all my producers, thank you so much.
“And thank you, PMPC, once again. Thank you.”
JERICHO ROSALES
Ang best actor ay si Jericho Rosales (Quezon), pero waley siya sa awards rite at nasa trabaho raw.
Third best actor award na ito ni Echo mula sa PMPC Star Awards for Movies.
Nauna noong 2007 para sa Pacquiao The Movie, kung saan katabla niya si Piolo Pascual (Don’t Give Up On Us).
Sumunod noong 2009, na nagwagi si Jericho para sa Baler.
Ang tumanggap ng trophy ni Jericho ay ang producer ng Quezon na si Daphne Chiu-Soon.
Kasama ni Daphne na umakyat sa stage ang direktor ng Quezon na si Jerrold Tarog.
Read: 49th Gawad Urian: Jericho, Carlo, Odette, Maris are big winners
RICHARD QUAN
Itinanghal si Richard Quan na New Movie Actor of the Year sa 1994 PMPC Star Awards for Movies para sa Saan Ka Man Naroroon.
Ngayong 2026, Best Supporting Actor si Richard para sa How To Get Away From My Toxic Family.
Bahagi ng acceptance speech ni Richard: “Three decades ago nung huli akong binigyan ng PMPC, e. Yung kanominado ko, hindi pa ipinapanganak.
“The more I receive recognition like this, the more I’m convinced na this is a collective effort.
“Maraming involved kaya nasa harap niyo ako ngayon. Let me start with Mama Ogie Diaz and the people behind creative din, the producers ng How To Get Away From My Toxic Family.
“Salamat sa pagsunod nila sa hindi popular na theme. Naniniwala ako sa kuwentong ito. More important than this award, yung message ng pelikula namin.”
Pinasalamatan ni Richard ang iba pang mga kasama sa pagbuo ng pelikula.
“Ang aking direktor, Direk Lawrence Fajardo. Thank you so much for giving me a huge creative freedom sa proyektong ito,” saad ni Richard.
“Marami ho sa importanteng eksena rito, improvisation lamang. At na-enjoy ko yon. Maraming salamat, Direk Law.
“Ahh mga co-actors ko. I firmly believe that acting is reacting. Whatever performance you see in me, nagre-react lang po ako sa mga co-actors ko.”
Special mention ni Richard sina Zanjoe Marudo at Susan Africa na pinasalamatan dahil sa kanilang propesyonalismo, humility, at great talents.
Dagdag ni Richard: “Maraming salamat, PMPC. Thirty-two years ang pagitan pero it’s worth the wait. This is for my 15-month-old daughter, Erich.
“To God be the glory! Good evening, everyone.”
Kabilang sa nominees sa kategoryang ito ang 24-anyos na si Will Ashley (Bar Boys: After School) at ang 25-anyos na si Juan Karlos Labajo (Meet, Greet & Bye)
SYLVIA SANCHEZ
Pang-apat nang acting award ito ni Sylvia mula sa PMPC Star Awards for Movies.
Noong 2015, tabla bilang best supporting actress sina Sylvia at Gretchen Barretto for the same movie, The Trial.
Noong 2020, best actress si Sylvia para sa Jesusa.
Noong 2021, tabla bilang best actress sina Sylvia (Coming Home) at Alessandra de Rossi (Watch List).
Bahagi ng acceptance speech ni Sylvia: “PMPC, maraming salamat sa hanggang ngayon, sa pagtitiwala niyo sa kakayahan ko bilang artista. Maraming-maraming salamat.
“At gusto kong i-share itong award na ito sa mga co-nominees ko. Congratulations sa ating lahat.
“At sa aking pamilya na laging nakasuporta mula noon hanggang ngayon. At higit sa lahat, sa aking mga Nathan Angels. Sa inyo itong award na ito!”
Present sa awards rite ang 80-anyos na si Odette Khan (Bar Boys: After School) na kalaban ni Sylvia sa nasabing kategorya.
Read: Gawad PASADO 2026: Maris, Charo, Jericho, Joshua win top honors
JOJO MENDREZ x MARK HERRAS
Ang unang kumanta sa 42nd Star Awards for Movies ay si Ogie Alcasid.
Bilang tribute sa ina niyang Megastar na si Sharon Cuneta, kinanta ni Kakie ang "Mr. DJ" at "Bituing Walang Ningning."
Isa si Ate Shawie sa dalawang recepient ng Nora Aunor Ulirang Artista Lifetime Acievement Award.
Ang isa pa ay si Rez Cortez na presidente ng Mowelfund (Movie Workers Welfare Foundation).
Hinarana nina Edgar "Bobot" Mortiz at Tirso Cruz III ang Star For All Seasons na si Vilma Santos-Recto.
Isa si Ate Vi sa tatlong iniluklok sa Hall of Fame.
Ang dalawa pa ay sina Albert Michael Idioma at National Artist Ricky Lee.
Bongga rin ang pagbirit ni Morissette.
Pero nakaw-eksena ang pagdu-duet nina "Revival King" Jojo Mendrez at Mark Herras ng "Somewhere In My Past."
Mag-a-abroad na dapat si Mark kasama ang pamilya, di ba?
“Hindi niya mabayaran yung house niya. So ngayon, pinahiram siya ni Arjo Atayde ng sasakyan,” lahad ni Jojo nang makausap namin after the awards ceremony.
“Binebenta sa kanya ni Arjo ng PHP200,000. Nag-down lang siya ng… parang mumurahing sasakyan. Tapos nag-down lang daw siya ng PHP20,000.
“Wala siyang kapera-pera. As in wala. Ikinukuwento lang niya, ikinukuwento lang niya… mukhang mabait naman, ewan ko, bakit ganun, mabait ngayon yun.”
Sa pagkakaalam ni Jojo, one month nang nakikitira si Mark sa isang kaibigan. Pinalayas na raw ito ng wife.
Kailan pa sila nagkasundo ni Mark?
“Kanina lang, kanina lang sa backstage. After nung song. May duet pero hindi kami nagkikita,” tugon ni Jojo, na producer ng 42nd Star Awards for Movies.
Read: Marian Rivera breaks silence on long-running Bela Padilla "padlock" rumor
GORGY RULA
Pasado 8:00 P.M. nag-umpisa ang 42nd PMPC Star Awards for Movies, at lampas 12:00 mn nang matapos.
Ang hosts ay sina Emma Tiglao, Tony Labrusca, Jameson Blake, at Beauty Gonzalez.
Sa umpisa ng programa, ini-announce ng hosts na 42 categories ang ipamimigay.
Hindi dumalo ang Takilya King & Queen na sina Vice Ganda at Nafine Lustre, maging si Sharon Cuneta at iba pang awardees na gaya nina Jericho Rosales, Direk Antoinette Jadaone, Lav Diaz, Rico Blanco, Joe Barrameda, Benjamin Tolentino, Marya Ignacio, at Arvin Belarmino & Kyla Danelle Romero.
Kung dumalo sila at mahaba-haba ang mga talumpati ay malamang na inabot ng 1:00 A.M. ang awards ceremony.
Nagdagdag-ningning sa pagtitipon ang National Artist Ricky Lee, beteranang aktres na si Boots Anson Roa-Rodrigo, multi-awarded director Dan Villegas, at Ian de Leon na kasama ang poging anak.
FIRST SET OF AWARDS
Paspasan ang pag-a-announce ng first six awards.
Best indie movie sound engineer: Lamberto Casas Jr., Kevin Padilla (Journeyman)
Best movie sound engineer: Fatima Nerikka Salim, Immanuel Verona (Quezon)
Best indie movie musical scorer: Rico Blanco (Sunshine)
Best movie musical scorer: Paolo Protacio (100 Awit para kay Stella)
Best indie movie production designer: Lav Diaz (Magellan)
Best movie production designer: Monica Sebial (Quezon)
SECOND SET OF AWARDS
Harurot din ang paghahayag ng sumunod na anim na awards, na naipamigay bago mag-9:00 pm.
Best indie movie editor: Benjamin Tolentino (Sunshine)
Best movie editor: Marya Ignacio (I’mPerfect)
Best indie movie cinematographer: Pong Ignacio (Song of the Fireflies)
Best movie cinematographer: Pong Ignacio (Quezon), at Raymond Red (Manila’s Finest)
Best indie movie screenwriter: Dustin Celestino (Habang Nilalamon ng Hydra ang Kasaysayan)
Best movie screenwriter: Sigrid Andrea Bernardo (I’mPerfect)
Read: Alden Richards: “Alam ko, at the end of the day, I am a good person.”
THIRD SET OF AWARDS
Humigit-kumulang sampung minuto lang, naipamigay ang ikatlong set ng awards.
Best short movie director: Arvin Belarmino & Kyla Danelle Romero (Agapito)
Best short movie: City’s Laundry and Taxes
Best documentary: Food Delivery: Fresh from the West Philippine Sea
SPECIAL AWARDS
Pinaka-highlight ng awards ceremony ang pagpupugay sa Star for All Seasons na si Vilma Santos.
Mahaba ang inilaang oras para ito.
May tatlong special awards na hindi nakalagay sa souvenir program kaya umabot sa 42 ang awards sa 42nd PMPC Star Awards for Movies.
Narito ang special awards…
Hall of Fame as Movie Actress: Vilma Santos
Hall of Fame as Movie Screenwriter: Ricky Lee
Hall of Fame as Movie Sound Engineer: Albert Michael Idioma
Nora Aunor Ulirang Artista Lifetime Achievement Award: Sharon Cuneta, Rez Cortez
Ulirang Alagad ng Pelikula sa Likod ng Kamera Lifetime Achievement Awardee: Alex Muhlach
Ethel Ramos Dean’s Lister: Erlinda Rapadas at Joe Barrameda
Darling of the Press: Chris Cahilig
Takilya King: Vice Ganda (Call Me Mother)
Takilya Queen: Nadine Lustre (Call Me Mother)
Movie Loveteam of the Year: JM Ibarra and Fyang Smith (Shake, Rattle & Roll: Evil Origins)
The Philippines’ King of Prosthetic Transformation: Wilbert Tolentino
Doye’s Skin Face of the Night: Maris Racal, Tony Labrusca
Playtime Movie of the Year: Call Me Mother (may P100,000 cash prize)
Read: Julia Montes speaks about fixing issues in Coco Martin's company
NOEL FERRER
Nagkaroon ng “leakage” ang 42nd PMPC Star Awards for Movies noong Oktubre 11.
Naging matunog na winners ang mga sumusunod…
Movie of the Year: I’mPerfect
Movie Director of the Year: Sigrid Andrea Bernardo (I’mPerfect) and Lester Pimentel Ong (The Delivery Rider)
Indie Movie of the Year: Sunshine
Indie Movie Director of the Year: Antoinette Jadaone (Sunshine)
Movie Actor of the Year: Jericho Rosales (Quezon)
Movie Actress of the Year: Maris Racal (Sunshine) and Maricel Soriano (Meet, Greet & Bye)
Movie Supporting Actor of the Year: Richard Quan (How To Get Away from My Toxic Family)
Movie Supporting Actress of the Year: Sylvia Sanchez (I’mPerfect)
New Movie Actor of the Year: JM Ibarra (Child No. 82, Anak ni Boy Kana)
New Movie Actress of the Year: Krystel Go (I’mPerfect)
Movie Child Performer of the Year: Lucas Andalio (Call Me Mother)
Movie Ensemble Acting of the Year: Meet, Greet & Bye
Indie Movie Ensemble Acting of the Year: Lasting Moments
MOVIE DIRECTOR OF THE YEAR
Sa labintatlong (13) kategoryang yan, isa lang ang “mali” — yung sa kategoryang Movie Director of the Year.
Hindi na tabla iyon.
Ang ini-announce lang na winner ay si Lester Pimentel Ong (The Delivery Rider).
Walang ibang award ang The Delivery Rider, na ang screenplay ay hindi nga nominado.
Sa technical categories, nominado lang ito ay sa kategoryang Movie Sound Engineer of the Year.
Samantalang yung I’mPerfect, wagi sa mga kategoryang Movie of the Year, New Movie Actress of the Year (Krystel Go), Movie Screenwriter of the Year (Sigrid Andrea Bernardo), at Movie Editor of the Year (Marya Ignacio).
Sa technical categories, nominado ang cinematographer, production designer, musical scorer, at sound engineer nito.
Kaya palaisipan kung bakit at paano inilaglag si Sigrid Andrea Bernardo na katabla sana sa kategoryang Movie Director of the Year.
At any rate, narito ang dalawa pang winners sa 42nd PMPC Star Awards for Movies ay “Sandalan” (Manila’s Finest) bilang Movie Theme Song of the Year, at “Alitaptap” (Song of the Fireflies) bilang Indie Movie Theme Song of the Year.
May special award din para sa Winford Resort and Casino Manila.
The 42nd Star Awards for Movies was organized by the officers and members of PMPC Star Awards Inc., led by President Fernando de Guzman (aka Ms. F) and this year's Star Awards for Movies Chairman, Melba Llanera.
The event was directed by Vivian Poblete Blancaflor.
Ikatlong taon na ito na katuwang ng PMPC ang PlayTime Entertainment sa kanilang events.
Kabilang sa sponsors ng 42nd PMPC Star Awards for Movies ang Puregold Teatro Panalo, Goprint Services, Doye Skin… Korea Skin, IOSS Insurance Agency Inc., Dexter’s Pizza, at Groovy Cafe.
Read: Imelda Schweighart draws flak for "homophobic" remarks; she claps back