JERRY OLEA
Actress of Distinction ang award ni Maris Racal (Sunshine) sa 74th FAMAS Awards noong Oktubre 27, 2026, Martes ng gabi, sa Fiesta Pavilion ng The Manila Hotel.
Hindi Best Actress of Distinction. Hindi rin Best Actress with Distinction.
Walang “Best” sa title kay Maris na first time iginawad ng FAMAS.
Actress of Distinction.
Dalawang beses iyong binanggit ng presenter na si FDCP Chairman Jose Javier Reyes, na co-presenter si Bulacan Governor Daniel Fernando.
Nakalagay rin iyon sa mismong tropeyo na ipinagkaloob kay Maris.
Isa lang ang Best Actress sa 74th FAMAS Awards: si Maricel Soriano (Meet, Greet & Bye).
Hindi sila tabla ni Maris.
In fact, walang tabla sa 74th FAMAS.
BEST ACTRESS AND ACTRESS OF DISTINCTION
Magkaiba ang Best Actress na iginawad kay Maricel, at Actress of Distinction na ipinagkaloob kay Maris.
I repeat…
Sa mga nagtatanong kung tabla sina Maricel at Maris bilang best actress sa 74th FAMAS, ang sagot, HINDI.
Best actress ba si Maris sa 74th FAMAS?
Again, ang sagot, HINDI.
Ang trophy ba ni Maris sa 74th FAMAS ay Best Actress With Distinction? HINDI.
Ang trophy ba ni Maris sa 74th FAMAS ay Best Actress Of Distinction? HINDI.
Maliwanag po ba?
Malinaw at maliwanag na po ba na “Actress of Distinction” si Maris sa 74th FAMAS?
Hirit ng kaibigang Allan Diones, “More like ACTRESS OF CONFUSION!”
Read: 74th FAMAS: Maricel, Maris, McCoy win top acting honors
MCOY DE LEON BEATS JERICHO ROSALES FOR BEST ACTOR
Ang Best Actor sa 74th FAMAS ay si McCoy de Leon (In Thy Name), na luhaan sa kanyang acceptance speech.
May mga nagsasabi na sana, si Jericho Rosales ang Best Actor… at si McCoy ay Actor of Distinction.
Oh, well…
So, hindi makaka-grand slam si Jericho bilang best actor para sa Quezon.
Hindi rin makaka-grand slam si Maris bilang best actress.
Samantala, gaya ng naiulat namin before, hindi tuloy this year ang pamamahagi ng awards ng AKTOR-League of Filipino Actors.
Ang naulinigan namin ay may sportsfest ang AKTOR sa Nobyembre, at yung awards ceremony nila ay sa Pebrero 28, 2027.
As of this writing ay wala pang update mula sa MMPRESS (Multi-Media Press Society of the Philippines) kung babalik na ba ang Golden Screen Awards bago magtapos ang taon.
Yung rebooted Luna Awards ng Film Academy of the Philippines (FAP) ay nakatakda sa Disyembre 10, 2026.
NOEL FERRER
To each his own. Kani-kanya ng panlasa ang mga award-giving body.
Yung iba ay may citation o paliwanag sa kanilang choices. May post mortem pa, so to speak.
9TH EDDYS
Ang 9th EDDYS ng Society of Philippine Entertainment Editors (SPEEd) ay ginanap noong Hulyo 5, 2026 sa Ceremonial Hall ng Marriott Grand Ballroom, Pasay City.
Best actress si Maris Racal (Sunshine).
Best actor si Jericho Rosales (Quezon).
Best supporting actress si Rochelle Pangilinan (Child No. 82: Anak ni Boy Kana).
Tabla bilang best supporting actor sina Rico Blanco (Manila’s Finest) at Will Ashley (Bar Boys: After School).
Best picture ang Quezon. Ang nagdirek nitong si Jerrold Tarog ang best director.
Read: Jericho Rosales, Maris Racal win top acting honors at 9th EDDYs
49th GAWAD URIAN
Ang 49th Gawad Urian ng Manunuri ng Pelikulang Pilipino (MPP) ay ginanap noong Oktubre 8, 2026 sa Teresa Yuchengco Auditorium ng De La Salle University, Taft Ave., Manila.
Tabla bilang best actress sina Maris Racal (Sunshine) at Odette Khan (Bar Boys: After School).
Tabla bilang best actor sina Jericho Rosales (Quezon) at Carlo Aquino (Bar Boys: After School).
Best supporting actress si Jennica Garcia (Sunshine).
Best supporting actor si Will Ashley (Bar Boys: After School).
Best picture ang documentary na Bloom Where You Are Planted. Ang nagdirek nito na si Noni Abao ang best director.
Read: 49th Gawad Urian: tie winners, hakot awards, sidelights
28TH GAWAD PASADO
Ang 28th Gawad PASADO ng Pampelikulang Samahan ng mga Dalubguro (PASADO) ay ginanap noong Oktubre 22, 2026 sa Abbot Lopez Hall ng San Beda University, Mendiola St., Manila.
Tabla bilang PinakaPASADOng Aktres sina Maris Racal (Sunshine) at Charo Santos-Concio (Only We Know).
Tabla bilang PinakaPASADOng Aktor sina Jericho Rosales (Quezon) at Joshua Garcia (Meet, Greet & Bye).
PinakaPASADOng Katuwang na Aktres si Jennica Garcia (Sunshine).
PinakaPASADOng Katuwang na Aktor si Mon Confiado (Quezon).
PinakaPASADOng Batang Aktor o Aktres si Lucas Andalio (Call Me Mother).
Tatlo ang PinakaPASADOng Pelikula — Quezon, Sunshine, at Meet, Greet & Bye.
PinakaPASADOng Direktor si Jerrold Tarog (Quezon).
Read: Gawad PASADO 2026: Maris, Charo, Jericho, Joshua win top honors
42nd STAR AWARDS
Ginanap ang 42nd Star Awards for Movies ng Philippine Movie Press Club (PMPC) noong Oktubre 25, 2026 sa ballroom ng Winford Resort Hotel and Casino, Consuelo St., Manila.
Tabla bilang Movie Actress of the Year sina Maris Racal (Sunshine) at Maricel Soriano (Meet, Greet & Bye).
Movie Actor of the Year si Jericho Rosales (Quezon).
Movie Supporting Actress of the Year si Sylvia Sanchez (I’mPerfect).
Movie Supporting Actor of the Year si Richard Quan (How To Get Away from My Toxic Family).
New Movie Actress of the Year si Krystel Go (I’m Perfect).
New Movie Actor of the Year si JM Ibarra (Child No. 82: Anak ni Boy Kana).
Movie Child Performer of the Year si Lucas Andalio (Call Me Mother).
Movie Ensemble Acting of the Year ang Meet, Greet & Bye.
Indie Movie Ensemble Acting of the Year ang Lasting Moments.
Movie of the Year ang I’m Perfect.
Movie Director of the Year si Lester Pimentel Ong (The Delivery Rider).
Indie Movie of the Year ang Sunshine.
Ang nagdirek nito na si Antoinette Jadaone ang Indie Movie Director of the Year.
Read: 42nd Star Awards for Movies: Maricel, Maris tie for best actress
74th FAMAS
Ang 74th FAMAS Awards ng Filipino Academy of Movie Arts and Sciences (FAMAS) ay ginanap noong Oktubre 27 sa Fiesta Pavilion ng The Manila Hotel.
Ito ay Precursor of the Diamond Anniversary of the longest-running award-giving institution for film in the Philippines.
For the first time sa kasaysayan ng FAMAS, nagkaloob ng parangal na Actress of Distinction, na iba sa Best Actress award.
Best Actress si Maricel Soriano (Meet, Greet & Bye), samantalang Actress of Distinction si Maris Racal (Sunshine).
Best Actor si McCoy de Leon (In Thy Name).
Best Supporting Actress si Karylle (Quezon).
Best Supporting Actor si Mon Confiado (Quezon).
Best Child Performer si Annika Co (Sunshine).
Best Picture ang In Thy Name, at ang nagdirek nito na si Cesar Soriano ang Best Director.
Read: October Awards Rush: Golden Screen, Urian, FAMAS, Star Awards
GORGY RULA
Consistent ang 80-anyos na si Odette Khan o Mommy O sa pagiging early bird sa mga awards ceremony.
Sa MMFF 2025 ay best supporting actress si Mommy O para sa Bar Boys: After School.
Sa 49th Gawad Urian ay wagi siya bilang best actress, katabla si Maris Racal.
Sa 28th Gawad PASADO ay dalawa sila ni Noel Trinidad na pinagkalooban ng Lifetime Achievement Award.
May award naman doon si Will Ashley bilang PinakaPASADOng Dangal ng Kabataan.
Sa 74th FAMAS ay may dalawang special awards si Jericho Rosales, na parehong may cash prize na PHP50,000. Sila ni Denise Laurel ang Shining Icons.
Para sa Purple Yam, sila ni Melai Cantiveros ang Stars of the Night, at si Kelvin Miranda ang Face of the Night.
Hosts ng 74th FAMAS sina Denise, Melai, Robi Domingo, at Korina Sanchez-Roxas.
KORINA SANCHEZ-ROXAS
Sabi ni Ate Koring, dapat ay Korina Sanchez-Roxas ang tawag sa kanya sa 74th FAMAS Awards at hindi Korina Sanchez lamang.
Ika-17 wedding anniversary nina Ate Koring at Mar Roxas noong araw na iyon.
Naiintindihan daw ni Mar na mag-host si Ate Koring sa FAMAS Awards.
“Gusto niyang matulog,” sambit ni Ate Koring.
FAMAS SPECIAL AWARDS
Nito ring Oktubre 27 ang ika-71 kaarawan ni Charo Santos-Concio.
May special award si Ma’am Charo na Susan Roces Celebrity Award, pero hindi siya um-attend sa FAMAS.
No show rin si Bea Alonzo na may Nora Aunor Superstar Award, maging ang SB19 at BINI na may FAMAS Youth Achievement Award.
Si Dina Bonnevie ang pinagkalooban ng award na FAMAS Queen of Philippine Cinema “Queen of Glossy Films.”
Sina Bulacan Governor Daniel Fernando at FDCP Chairman Jose Javier Reyes ang nag-announce ng winners sa major categories na Best Actor, Actress of Distinction, Best Actress, at Best Picture.
Si Gov Daniel ang recipient ng FPJ Memorial Award for Excellence, samantalang si Direk Joey ang nagtamo ng FAMAS Grand Maestro Award for Lifetime Achievement in Film Directing.
Read: Charo Santos gets Gawad PASADO, Susan Roces Celebrity Award