JERRY OLEA
Nominado ang Brazilian film na The Secret Agent sa apat na kategorya ng 98th Academy Awards o Oscars.
Palaban ito sa mga kategoryang best picture, best international feature, best actor (Wagner Moura), at best casting.
Historical political thriller ang The Secret Agent, na ang setting ay 1977 na kasagsagan ng military dictatorship sa Brazil.
Read: OSCARS 2026: Sinners breaks record with 16 nominations
Napanood namin ang The Secret Agent kahapon, Enero 22, 2026, Huwebess, a Power Plant Mall, Rockwell Center, Makati City, bilang bahagi ng Cinema Prive special screening na handog ng Film Development Council of the Philippines (FDCP).
NEW CINEMATHEQUE OPENING
Bago ang invitational screening, ibinalita ni FDCP Chairperson and CEO Jose Javier Reyes na ngayong Enero 23, Biyernes, ang relaunch ng Juanflix website, at Juanflix app kung saan PHP49 ang monthly subscription.
“Matagal na naming medyo na-delay yan pero tomorrow, sure na sure na ito,” sabi ni Direk Joey kahapon.
“Juanflix will be fully operational and the app, that way you can watch this film on your tablets and on your phones.
“And secondly, by the end of next month, finally but finally too, we are launching, we are opening the new Cinematheque at the Philippine Heritage Building [in Intramuros, Manila].
“And part of the launch will be a special screening of Jun Lana’s Sisa starring Hilda Koronel.”
Ang tentative date ng inauguration ng Cinematheque ay Pebrero 26, Huwebes.
Sa kasunod na araw ay ipapalabas naman doon ang restored version ng Sisa (1951) ni National Artist Gerardo de Leon, kung saan title role si Anita Linda.
Kasado na rin ang Cinematheque screening ng dalawang mahalagang documentary.
Una, ang documentary ni Baby Ruth Villarama tungkol kay National Artist Eddie Romero.
At ikalawa, ang documentary na Nurse Unseen ng Fil-American na si Michele Josue, na nag-Philippine premiere noong Enero 21, Miyerkules, sa UP College of Nursing Auditorium.
Inaasam din ni Direk Joey na maipalabas ng FDCP sa bagong Cinematheque ang documentary na Del Mundo na tungkol sa multi-awarded scriptwriter na si Clodualdo del Mundo Jr.
Read: Cha Eun Woo linked to 20B won tax evasion allegations involving his mother
PHILIPPINE HERITAHE BUILDING
Sa huling linggo ng Marso pa nakatakda ang inauguration ng Philippine Heritage Building, kung saan merong library ng Filipino scripts na digitized at hard copy. Kumusta na ang Philippine Heritage Building?
“Mukhang OK na. Nag-move na doon ang Philippine Film Archives,” tugon ni Direk Joey.
“Nailipat na yung mga assets. Nailagay na sa vault. So, lumipat na ang Philippine Film Archives sa Heritage Building.
“Kami [FDCP], aalis na sa Makati sa February at lilipat na doon.”
Read: Joey Reyes, disappointed sa Philippine Film Heritage Building
GORGY RULA
Meron nang FDCP Cinematheque Centre sa Iloilo City, Davao City, Bacolod City sa Negros Occidental, at Nabunturan sa Compostella Valley.
Hindi active ang Cinematheque sa Nabunturan at malamang na isara iyon.
Sabi ni FDCP Chairperson and CEO Jose Javier Reyes, naghahanap ang FDCP ng venue ng Cinematheque sa Cebu City, Naga City, at Baguio City.
“Humahanap kami ng ibang mga LGUs who are willing to donate venues where we can build the Cinematheque there,” sey ni Direk Joey.
Umaasam silang magkaroon din ng Cinematheque Center sa Dumaguete City sa Negros Oriental, at Cagayan de Oro City sa Misamis Oriental.
“Kailangan namin ng LGUs na mag-donate… Ang bigger problem right now is iyung budget cut namin,” pagsisiwalat ni Direk Joey.
“Kasi, lahat naman, na-cut, e, ang budget. So, ang mission ko ngayon is to be able to raise so much money, OK, in order to be able for us to continue our education programs, and to build these Cinematheques.
“Kasi, each Cinematheque cost about twelve to twenty million pesos, depende sa ano.”
Read: Lea Salonga confirms separation from husband Robert Chien
NOEL FERRER
Hindi pa napipirmahan ang deal ng FDCP with the Department of the Interior and Local Government (DILG) para ma-simplify ang mga shooting procedure sa bansa.
“Super-super-super busy lang talaga ngayon si [DILG Secretary Jonvic] Remulla,” sambit ni FDCP Chairperson and CEO Jose Javier Reyes.
“Napakarami niyang ginagawa! At hindi ko naman siya puwedeng iistorbo para, you know, to talk movies, hindi ba?
“But we really badly need yung magsa-sign na kami ng aming deal with the DILG…
“Importanteng-importante na ma-continue namin iyong education program pero super-kulang na yung budget namin. Super-super kulang!
“So, nanggaling na kami sa DTI kahapon. Humihingi kami ng tulong sa DTI to sponsor… oh! Meron kaming big event na ine-expect, no.
“Pagdating ng ASEAN Conference dito around November, meron din kaming pakulo na mga ASEAN filmmakers naman ang tampok, iyong AFAN. Asian Film Alliance Network.
“Magpupunta ang representatives of eight film councils. Tayo ang host country.
“At kasabay nun, eight filmmakers from each of these countries, ipapalabas namin yung mga pelikula ng young filmmakers dito, and they will interact with one another.
“Para sa amin, importante iyon — to create alliances. That’s why pagpunta namin sa Berlin sa February, bahagi doon is to plan that big Asian film camp na gaganapin sa November.”
WORLD CINEMA 2026
Siyangapala, handog ng FDCP ang World Cinema 2026 sa Enero 28 hanggang Pebrero 3 sa mga piling sinehan.
PHP250 ang ticket price para sa mga pelikulang It Was Just An Accident (R13), Sentimental Value (R13), Resurrection (R16), at Sound of Falling (R18).
Kagaya ng The Secret Agent, nominado sa kategoryang best international feature ng 98th Academy Awards ang It Was Just An Accident ng France, at Sentimental Value ng Norway.
Siyam ang nominasyon ng Sentimental Value sa Oscars!
Nominado rin ito sa mga kategoryang best best picture, best director, best actress (Renate Reinsve), best supporting actress (Elle Fanning, Inga Ibsdotter Lilleaas), best supporting actor (Stellan Skarsgard), best original screenplay, at best editing.
Ang participating cinemas sa World Cinema 2026 ng FDCP ay SM Mall of Asia, SM Megamall, SM North Edsa, SM Southmall, SM Seaside City Cebu, SM Davao, Robinsons Manila, Robinsons Galleria Ortigas Cinemas, Trinoma, Ayala Malls Manila Bay, Gateway Cineplex 18, Shangri-La Red Carpet Cinemas, Power Plant Cinema, at Cinema '76.
Read: Willie Revillame explains why Wilyonaryo will not air on TV5