Ready nang mag-toss, mag-spike, at umatake patungo sa inyong mga TV screens ang Tropang G.O.A.T., ang pinakabagong sports drama sa iWant.
Tungkol ito sa mga miyembro ng isang high school volleyball team at ang masigasig na coach na magdadala sa kanila sa championship.
Bida rito ang tatlong batang Kapamilya talents na sina Santino Santiago, Jansen Magpusao at si Joaquin Arce.
Si Beauty Gonzalez naman ang gaganap bilang Coach Toni, na baguhan pa lamang sa pagko-coach sa Masigasig Integrated School.
Kasama rin sa cast sina Jackie Lou Blanco, Luis Alandy, Cedrick Juan, Kanata Tapia, Krystal Mejes, Charm Aranton, at Nova Villa.
May special participation naman sina Freddie Webb at ang volleyball champion na si Alyssa Valdez.
Si Randolph Longjas ang direktor ng Tropang G.O.A.T.
Maaalalang siya rin ang direktor ng 2024 movie na Mujigae, starring Alexa Ilacad at Kim Ji Soo.
Ipapalabas ang Tropang G.O.A.T. sa iWant, every Friday, starting on August 15, 2025.
Tropang G.O.A.T.: MEET THE CAST
Santino Santiago
Santino plays Balong, ang libero ng Green Goats volleyball team.
Lumaki siya sa kanyang lola, dahil matagal nang umalis ang kanyang nanay.
Sa special screening ng Tropang G.O.A.T. na ginanap noong Lunes, August 11, 2025, sinabi ni Santino na napamahal na siya sa volleyball matapos gawin ang series.
“Ever since po na nag-start kami ng training, I’ve come to love volleyball. Kahit noong natapos na po yung series, tinuloy ko po yung paglalaro ko, kasi gusto ko pong maging proud sina coach,” sabi ng newbie actor.
Read: Pitong pelikula, pagpipilian para maging PH entry sa 98th Oscars
Jansen Magpusao
Jansen plays Sid, na sumali sa volleyball team para makakuha ng allowance na makatulong sa gastusin ng kanyang pamilya.
Baguhan din si Jansen sa volleyball bago na-cast sa Tropang G.O.A.T.
Mas kilala siya sa indie film niyang John Denver Trending (2019), kung saan nanalo siya ng Best Actor award sa Cinemalaya Independent Film Festival.
Sa panayam ng PEP.ph (Philippine Entertainment Portal) kay Jansen, sinabi nitong masaya siya dahil finally, nagka-main role na siya sa isang series for the first time.
“Ito rin po yung first role ko na masaya. Nung nakita na po namin yung mga snippet, at nung nakita na po namin yung buong episode, sobrang saya niya at solid talaga yung ginawa naman nina Direk Randolph,” saad ng young indie actor.
Read: Enrique Gil deletes “I love you” comment on Liza Soberano's post
Joaquin Arce
Joaquin plays Gino, ang spiker ng team Green Goats.
Sa panayam ng PEP kay Joaquin, sinabi nitong among the main cast, siya ang may background sa volleyball.
Naglaro siya nito para sa school niya dati, pero muntik na siyang mag-quit matapos mamatay ang kanyang kapatid.
“I trained for intrams namin sa school at talo kami dun. So I guess yung totoong dahilan, yung plano ni Lord na mag-train ako sa volleyball is this show.
"Actually, pure milagro yung role na ito,” saad niya.
Beauty Gonzalez
Beauty plays Coach Toni, na bagong teacher sa Masigasig Integrated School kaya’t mabigat ang trabaho niyang bumuo ng bagong volleyball team.
Sa pakikipag-usap ni Beauty sa PEP, sinabi nitong nanibago raw siya noong nagsimula ang shoot dahil mas sanay siya sa drama.
“Happy ako kasi it’s something new for me. I’m always doing drama. Dito walang sampalan, walang iyakan, walang mahabang agawan ng asawa, walang nawawalang anak. So everything’s new,” saad niya.
Jackie Lou Blanco
Jackie Lou plays Mommy Ginny, ang nanay ni Gino, ang karakter ni Joaquin Arce.
Cedrick Juan
Cedrick plays Coach Rom, isa ring sports coach sa Tropang G.O.A.T.
Luis Alandy
Luis plays Mang Obet, ang ama ni Sid, na karakter ni Jansen Magpusao.
Siya ay ang bagong security guard sa Masigasig Integrated School.
Natuwa si Luis nang mapanood ang first episode ng bagong series.
“First episode pa lang, very entertaining na yung show namin. Na-amaze ako dun sa animation. Very catchy siya, very entertaining,” pahayag ng character actor.
Nova Villa
Nova plays Lola Uray ni Balong, na karakter ni Santino Santiago.
Sa special screening, nagbiro ang veteran actress na hindi niya alam na sports drama ang kanyang sinalihang palabas.
“Sa drama ako, e. Ngayon ko lang napanood ito e. Sports pala. Kasi tuwing shooting drama, kasama ang aking apo. Yun lang ang naintindihan ko, yung relasyon namin ng apo ko,” sabi ni Nova habang tumatawa.
Kanata Tapia
Kanata plays Chiyaki, a professional video gamer.
Pahayag ng dating Pinoy Big Brother Gen 11 housemate, hindi naman daw siya nag-train para sa role niya.
“But yung expressions, yung mga sasabihin ko, nagpaturo lang ako sa mga teammates ko,” sabi ng baguhang artista.
Krystal Mejes
Krystal plays Lia Taekwondo.
Sineryoso raw niya ang martial arts training para sa show.
“I really hard to train hard for that scene na kailangan naming kunan because I don’t really play taekwondo in real life. Parang nabinat ang buong pagkatao ko,” biro ng young actress.