Teenagers na ang dating child stars na sina Jana Agoncillo, 13, at Raikko Mateo, 14.
Dumalo ang dalawa sa #StarMagicalProm2023 na ginaganap ngayong Huwebes ng gabi, March 30, 2023, sa The Bellevue Manila sa Alabang, Muntinlupa.
Parehong anim na taong gulang lamang sina Jana at Raikko nang bumida sila sa kani-kanilang teleserye sa ABS-CBN.
Halos walo o siyam na taon na ang nakalilipas nang makilala ang dalawa bilang promising child stars.
Si Jana ay bumida sa Kapamilya teleseryeng Ningning (2015), kung saan tampok din sina Sylvia Sanchez, Beauty Gonzalez, at Ketchup Eusebio.
Sa ivory carpet ng #StarMagicalProm, kapansin-pansin ang ganda ni Jana na balingkitan ang katawan sa suot niyang yellow gown.
Pinuri pa ng host na si Ai dela Cruz si Jana na “well-spoken.”
Kung gagawa raw ng proyekto, nais ni Jana na gumanap ng role na hahamon sa kanyang pag-arte.
Aniya, “Actually, there really is a specific role that I want to portay, but I wanna grab roles that will really challenge me, and push me as an actress, because I think it's one of my ways to grow as well.”
Anong specific role ang gusto niyang gampanan?
“Maybe something dark, like being a psychopath,” sagot ni Jana.
Excited daw si Jana sa pagdalo sa #StarMagicalProm2023 event dahil, “I believe it will open a lot of opportunities not just for me but other artists as well.”
RAIKKO A.K.A. HONESTO
Marami rin ang nagulat na malaki na pala ngayon si Raikko, ang dating child star na bumida sa top-rating prime-time series na Honesto (2014). Pinagbidahan din ito nina Paulo Avelino at Maricar Reyes.
Excited daw si Raikko na makasalamuha ang kanyang fellow young artists.
Aniya, “I’m really looking forward to interact with all the Star Magic artists.”
Nang usisain kung ano ang tatahakin ng kanyang showbiz career, sinabi ni Raikko na pinag-iisipan pa niya ito.
“To be honest, I’m young po. I’m 14 years old. I’m at a point in my life where I’m still deciding on what I want to do with my personal life and my career.
“But I hope it all pans out in the good way.”
NETIZENS REACT to jana and raikko being grown-ups
Maraming netizens naman ang nag-post na nagandahan sila sa Ningning star, na anila ay malaki ang potensiyal na sumikat.
Sabi naman ng iba, nananatili pa ring cute si Raikko.
May nagkomento namang naramdaman daw niyang matanda na ito matapos makitang malalaki na ang dating Kapamilya child stars.