May kinalaman sa pagpirma niya ng kontrata sa Advanced Media Broadcast System (AMBS) ang “Excited” Instagram post ng actress-singer na si Ciara Sotto, kahapon, September 7, 2022.
Si Ciara ang panglima sa mga personalidad na pumirma ng kontrata sa AMBS at mapapanood sa ALLTV, na opisyal na magbubukas sa September 13, 2022.
Nauna nang ipinakilala ng AMBS sina Willie Revillame, Toni Gonzaga, Paul Soriano, at Anthony Taberna bilang mga talent ng premiere broadcast station ng Villar family.
Naganap ang contract signing ni Ciara sa Mella Hotel sa Las Piñas City ngayong Huwebes, September 8, 2022.
Kasama sa contract signing sina AMBS President Maribeth Tolentino, Chief Financial Officer Maryknoll Tolentino, at general counsel Atty. TJ Mendoza.
Ciara Sotto (second from right) with AMBS President Maribeth Tolentino (second from left), Chief Financial Officer Maryknoll Tolentino (extreme left), and general counsel Atty. TJ Mendoza (extreme right).
Pahayag ni Ciara, “I am honored to be considered as one of your talents, and I am very, very excited to work with all of you. God bless you and I promise I’d do my best, and I am very, very easy to work with.”
Maligayang-maligaya si Ciara sa mainit na pagtanggap at oportunidad na ibinigay sa kanya ng AMBS.
Bukod sa pagiging mapagmahal na ina ng kanyang nag-iisang anak na si Crixus, si Ciara ang founder at pangulo ng Philippine Pole and Aerial Sports Association (PPASA) at ng women’s community group na Prinsesa.
Naniniwala si AMBS President Maribeth Tolentino na malaki ang magiging kontribusyon ni Ciara sa ALLTV dahil accomplished actress, television host, singer, dancer, at fitness enthusiast ang bunsong anak nina Helen Gamboa at former Senate President Tito Sotto at nakababatang kapatid ni current MTRCB Chair Lala Sotto.
“We want ALLTV to cater to all, and make everyone feel that they are part of our growing family. We are working on a variety of programs that appeal to all, especially the masses.
“We are focused on bringing exciting entertainment shows to our viewers, and I am sure Ciara can help us with that aspect. Handa tayong magpasaya for all sa ALLTV,” pahayag ni Tolentino tungkol sa bagong "Kababayan" ng ALLTV.