Sa tuwing nagkakaroon ng survey tungkol sa pinakamagagandang mukha sa Philippine showbiz, hindi nawawala ang pangalan ni Kristine Hermosa.
Madalas pa nga, siya ang nangunguna sa listahan.
Sa mga ganoong papuri sa kanyang ganda, ano ang nararamdaman niya?
Napangiti si Krstine sabay sabing, "Napi-pressure na ako. Tumatanda na ako. Medyo nakaka-pressure na. Grabe na po ang weight."
Ang implication daw kasi ng "most beautiful" tag sa kanya ay "bawal tumanda, bawal magka-wrinkles."
But kidding aside, "I'm flattered. Thank god for that glow..."
At paulit-ulit niyang sinabi ang "thank you, lord," sa tuwing pinupuri ang kanyang ganda.
Read: BLIND ITEM: Charming Actress na ikakasal, misteryoso ang groom
KRISTINE HERMOSA'S MOST BEAUTIFUL IN SHOWBIZ
Pero kung si Kristine ang tatanungin, sino sa mga female celebrities ang may pinakamagandang mukha?
"Naku, it would be unfair naman for the others kasi, sa totoo po, andami ko na talagang hindi masyadong kilala ngayon.
"Pero andami ring magaganda akong nakikita, but I don’t remember their names.
"Pero iyon na nga, fresh na fresh sila, e.”
Now 42 years old, umabot na ba siya sa puntong natatakot na baka magkaroon na ng wrinkles o kulubot sa mukha?
“Siyempre, once in a while,” ang very honest na sagot ng aktres.
Dagdag niya, “Di ba tinitira din tayo ng hormones natin, di ba? Totoo naman po iyan."
Read: Kristine Hermosa describes Dina Bonnevie as mother-in-law
KRISTINE HERMOSA'S BEAUTY SECRET
Pero ano nga ba ang beauty secret niya?
"I just try my best kung anong magagawa ko for myself to be healthy, to eat healthy, to exercise."
Sinasamahan rin daw niya ng dasal.
"At iyon na nga, ‘Lord please pagandahin mo pa ako. Lord, pabatain mo pa ako,'" at muling tumawa si Kristine.
Pero ano ang pananaw niya about beauty enhancementz o pagpaparetoke?
Wala naman daw problema sa non-surgical procedures.
Aniya: “Non-surgical po okay lang. Medyo natatakot ako, e, baka masobrahan yung pagtusok, wala ng bawian, di ba? Iyon lang naman.
“Pero for other people naman, kung okay sa kanila iyon, comfortable sila with that, I’m fine with it."
KRISTINE HERMOSA ON DOING TELESERYE AGAIN
Tanong ng veteran showbiz repoirter na si Rose Garcia: Hindi ba niya nami-miss ang paggawa ng teleserye? Napag-uusapan ba nila ito ng mister niyang si Oyo Sotto?
"Actually, wala naman po talagang problema kay Oyo, ako yung may problema.
"Sa totoo, gusto ko talaga, nami-miss ko rin po talaga, except yung demand.
"Pero yung demands po kasi ng teleserye...may anim akong anak, may asawa ako, so hindi na siya yung parang katulad nung dati na anytime tawagin nila ako, in the middle of the night, puwede nila ako hatakin, things like that—like may kailangan kayong i-shoot—so hindi ko yun mako-commit talaga."
Mas gusto raw niya yung sitcom "kasi medyo magaan."
Nakausap ng PEP.ph (Philippine Entertainment Portal) si Kristine sa grand opening ng Skinlandia beauty and wellness clinic, na pag-aari ni Noreen Divina.
Si Kristine ang isa sa nag-cut ng ribbon for McKinley branch, na pag-aari naman ng GMA-7 talent na si Jess Martinez at mommy niyang si Jessieden Ali Martinez.
Nangyari ang event noong September 27, 2025, sa ground floor ng The Viceroy Residences sa Mckinley, Taguig City.
