Isang nakakakilig na mensahe ang ibinahagi ni Marco Gumabao sa Instagram ngayong araw, February 6, 2024, para sa kaarawan ng kanyang girlfriend na si Cristine Reyes.
Ipinagdiwang ni Cristine ang kanyang ika-35 kaarawan kahapon, February 5.
Lumipad patungong Siargao Island ang magkasintahan para roon ipagdiwang ang kaarawan ni Cristine.
Ayon kay Marco, sobrang kaligayahan at pagmamahal sa kanyang buhay ang hatid ng “love of my life” niyang si Cristine.
Buong mensahe ni Marco, “Wishing the most amazing birthday to the love of my life!
“You bring so much joy and love into my world, and I’m grateful for every moment with you.
“Here’s to a day as special as you are, filled with laughter, love, and unforgettable memories. Happy birthday, beautiful! [cake, candle, balloons emojis] @cristinereyes”
View this post on Instagram
Kasama rin nina Cristine at Marco sa Siargao ang kapatid ng aktres na si Ara Mina at asawa nitong si Dave Almarinez at ilang malalapit na kaibigan.
Mensahe naman ni Ara para kay Cristine, “Cheers to a remarkable sister turning 35. Happy birthday, Aa! Ate and your Kuya Dave are always by your side. We love you! [hearts emojis]”
View this post on Instagram
Samantala, libre na si Cristine na muling makapag-asawa kasunod ng kanyang pag-aming annulled na ang kasal nila ng ex-husband na si Ali Khatibi.
Ginawa ni Cristine ang pag-amin sa guesting nila ni Marco sa Fast Talk with Boy Abunda ng GMA-7 noong Pebrero 1, 2024.
Read: Cristine Reyes dodges question on status of relationship with husband Ali Khatibi
“Yes!” sagot ni Cristine nang magtanong si Boy kung annulled na ang kasal nila ni Ali.
“Hindi ko naman siya in-announce, e. It’s not something to celebrate,” katuwiran ni Cristine tungkol sa desisyon nitong huwag isapublikong napawalang-bisa na ang kasal nila ni Ali.
Read: Cristine Reyes finally admits marriage to Ali Khatibi has been annulled
Ikinasal sina Cristine at Ali sa Balesin Island, Polillo, Quezon, noong Enero 27, 2016.
Read: FIRST LOOK: Cristine Reyes marries Ali Khatibi in Balesin
Pero makalipas lamang ang dalawang taon, noong 2018, ay umugong ang usap-usapang hiwalay na umano sila.
Read: Cristine Reyes at Ali Khatibi, hiwalay na?