Extra special ang selebrasyon ng ika-60 kaarawan ng aktor na si Gabby Concepcion.
Bukod sa kanyang pamilya, fans, at mga kaibigan, nakatanggap din siya ng sweet birthday greetings mula sa ex-wife niyang si Sharon Cuneta at anak nilang si KC Concepcion.
Noong November 5, 2024, ipinagdiwang ni Gabby ang kanyang 60th birthday.
SHARON SENDS BIRTHDAY GREETINGS TO GABBY
Sa Instagram post ni Sharon noong November 6, binati niya ang dating asawa sa pamamagitan ng pag-upload ng video clip nila ni Gabby habang sila ay nasa Toronto, Canada, para sa kanilang Dear Heart concert.
Read: Sharon Cuneta confirms misunderstanding with Gabby Concepcion after Dear Heart concert
Sa video, mapapanood na sorpresang kinantahan ni Sharon si Gabby ng "Happy Birthday" habang hawak-hawak ang birthday cake nito.
Makikita pa ang pagbebesohan at pagyayakapan ng dalawa na nagpakilig at nagpatili sa kanilang fans.
"Happy, happy birthday—for Dear Heart, our movie, and everything good that followed after," mensahe ni Sharon kay Gabby.
Tugon naman sa kanya ni Gabby, "Thank you, thank you for the cake."
Sa comments section ng post ni Sharon ay makikita naman ang komento ng anak nilang si KC.
Sabi nito, "Awwwwwww!!! Happiest birthday, Papa!!!"
KC pens heartwarming message for HER DAD
Bukod sa pagkukomento sa post ni Sharon ay may hiwalay ring pagbati si KC para sa kanyang ama.
Ngayong Huwebes, November 7, nang mag-post si KC ng video clip kunsaan makikita ang ilang bonding moments nila ni Gabby.
Ani KC, lagi't lagi niyang ipinagpapasalamat sa Diyos ang pagkakaroon niya ng mga magulang na kagaya nina Gabby at Sharon.
Mababasa sa caption ng kanyang post (published as is): "It’s November, and that means celebrating the birth month of my sweet, kind, and guapo Papa love!
"I thank God everyday for our effortless bond, and the chance He gave us to be closer than ever as father-daughter.
"Always grateful for the parents God chose for me. I love you."
Hirit pa niya, "(People abroad sometimes think he’s my boyfriend when they catch us talking on video call, nakakahiya! Hahah) @concepciongabby."
Sina Sharon at Gabby ay nagpakasal noong 1984. Isinilang si KC noong April 7, 1985.
Ngunit sa kasamaang palad ay naghiwalay ang dalawa noong 1987 o tinatayang two years old pa lamang si KC.
Read: KC Concepcion celebrates birthday with dad Gabby Concepcion; posts throwback video with parents
Sa ngayon ay may kanya-kanya nang asawa at pamilya sina Sharon at Gabby.
Si Sharon ay kasal sa dating senador na si Kiko Pangilinan, habang si Gabby ay masaya na rin sa piling ng non-showbiz wife niyang si Genevieve Yatco Gonzales.
Read: KC Concepcion flexes bonding time with two sisters, dad Gabby