Tatlong Pinay ang dumagdag sa listahan ng #PinoyPride at #PinayPower nang itanghal na finalists sa 2024 Pulitzer Prizes nito lamang Lunes, May 6, 2024.
Sila ay sina Hannah Reyes Morales, Ren Galeno, at Nicole Dungca.
Isa sa pinaka-prestihiyosong international awards ang Pulitzer Prize na ibinibigay taun-taon ng Columbia University sa New York City.
Kinikilala nito ang outstanding achievers sa iba’t ibang larangan, tulad ng journalism, literature, music, at iba pang contributions na may kinalaman sa public service.
Sina Ren Galeno at Nicole Dungca ay kabilang sa mga finalists sa Illustrated Reporting and Commentary category para sa “Searching for Maura” o “Paghahanap kay Maura,” na ipinublish sa The Washington Post noong August 16, 2023.
Ang “Searching for Maura” ay tumatalakay sa kuwento ni Maura, isang 18-year-old Filipina na kabilang sa mga Pilipinong ipinadala sa Missouri sa Amerika para sa 1904 St. Louis World’s Fair.
Naging kontrobersiyal ang exhibit na ito dahil dinala ng mga American organizers ang mga indigenous people mula sa iba’t ibang panig ng mundo—kasama na ang mga Igorot na katribo ni Maura—papunta sa Missouri para sa public display. Tinagurian din itong “giant human zoo.”
Ang obra nina Galeno at Dungca ay itinuturing na kauna-unahang illustrated story na nailathala sa The Washington Post. May Filipino at English versions ito.
Si Hannah Reyes Morales naman ay finalist sa Feature Photography para sa kanyang photographic work sa The New York Times story na “How the Youth Boom in Africa will Change the World.”
Ito ay naglalarawan ng "youthquake" o paglakas ng kabataan sa Africa.
Mas kilalanin natin ang tatlong Pilipina na nagbigay ng karangalan sa ating bansa.
Read: Pinoys answer TikToker asking why Filipinos smell good
2024 Pulitzer Prize FINALISTS
Ren Galeno
Si Ren, 27, ay isang accomplished comic book creator, visual artist, at teacher mula sa Davao City.
Nagtapos siya bilang magna cum laude sa University of the Philippines - Diliman sa kursong Bachelor of Fine Arts, major in Painting noong 2019.
Si Ren ang gumawa ng illustrations para sa “Searching for Maura,” kasama sina Claire Healy at Nicole Dungca.
Read: Labandera sends 6 kids to school; all 6 professionals now
Nicole Dungca
Si Nicole ay isang U.S.-based Filipino-American investigative journalist na nagtapos sa kursong Bachelor of Arts in English sa Brown University.
Nagtatrabaho siya ngayon sa Investigative Unit ng The Washington Post at sa award-winning Broken Doors Investigative Podcast, kung saan ay isa siyang co-host.
Nagsusulat din si Nicole para sa mga kilalang publications, tulad ng The Boston Globe’s Spotlight Team, Oregonian, The Times-Picayune, at The Providence Journal.
Sa kasalukuyan, siya ang presidente ng Asian American Journalists Association.
Read: Professor in Mindanao plagiarizes her student's thesis
Hannah Reyes Morales
Si Hannah, 33, ay isang photographer mula sa Manila.
Nagtapos siya bilang cum laude noong 2011 sa University of the Philippines - Diliman sa kursong Bachelor of Arts in Speech Communication.
Una nang nakilala si Hannah sa kanyang mga awards, tulad ng 2023 Pictures of the Year International Award at 2023 World Press Photo Award.
Commissioned din siya bilang Nobel Peace Press Photographer noong 2021.
Bukod diyan, si Hannah ay isa ring National Geographic Explorer mula 2022 hanggang 2023.
FILIPINOS WHO BECAME PULITZER PRIZE FINALISTS
Ilan pa sa mga Pilipinong nagwagi o naging finalist sa Pulitzer Prizes ay ang photojournalists na sina Ezra Acayan at Romeo Gacad, reporter na si Manuel Mogato, at ang military general, statesman, and journalist na si Carlos P. Romulo.
Iba talaga ang #TatakPinoy!